Goranboy Rayon Məhkəməsi Qərardad — İş №2(045)-718/2023

Azərbaycan Respublikası adından QƏRARDAD Goranboy rayonu İş № 2(045)-718/2023 28.03.2023 GORANBOY RAYON MƏHKƏMƏSİ Mən, Goranboy Rayon Məhkəməsinin hakimi Ələkbərov Tural Mehman oğlu, İddiaçı cavabdehlər X2, Cavabdeh2, Cavabdeh3 xüsusi notariusu Xəqani Aslanova, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsinin 7 saylı Bərdə Ərazi İdarəsinə qarşı “rəsmi sənədlərin ləğvi” tələbinə dair iddia ərizəsinə və ona əlavə edilmiş sənədlərə baxaraq, MÜƏYYƏN ETDİM: İddiaçı iddia ərizəsi ilə məhkəməyə müraciət edərək cavabdeh X* adına Cavabdeh3 xüsusi notariusu tərəfindən verilmiş 25 iyul 20*4-cü il tarixli AN-İ № ******* alqı-satqı müqaviləsinin formal, saxta və əmlakın dəyərinin ödənilməməsi, əmlak ona təhvil verilməməsi səbəbindən, habelə əmlak yol mühafizə zonasına aid olması səbəbindən ləğv edilməsi, verilmiş çıxarışın - seriya RX № ******* və reyestrdə qeydiyyat yazısının ləğv edilməsi, Cavabdeh2 adına verilmiş çıxarış - seriya RX № 0829424-ün ləğv edilməsi barədə qətnamə çıxarılmasını xahiş etmişdir. Hesab edirəm ki, iddia ərizəsi Azərbaycan Respublikası Mülki-Prosessual Məcəlləsinin (bundan sonra - MPM) tələblərinə riayət olunmamaqla verildiyindən iddia ərizəsi və ona əlavə edilmiş sənədlər geri qaytarılmalıdır. Belə ki, iddia ərizəsində MPM-in *49.2.3-cü maddəsinin tələblərinə riayət olunmayaraq cavabdehlərin hər birinə qarşı yönələn tələb göstərilməmişdir. Yəni, iddia ərizəsində Cavabdeh3 xüsusi notariusu Xəqani Aslanov, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsinin 7 saylı Bərdə Ərazi İdarəsi cavabdeh kimi göstərilsə də onala qarşı yönələn tələb göstərilməmişdir. Bundan başqa iddia ərizəsində cavabdehlərin şəxsiyyətini eyniləşdirməyə imkan verən digər məlumatlar göstərilməmiş, həmin şəxslərin şəxsiyyət vəsiqələrinin surətləri (X2 və Cavabdeh2 münasibətdə) iş materiallarına əlavə edilməmişdir. Bu isə öz növbəsində sənədlərin cavabdehlərə rəsmi qaydada verilməsini mümkünsüz edir. Həmçinin, iddiaçının öz tələblərinin əsası kimi istinad etdiyi fakt və hallar və onları təsdiq edən sübutların siyahısı da iddia ərizəsində göstərilməmişdir. Belə ki, iddiaçı Cavabdeh2 adına verilmiş RX seriyalı, ******* nömrəli çıxarışın ləğv edilməsini tələb etsə də buna dair subutları məhkəməyə təqdim etməmişdir. MPM-in: **4.*.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır; *49.2.2-ci maddəsinə əsasən iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) iddia ərizəsində göstərilməlidir; *49.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb iddia ərizəsində göstərilməlidir; *52.*.*-ci maddəsinə əsasən iddia ərizəsinin bu Məcəllənin *49-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin *50.*.*-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. İş materiallarında olan *7.03.2023-cü il tarixli, *7583 nömrəli qəbzdən görünür ki, iddiaçı hazırki tələb üzrə *00 (yüz) manat məbləğində dövlət rüsumu ödəmişdir. Qeyd olunanlara əsasən və MPM-in *52, 263, 264 və 268-ci maddələrini rəhbər tutaraq, QƏRARA ALDİM: İddiaçı cavabdehlər X2, Cavabdeh2, Cavabdeh3 xüsusi notariusu Xəqani Aslanova, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsinin 7 saylı Bərdə Ərazi İdarəsinə qarşı “rəsmi sənədlərin ləğvi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçı izah olunsun ki, iddia ərizəsinin qaytarılması, qərardadda göstərilən nöqsanlar aradan qaldırıldıqdan sonra ümumi qaydada yenidən məhkəməyə müraciət etməyə mane olmur. *00 (yüz) manat məbləğində dövlət rüsumu İddiaçı qaytarılsın. Qərardaddan rəsmi qaydada verildiyi vaxtdan *0 gün müddətində Goranboy Rayon Məhkəməsinə şikayət verilə bilər. Hakim Tural Ələkbərov