Gəncə Şəhəri Nizami Rayon Məhkəməsi Qərardad — İş №2(044)-152/2022

Azərbaycan Respublikası adından QƏRARDAD Gəncə şəhəri İş № 2(044)-152/2022 03.02.2022 GƏNCƏ ŞƏHƏRİ NİZAMİ RAYON MƏHKƏMƏSİ hakim Hüseynov Kənan Zakir oğlunun sədrliyi, Quliyeva Günay Ələstun qızının katibliyi, iddiaçının nümayəndəsi və vəkili X1 iştirakı ilə, İddiaçı cavabdehlər Cavabdeh2, Cavabdeh3, Cavabdeh1 və Cavabdeh4 qarşı, Azərbaycan Respublikası ƏMDK yanında DƏDRX-nin 3 saylı Ərazi İdarəsini maraqlı şəxs qismində cəlb etdiyi, mülkün naturada bölünməsi tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı iddia ərizəsi ilə məhkəməyə müraciət edərək ünvan 1 ünvanda yerləşən mülkün naturada bölünməsinə və mülkün ona aid olan hissəsinin, yəni sahəsi 16.2 kv.m., 19.8 kv.m., iki yaşayış otağından ibarət “A” literli yaşayış binasından, sahəsi 13.0 kv.m. əl damı olan “C” literli tikilidən və sahəsi 12.9 kv.m. əl damı olan “Ç” literli tikilidən ibarət mülkün onun adına qeyd edilməsi barədə qətnamə çıxarılmasını xahiş etmişdir. İddiaçının nümayəndəsi və vəkili məhkəmə iclasında ərizə verərək bildirmişdir ki, mülkün naturada bölgüsündə cavabdehlə iddiaçı öz aralarında razılığa gəlsələr də, cavabdehlər tərəfindən iddiaçının ara divarının çəkilişinə dolayısı yollarla maneə olunur. İddiaçı tərəfindən bölgü əsasında hasar tikinti işləri artıq yekublaşdırılmışdır. Məhkəmə prosesində iş üzrə müəyyən dəqiqləşmə aparılması zərurəti yaranmış, ona görə də iddia ərizsəsinin baxılmamış saxlayıb sənədlərin geri qaytarılmasını xahiş etmişdir. Cavabdehlərə məhkəmə iclasının vaxtı və yeri barədə məlumat verilməsinə baxmayaraq məhkəmə iclasına gəlməmişdirlər. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən cavabdehlərin iştirakı olmadan işə baxılmasını mümkün hesab etmişdir. Məhkəmə hesab edir ki, hazırki iş üzrə iddia ərizəsi baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Məhkəmə hesab edir ki, iddiaçının nümayəndəsi iddia ərizəsinin baxılmamış saxlanmasını xahiş etdiyindən və cavabdehlər işə mahiyyəti üzrə baxılmasına təkid etmədiklərindən iddia ərizəsi baxılmamış saxlanmalıdır. Həmçinin Azərbaycan Respublikası Mülki Prosessual Məcəlləsinin 119 və 122-ci maddələrinə əsasən məhkəmə hesab edir ki, iş üzrə məhkəmə tikinti texniki ekspertizasının keçirilməsinə xərclənmiş 100 manat məbləğində pul vəsaiti iddiaçıdan tutularaq Azərbaycan Respublikası Ədliyyə Nazirliyi Məhkəmə Ekspertizası Mərkəzinin hesabına keçirilməlidir. Azərbaycan Respublikası MPM-nin 259, 263-264, 267-268-ci maddələrini rəbhər tutaraq, məhkəmə QƏRARA ALDİ: İddiaçının nümayəndəsi və vəkili X1 ərizəsi təmin edilsin. İddiaçı cavabdehlər Cavabdeh2, Cavabdeh3, Cavabdeh1 və Cavabdeh4 qarşı, Azərbaycan Respublikası ƏMDK yanında DƏDRX-nin 3 saylı Ərazi İdarəsini maraqlı şəxs qismində cəlb etdiyi, mülkün naturada bölünməsi tələbinə dair iddia ərizəsi baxılmamış saxlanılsın. İş üzrə məhkəmə əmtəəşünaslıq ekspertizalarının keçirilməsinə xərclənmiş 100 (yüz) manatı pul vəsaiti İddiaçı tutularaq Azərbaycan Respublikası Ədliyyə Nazirliyi Məhkəmə Ekspertizası Mərkəzinin hesabına keçirilsin. Qərardad tərəflərə rəsmi qaydada verildikdən sonra ondan 10 (on) gün müddətində Gəncə Şəhəri Nizami Rayon Məhkəməsinə şikayət verilə bilər. Sədrlik edən Kənan Hüseynov