Goranboy Rayon Məhkəməsi Qərardad — İş №2(045)-508/2025

Azərbaycan Respublikası adından QƏRARDAD Goranboy rayonu İş № 2(045)-508/2025 07.02.2025 GORANBOY RAYON MƏHKƏMƏSİ Hakim Mustafayev Taleh Məhəmmədəli oğlu, İddiaçı cavabdeh Azərbaycan Respublikası Maliyyə Nazirliyinə qarşı “Qətnamənin icra edilməməsi səbəbindən vurulmuş maddi və mənəvi ziyanın ödənilməsi tələbinə dair” iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı iddia ərizəsi ilə məhkəməyə müraciət edərək, Azərbaycan Respublikası adından çıxarılmış və xx.xx.2025-ci il tarixədək icra edilməmiş Goranboy Rayon Məhkəməsinin xx.xx.2007-ci il tarixli, 2(102)-2566/08 saylı qətnaməsinin 16 il müddətində icrasının təmin edilməməsi nəticəsində əmlakından istifadə edə bilmədiyinə görə hər il 2000 manat olmaqla, 32000 manat maddi və 20000 manat mənəvi ziyanın cavabdeh Azərbaycan Respublikası Maliyyə Nazirliyindən alınaraq öna ödənilməsi barədə qətnamə qəbul edilməsini xahiş etmişdir. Hakim iddia ərizəsini və ona əlavə olunmuş sənədləri nəzərdən keçirərək hesab edir ki, iddia ərizəsi və ona əlavə edilmiş sənədlər ərazi aidiyyəti pozulduğu üçün geri qaytarılmalıdır. Belə ki, cavabdeh (hüquqi şəxs) Azərbaycan Respublikası Maliyyə Nazirliyinin rəsmi qeydə alındığı yer ünvan 1 ünvanı olduğu üçün hazırkı iddia tələbinə ərazi aidiyyəti qaydalarına görə Goranboy Rayon Məhkəməsində baxıla bilməz. Azərbaycan Respublikasının Mülki-Prosessual Məcəlləsinin (bundan sonra - MPM): 31.1-ci maddəsinə əsasən aidiyyət qaydalarının pozulmasına yol verilmir; 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir; 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsi və ona əlavə edilmiş sənədləri geri qaytarır. Məhkəməyə müraciət edilərkən hər bir şəxs iddia ərizəsinə və ya onun verilməsinə dair MPM-lə müəyyən edilmiş qaydaya, formaya və məzmuna, həmin sənədlərə dair müəyyən edilmiş tələblərə əməl etməlidir. Beləliklə, məhkəmə belə nəticəyə gəlir ki, iddia ərizəsi və ona əlavə edilmiş sənədlər iddiaçıya geri qaytarılmalıdır. Yuxarıda göstərilənlərə əsasən, MPM-in 152, 263-264 və 267-268-ci maddələrini rəhbər tutaraq, məhkəmə QƏRARA ALDİ: İddiaçı cavabdeh Azərbaycan Respublikası Maliyyə Nazirliyinə qarşı “Qətnamənin icra edilməməsi səbəbindən vurulmuş maddi və mənəvi ziyanın ödənilməsi tələbinə dair” iddia ərizəsi və ona əlavə edilmiş sənədlər iddiaçıya geri qaytarılsın. İddiaçı izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində işə baxan Goranboy Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. HakimTaleh Mustafayev