Gəncə Şəhəri Nizami Rayon Məhkəməsi Qərardad — İş №2(044)-2411/2021

Azərbaycan Respublikası adından QƏRARDAD Gəncə şəhəri İş № 2(044)-2411/2021 03.07.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə Şəhəri Nizami Rayon Məhkəməsinin hakimi Hünmətov Zaur Adil oğlu iddiaçılar Əlı̇ yev Akı̇ f İ̇srəfı̇ l oğlu və Əlı̇ yeva Məlahət Məhərrəm qızının cavabdelər Əlı̇ yeva Ffazı̇ lə Bayram qızına və Cavabdeh2 Kərı̇ m oğluna qarşı komissiyanın protokolunun etibarsız hesab edilməsitələbinə dair iddia ərizəsi və ona əlavə edilmiş sənədlərə baxaraq MÜƏYYƏN ETDİM: Göründüyü kimi iddiaçı tələbində komissiyanın iclas protokolunun etibarsız hesab edilməsini xahiş etsə də, iddia tələbinə cavab verməli olan şəxslərin Əlı̇ yeva Ffazı̇ lə Bayram qızı və Cavabdeh2 Kərı̇ m oğlu olmasını qeyd etmişdir. Halbu ki, həmin şəxslərə qarşı tələbin nədən ibarət olması ərizədən müəyyən edilmir. Bundan başqa da iddiaçılar ərizənin forma məzmununa riayət etməyərək, cavabdehlərin poçt ünvanlarını da konkret olaraq göstərə bilməmişlər. Belə ki, cavabdehlərin ünvanlarının göstərildiyi küçə hansı şəhərə, hansı rayona aid olması da müəyyən edilmir. Halbu ki, MPM-nin 149.2-ci maddəsinə əsasən ərizədə işdə iştirak edən şəxslərin adları, onların poçt ünvanları; iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizə bu Məcəllənin tələblərinə riayət edilməklə verildikdə onun məhkəmə icraatı mümkündür. Hesab edirəm ki, iddiaçı tərəfindən verilmiş ərizə Azərbaycan Respublikası Mülki Prosessual Məcəlləsinin 149-cu maddəsi ilə müəyyən olunmuş formasına və məzmununun tələblərinə cavab vermədiyindən həmin Məcəllənin 152.1.1-ci maddəsinin tələblərinə uyğun olaraq geri qaytarılmalıdır. Belə ki, iddiaçı tərəfindən verilmiş ərizədə cavabdehin adı, soyadı, onun rəsmi qeydiyyatda olduğu ünvan və ona qarşı yönələn tələb konkret olaraq göstərilməmişdir. İddiaçıya izah edilməlidir ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq QƏRARA ALDİM: İddia ərizəsi və ona əlavə olunmuş sənədlər geri qaytarılsın. İddiaçılara izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəfə rəsmi qaydada verildikdən sonra 10 gün müddətində Gəncə Şəhəri Nizami Rayon Məhkəməsinə şikayət verilə bilər. Sədrlik edən Zaur Hünmətov