Gəncə Şəhəri Kəpəz Rayon Məhkəməsi Qərardad — İş №2(043)-72/2022

Azərbaycan Respublikası adından QƏRARDAD Gəncə şəhəri İş № 2(043)-72/2022 07.02.2022 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Qocayev Tural Şəmsi oğlunun sədrliyi, Abdullayev İlkin Hafiz oğlunun katibliyi ilə, İddiaçı1 və İddiaçı2 Mirzəağa qızının cavabdehlər Cavabdeh1, Cavabdeh2, Maraqlı şəxs qarşı «payın naturada ayrılması» tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı1 və İddiaçı2 Mirzəağa qızı cavabdehlər Cavabdeh1, Cavabdeh2, Maraqlı şəxs qarşı «payın naturada ayrılması» tələbinə dair ərizəsi ilə Gəncə şəhəri Kəpəz Rayon Məhkəməsinə müraciət edərək, ünvan 1 ünvanda yerləşən, ümumi mülkiyyətdə olan 0,0715 kvm torpaq sahəsindən və ümumi sahəsi 45,5 kvm olan mülkdən, 6/8 hissədə paylarının naturadan bölünərək ayrılması, bu mümkün olmadıqda ümumi əmlakın açıq hərracdan satılması və satış pulunun mülkiyyətçilər arasında paylarına mütənasib surətdə bölüşdürülməsinə dair qətnamə çıxarılmasını xahiş etmişdir. Məhkəmə iclasının yeri və vaxtı barədə lazımi qaydada məlumat verilməsinə baxmayaraq, tərəflər məhkəmə iclasına gəlməmişdir. Azərbaycan Respublikası Mülki Prosessual Məcəlləsinin 259.0.6-cı maddəsinə əsasən, işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə ərizəni baxılmamış saxlayır. Yuxarıda göstərilənlərə və Azərbaycan Respublikası MPM-nin 259.0.6, 260, 263- 264, 267-268-ci maddələrinə əsasən məhkəmə, QƏRARA ALDİ: İddiaçı1 və İddiaçı2 Mirzəağa qızının cavabdehlər Cavabdeh1, Cavabdeh2, Maraqlı şəxs qarşı «payın naturada ayrılması» tələbinə dair mülki iş üzrə iddia ərizəsi baxılmamış saxlanılsın. Qərardaddan, rəsmi qaydada təqdim edildikdən sonra 10 (on) gün müddətində Gəncə şəhəri Kəpəz Rayon Məhkəməsinə şikayət verilə bilər. Sədrlik edən: Tural Qocayev