Göyçay Rayon Məhkəməsi Qətnamə — İş №2(046)-1063/2023

Azərbaycan Respublikası adından QƏTNAMƏ Göyçay rayonu İş № 2(046)-1063/2023 24.08.2023 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi ilə, İddiaçı iştirakı ilə, Cavabdeh qarşı mənzildən istifadə hüququna xitam verilməsi tələbinə dair mülki işə Göyçay şəhərində açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı iddia ərizəsi ilə məhkəməyə müraciət edərək Cavabdeh ünvan 1 ünvanda yerləşən fərdi yaşayış evinə olan istifadə hüquqlarına xitam veriləsi barədə qətnamə qəbul edilməsini xahiş etmişdir. İş üzrə İddiaçı iddianı müdafiə edərək tələbini belə əsaslandırmışdır ki, Cavabdeh atası X1 mülkiyyətində olan ünvan 2 fərdi yaşayış evini 09.10.200-ci il tarixli alqı-satqı müqaviləsi əsasında almışdır. Alqı-satqı müqaviləsi notarial qaydada təsdiq edildikdən sonra, həmin müqavilə əsasında Göyçay şəhəri Nizami küçəsi dalan 12, ev 12 üzərində mülkiyyət hüquqlarımı dövlət qeydiyyatına aldıraraq, bu barədə hüquqların Dövlət qeydiyyatı haqqında daşınmaz əmlakın Dövlət reyestrindən çıxarış almışdır. Alqı-satqı müqaviləsi bağlanarkən X3 və ailə üzvü olan Cavabdeh öhdəlik götürmüşdür ki, qısa vaxt ərzində mülkiyyətinə keçmiş evdən qeydiyyatdan çıxacaq. Lakin ötən bu müddət ərzində cavabdeh mülkiyyətimdə olan evdən qeydiyyatdan çıxmamış və nəticədə mülkiyyət hüquqlarının pozulmasına səbəb olmuşdur. Belə ki, hal-hazırda yaşayış şəraitini yaxşılaşdırmaq məqsədilə sözügedən fərdi yaşayış evini satmaq qərarına gəlmişdir. Notariat Kontoru alqı-satqı müqaviləsini rəsmiləşdirərkən, cavabdehin fərdi yaşayış evinin satılmasına razılıq verməsinə dair ərizəni tələb edir ki, cavabdeh də həmin mənzildə yaşamadığından, həmin ərizəni ondan ala bilmir.Buna görə görə iddianın təmin edilməsini xahiş etmişdir. İş üzrə cavabdehə məhkəmənin yeri və vaxtı barədə qanunvericilikdə nəzərdə tutulmuş qaydada məhkəmə bildirişi vasitəsilə məlumat verilmiş, lakin üzrlü səbəb olmadan məhkəmə baxışında iştirak etməmişdir. Azərbaycan Respublikası Mülki Prosessual Məcəlləsinin 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda…məhkəmə işə baxmağa haqlıdır. Məhkəmə cavabdehin iştirakı olmadan işə baxılmasını mümkün hesab etmişdir. İş üzrə iddiaçını dinləyən, təqdim edilmiş sübutlara hüquqi qiymət verən məhkəmə hesab edir ki, iddia təmin edilməlidir. Məhkəməyə təqdim edilmiş xx.xx.2022-ci il tarixli alqı-satqı müqaviləsindən görünür ki, X1 mülkiyyətində olan ünvan 2 fərdi yaşayış evini İddiaçı satmışdır. Məhkəməyə təqdim edilmiş DƏDRX-nin 16 saylı ərazı idarəsi tərəfindən verilmiş xx.xx.2016-cı il tarixli RX ******* saylı Dövlət Reyestrindən çıxarışdan görünür ki, ünvan 2 fərdi yaşayış evi İddiaçınun xüsusi mülkiyyəti kimi dövlət qeydiyyatına alınmışdır. Məhkəməyə təqdim edilmiş Aze 0******* nömrəli şəxsiyyət vəsiqəsinin surətindən və E-məhkəmə sistemi çıxarışından görünür ki, Cavabdeh ünvan 2 fərdi yaşayış evində qeydiyyatdadır. Sadalananlara əsasən məhkəmə hesab edir ki, Cavabdeh ünvan 2 fərdi yaşayış evində qeydiyyatda qalması İddiaçı mülkiyyətdən sərbəst istifadə hüquqlarını məhdudlaşdırır. Azərbaycan Respublikasının Konstitusiyasının 29-cu maddəsinə əsasən hər kəsin mülkiyyət hüququ vardır. Azərbaycan Respublikasının Konstitusiyasının 71-ci maddəsinin 2-ci hissəsinə əsasən insan və vətəndaş hüquq və azadlıqlarının həyata keçirilməsini heç kəs məhdudlaşdıra bilməz. İnsan hüquqları haqqında Ümumi Bəyannamənin 8-ci maddəsinə əsasən hər bir insan onun konstitusiya, yaxud qanunla verilmiş əsas hüquqları pozulduğu hallarda həmin hüquqların səlahiyyətli milli məhkəmələr tərəfindən təsirli şəkildə bərpa olunması hüququna malikdir. Azərbaycan Respublikası Mülki Məcəlləsinin 152.1-ci maddəsinə əsasən mülkiyyət hüququ – subyektin ona mənsub əmlaka öz istədiyi kimi sahib olmaq, ondan istifadə etmək ona dar sərəncam vermək üzrə dövlət tərəfindən tanınan və qorunan hüququdur. Belə olan halda məhkəmə hesab edir ki, İddiaçınun Cavabdeh qarşı mülkiyyətində olan ünvan 2 fərdi yaşayış evindən istifadə hüquqlarına xitam verilməsinə dair tələbi əsaslı olduğundan təmin edilməlidir. Qeyd olunanlara əsasən və Azərbaycan Respublikası MPM-nin 216-220, 227, 357, 360-cı maddələrini rəhbər tutaraq, məhkəmə Q Ə T E T D İ: İddia təmin edilsin. İddiaçı mülkiyyətində olan ünvan 2 ünvanda yerləşən fərdi yaşayış evindən, Cavabdeh istifadə hüquqlarına xitam verilməsinə dair tələbi təmin edilsin. Bu qətnamə Cavabdeh ünvan 2 fərdi yaşayış evindən istifadə hüquqlarına xitam verilməsi üçün əsasdır. Qətnamədən rəsmi qaydada verildiyi gündən 1 ay müddətində Göyçay Rayon Məhkəməsi vasitəsi ilə Azərbaycan Respublikası Şəki Apelyasiya Məhkəməsinə apelyasiya şikayəti verilə bilər. Hakim: İbrahim Fəttahov