Gəncə Şəhəri Nizami Rayon Məhkəməsi Qərardad — İş №2(044)-3196/2020

Azərbaycan Respublikası adından QƏRARDAD Gəncə şəhəri İş № 2(044)-3196/2020 18.11.2020 GƏNCƏ ŞƏHƏRİ NİZAMİ RAYON MƏHKƏMƏSİ hakim Hüseynov Kənan Zakir oğlunun sədrliyi, Əsgərov Yadigar Əsgər oğlunun katibliyi, iddiaçı Günay Sığorta ASC-nin cavabdehlər Cavabdeh1 və X2 qarşı subroqasiya qaydasında pul tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı Günay Sığorta ASC iddia ərizəsi ilə məhkəməyə müraciət edərək, Cavabdeh1 və X1 1259.19 manat məbləğində verilmiş sığorta ödənişinin və 30.40 manat məbləğində ödənilmiş dövlət rüsumunun onun xeyrinə tutulmasına dair qətnamə çıxarılmasını xahiş etmişdir. Həmçinin Günay Sığorta ASC məhkəməyə ərizə ilə müraciət edərək X2 məxsus olan Mercedes Benz C180 markalı ** CS *** dövlət qeydiyyat nişanlı avtomobilin üzərinə həbsin qoyulması və özgəninkiləşdirilməsinin qadağan edilməsi barədə qərardad qəbul edilməsini xahiş etmişdir. Gəncə şəhəri Nizami Rayon Məhkəməsinin xx.xx.2020-ci il tarixli qərardadına əsasən, ərizə təmin edilmiş, X2 məxsus Mercedes Benz C180 markalı 20CS060 dövlət qeydiyyat nişanlı avtomobilin üzərinə həbs qoyulmuş və özgəninkiləşdirilməsi qadağan edilmişdir. İddiaçının nümayəndəsi Fuad Ələkbərov ərizə ilə məhkəməyə müraciət edərək cavabdehlə barışıq əldə olunduğunu, buna görə də iddia ərizəsinin baxılmamış saxlanmasını və X2 məxsus Mercedes Benz C180 markalı 20CS060 dövlət qeydiyyat nişanlı avtomobilin üzərinə qoyulmuş həbsin götürülməsini xahiş etmişdir. Cavabdehlərə məhkəmə iclasının vaxtı və yeri barədə məlumat verilməsinə baxmayaraq məhkəmə iclasına gəlməmişlər. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən cavabdehlərin iştirakı olmadan işə baxılmasını mümkün hesab etmişdir. Məhkəmə hesab edir ki, hazırki iş üzrə iddiaçının nümayəndəsinin xahişi təmin edilməlidir. Belə ki, Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Məhkəmə hesab edir ki, iddiaçının nümayəndəsi iddia ərizəsinin baxılmamış saxlanmasını xahiş etdiyindən və cavabdehlər işə mahiyyəti üzrə baxılmasına təkid etmədiklərindən iddia ərizəsi baxılmamış saxlanmalıdır. Bundan başqa Azərbaycan Respublikası Mülki – Prosessual Məcəlləsinin 162.1-ci maddəsinə əsasən iddianın təmin edilməsi məhkəmənin təşəbbüsü ilə və ya tərəflərin xahişi ilə məhkəmənin özü tərəfindən ləğv edilə bilər. “Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” Azərbaycan Respublikası Ali Məhkəməsi Plenumunun xx xxxx 2011-ci il tarixli qərarının 15-ci bəndində qeyd olunmuşdur ki, iddianın təmin edilməsi üçün tədbirlər görüldükdə və ərizə baxılmamış saxlanıldıqda həmin tədbirlər ləğv edilməlidir. Məhkəmə hesab edir ki, ərizə baxılmamış saxlanıldığından Gəncə şəhəri Nizami Rayon Məhkəməsinin xx.xx.2020-ci il tarixli, 2(044)-3196/2020 saylı qərardadına əsasən X2 məxsus Mercedes Benz C180 markalı 20CS060 dövlət qeydiyyat nişanlı avtomobilin üzərinə qoyulmuş həbs götürülməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259, 263, 264, 267 və 268-ci maddələrini rəhbər tutaraq, məhkəmə QƏRARA ALDİ: İddiaçı Günay Sığorta ASC-nin cavabdehlər Cavabdeh1, X2 qarşı subroqasiya qaydasında pul tələbi barədə iddia ərizəsi baxılmamış saxlanılsın. Gəncə şəhəri Nizami Rayon Məhkəməsinin xx.xx.2020-ci il tarixli, 2(044)- 3196/2020 saylı qərardadına əsasən X2 məxsus Mercedes Benz C180 markalı 20CS dövlət qeydiyyat nişanlı avtomobilin üzərinə qoyulmuş həbs götürülsün və özgəninkiləşdirilməsinin qadağan edilməsi ləğv edilsin. Qərardad tərəflərə rəsmi qaydada verildikdən sonra 10 gün müddətində ondan Gəncə şəhər Nizami Rayon Məhkəməsinə şikayət verilə bilər. Sədrlik edən: Kənan Hüseynov