Goranboy Rayon Məhkəməsi Qərardad — İş №2(045)-554/2024

Azərbaycan Respublikası adından QƏRARDAD Goranboy rayonu İş № 2(045)-554/2024 16.02.2024 GORANBOY RAYON MƏHKƏMƏSİ Hakim Mustafayev Taleh Məhəmmədəli oğlu, İddiaçı Cavabdeh qarşı «əmlak» tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı iddia ərizəsi ilə məhkəməyə müraciət edərək, cehiz əşyalarının və ya onların dəyəri - cəmi 4600 manat pulun və məcbur edilmə nəticəsində götürülmüş olan 3150 manat kreditin və üzərinə gəlmiş faiz borcunun Cavabdeh tərəfindən ödənilməsi, ödənilmiş 50 manat mediasiya xərcinin və 45 manat dövlət rüsumunun cavabdehdən alınaraq ona verilməsinə dair qətnamə çıxarılmasını xahiş etmişdir. Məhkəmə iddia ərizəsini və ona əlavə olunmuş sənədləri nəzərdən keçirərək hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, iddia ərizəsi iki tələbdən ibarət olmaqla, ilk tələbdə “cehiz əşyalarının və ya onların dəyərinin cəmi 4600 manat olan pulun” və sonrakı tələbdə “məcbur edilmə nəticəsində götürülmüş olan 3150 manat kreditin və üzərinə gəlmiş faiz borcunun” cavabdehdən alınaraq iddiaçıya verilməsi qeyd edilmişdir. Həmin tələblər bir-biri ilə əlaqədar olmayan tələblər olduğundan iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikasının Mülki Prosessual Məcəlləsinin (bundan sonra - MPM): 152.1.7-ci maddəsinə əsasən bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsi və ona əlavə edilmiş sənədləri geri qaytarır. 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. İş materiallarında olan xx.xx.2024-cü il tarixli, 5627 saylı qəbzdən görünür ki, İddiaçı tərəfindən 45 (qırx beş) manat məbləğində dövlət rüsumu ödənilmişdir. Məhkəmə, hesab edir ki, məhkəməyə müraciət edilərkən hər bir şəxs iddia ərizəsinə və ya onun verilməsinə dair MPM-lə müəyyən edilmiş qaydaya, formaya və məzmuna, həmin sənədlərə dair müəyyən edilmiş tələblərə əməl etməlidir. Yuxarıda göstərilənlərə və MPM-in 152, 263-264, 267-268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı «əmlak» tələbinə dair iddia ərizəsi, ona əlavə edilmiş sənədlər və ödənilmiş 45 (qırx beş) manat məbləğində dövlət rüsumu iddiaçıa geri qaytarılsın. İddiaçı izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində işə baxan Goranboy Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim Taleh Mustafayev