Goranboy Rayon Məhkəməsi Qərardad — İş №2(045)-396/2025

Azərbaycan Respublikası adından QƏRARDAD Goranboy rayonu İş № 2(045)-396/2025 22.01.2025 GORANBOY RAYON MƏHKƏMƏSİ Hakim Mustafayev Taleh Məhəmmədəli oğlu, Ərizəçi (Goranboy Rayon Notariat Ofisi maraqlı şəxs kimi göstərilməklə) «qohumluq münasibətlərinin, mirasın qəbul edilməsi faktlarının müəyyən edilməsi» tələbinə dair ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: Ərizəçi ərizə ilə məhkəməyə müraciət edərək, xx.xx.2022-ci ildə Goranboy rayonunun Dəliməmmədli şəhərində vəfat etmiş X1 onun xalası olması, yəni qohumluq münasibətlərinin və X1 ölümündən sonra Goranboy rayonunun Dəliməmmədli şəhərində miras qalan 0,12 ha həyətyanı torpaq sahəsinin və yaşayış evini onun tərəfindən qəbul edilməsi faktının müəyyən edilməsi barədə qətnamə çıxarılmasını xahiş etmişdir. Məhkəmə iddia ərizəsini və ona əlavə olunmuş sənədləri nəzərdən keçirərək hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, iddia ərizəsi iki tələbdən ibarət olmaqla, ilk tələbdə “qohumluq faktının müəyyən edilməsi” və sonrakı tələbdə “mirasın qəbul edilməsi faktının müəyyən edilməsi” qeyd edilmişdir. Həmin tələblər bir-biri ilə əlaqədar olmayan tələblər olduğundan ərizə və ona əlavə edilmiş sənədlər geri qaytarılmalıdır. Azərbaycan Respublikasının Mülki Prosessual Məcəlləsinin (bundan sonra - MPM): 152.1.7-ci maddəsinə əsasən bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsi və ona əlavə edilmiş sənədləri geri qaytarır. 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. İş materiallarında olan xx.xx.2025-ci il tarixli, 26099 saylı qəbzdən görünür ki, Ərizəçi tərəfindən 100 (bir yüz) manat məbləğində dövlət rüsumu ödənilmişdir. Məhkəmə, hesab edir ki, məhkəməyə müraciət edilərkən hər bir şəxs iddia ərizəsinə və ya onun verilməsinə dair MPM-lə müəyyən edilmiş qaydaya, formaya və məzmuna, həmin sənədlərə dair müəyyən edilmiş tələblərə əməl etməlidir. Yuxarıda göstərilənlərə və MPM-in 152, 263-264, 267-268-ci maddələrini rəhbər tutaraq, məhkəmə QƏRARA ALDİ: Ərizəçi (Goranboy Rayon Notariat Ofisi maraqlı şəxs kimi göstərilməklə) «qohumluq münasibətlərinin, mirasın qəbul edilməsi faktlarının müəyyən edilməsi» tələbinə dair ərizəsi, ona əlavə edilmiş sənədlər və ödənilmiş 100 (bir yüz) manat məbləğində dövlət rüsumu ərizəçia geri qaytarılsın. Ərizəçi izah olunsun ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində işə baxan Goranboy Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim Taleh Mustafayev