Gəncə Şəhəri Kəpəz Rayon Məhkəməsi Qərardad — İş №2(043)-2496/2021

Azərbaycan Respublikası adından QƏRARDAD Gəncə şəhəri İş № 2(043)-2496/2021 25.06.2021 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Hüseynov Zaur Nazim oğlu, iddiaçı Azərbaycan Respublikası Kənd Təsərrüfatı Nazirliyinin Bitki Mühafizə və X1-Tədqiqat İnstitutunun Cavabdeh qarşı «işgüzar nüfuzun müdafiəsi və dəymiş mənəvi zərərin ödənilməsi» tələbinə dair iddia ərizəsinin məhkəmənin icraatına qəbul edilməsinin mümkünlüyünə baxaraq, müəyyən etdi: İddiaçı Azərbaycan Respublikası Kənd Təsərrüfatı Nazirliyinin Bitki Mühafizə və X1- Tədqiqat İnstitutu Cavabdeh qarşı «işgüzar nüfuzun müdafiəsi və dəymiş mənəvi zərərin ödənilməsi» tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək məhkəmə hesab edir ki, iddia ərizəsinin qanunla müəyyən olunmuş məzmununa riayət edilmədiyindən, iddia ərizəsi və ona əlavə edilmiş sənədlər geri qaytarılmalıdır. Belə ki, iddia ərizəsinin “xahiş etdi” hissəsində iddiaçının barəsində yayılmış işgüzar nüfuzu ləkələyən, həqiqətə uyğun olmayan məlumatların Azərbaycan Respublikası Prezidentinə, Azərbaycan Respublikasının Kənd Təsərrüfatı Nazirliyinə ərizələr yazmaq yolu ilə təkzib etmək vəzifəsinin cavabdehin üzərinə qoyulması və onun, qeyd edilən hərəkətləri etməyə məcbur edilməsinin tələb edildiyi bildirilsə də, tələbdə Azərbaycan Respublikası Prezidentinə və Azərbaycan Respublikasının Kənd Təsərrüfatı Nazirliyinə konkret olaraq məhz hansı məlumatların ərizələr yazmaq yolu ilə təkzib edilməsi göstərilməmiş, bununla da iddiaçının tələbinin qeyri-dəqiq olduğu müəyyən olunur. İddia ərizəsinin mümkünlüyündən bəhs edən Azərbaycan Respublikası Mülki Prosessual Məcəlləsinin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəllənin 149.2.3-cü maddəsinin tələbinə görə iddiaçının və həmin tələbini əsaslandırdığı hallar dəqiq göstərilməlidir. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur (MPM 152.4-cü maddə). Məhkəmə hesab edir ki, qanunvericiliyin göstərilən tələbinə əməl olunmadığı üçün iddiaçı Azərbaycan Respublikası Kənd Təsərrüfatı Nazirliyinin Bitki Mühafizə və X1- Tədqiqat İnstitutunun Cavabdeh qarşı «işgüzar nüfuzun müdafiəsi və dəymiş mənəvi zərərin ödənilməsi» tələbinə dair iddia ərizəsi geri qaytarılmalıdır. Göstərilənlərə əsaslanaraq və Azərbaycan Respublikası Mülki-Prosessual Məcəlləsinin 152, 263, 264- 268-ci maddələrini rəhbər tutaraq, məhkəmə qərara a l d ı: İddiaçı Azərbaycan Respublikası Kənd Təsərrüfatı Nazirliyinin Bitki Mühafizə və X1- Tədqiqat İnstitutunun Cavabdeh qarşı «işgüzar nüfuzun müdafiəsi və dəymiş mənəvi zərərin ödənilməsi» tələbinə dair iddia ərizəsi ona əlavə edilmiş sənədlərlə birlikdə geri qaytarılsın. Qərardaddan rəsmi qaydada verildikdən sonra 10 (on) gün müddətində Gəncə şəhəri Kəpəz Rayon Məhkəməsinə şikayət verilə bilər. Hakim Zaur Hüseynov