Masallı Rayon Məhkəməsi Qərardad — İş №2(050)-2215/2025

Azərbaycan Respublikası adından QƏRARDAD Masallı rayonu İş № 2(050)-2215/2025 13.06.2025 MASALLI RAYON MƏHKƏMƏSİ Masallı Rayon Məhkəməsinin hakimi Abdullayev Coşqun Şamil oğlu, İddiaçı cavabdehlər Daşınmaz Əmlakın Dövlət Kadastrı və Reyestri Publik Hüquqi şəxsin 8 saylı Cəlilabad Ərazi idarəsi, Cavabdeh2 oğluna Cavabdeh3, Cavabdeh4, Cavabdeh5, Cavabdeh6 və Cavabdeh7 oğluna qarşı ümumi birgə mülkiyyətdə payların müəyyən olunmaqla naturada bölünməsi tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı cavabdehlər Daşınmaz Əmlakın Dövlət Kadastrı və Reyestri Publik Hüquqi şəxsin 8 saylı Cəlilabad Ərazi idarəsi, Cavabdeh2 oğlu, Cavabdeh3, Cavabdeh4, Cavabdeh5, Cavabdeh6 və Cavabdeh7 oğluna qarşı ümumi birgə mülkiyyətdə payların müəyyən olunmaqla naturada bölünməsi tələbi barədə qətnamə qəbul edilməsini xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizənin bu Məcəllənin tələblərinə riayət edilməklə verilməsi yoxlanılmalıdır. Həmin məcəllənin 152.1.1. iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 149.2.2-ci maddəsində göstərilən sənədlər iddia ərizəsinə əlavə edilmədikdə iddia ərizəsi geri qaytarılır. 149.2.2-cü maddəyə əsasən iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) iddia ərizəsində göstərilməlidir. Belə ki, iddia ərizəsinə əlavə edilmiş “Torpağın mülkiyyətə verilməsinə dair şəhadətnamə”dən görünür ki, birgə mülkiyyətçilər kimi qeyd edilmiş şəxslərin arasında iddiaçının adı və ata adına dair məlumatlar olsa da, ad və ata adının qarşısında yazılmış soyad qadın cinsli şəxslərə məxsus soyad kimi, yəni “İsayeva” kimi qeyd edilmişdir. İddiaçı bununla bağlı əvvəlcə 8 saylı Ərazi İdarəsinə müraciət etmiş, müraciətə cavab olaraq qeyd edilən yanlışlığın aradan qaldırılması üçün məhkəməyə müraciət etməsi tövsiyə edilmişdir. İddiaçı isə həmin yanlışlığın aradan qaldırılması üçün deyil, birbaşa torpağın naturada bölgüsü tələbi ilə məhkəməyə müraicət etmişdir. Hesab edirəm ki, nə qədər ki, iddiaçının soyadından yanlışlıq aradan qalxmayıb onun həqiqətən də şəhatnamədə qeyd edilən mülkiyyətçilərin biri olması qənaətinə gəlinməsini qeyri mümkün edir və onun qeyd edilən tələblə müraciət etmək imkanını aradan qaldırır. Azərbaycan Respublikası Mülki Prosessual Məcəlləsinin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə və Azərbaycan Respublikası MPM-nin 152, 263,264 və 279-cu maddələrinə əsasən, QƏRARA ALDİM: İddiaçı cavabdehlər Daşınmaz Əmlakın Dövlət Kadastrı və Reyestri Publik Hüquqi şəxsin 8 saylı Cəlilabad Ərazi idarəsi, Cavabdeh2 oğlu, Cavabdeh3, Cavabdeh4, Cavabdeh5, Cavabdeh6 və Cavabdeh7 oğluna qarşı ümumi birgə mülkiyyətdə payların müəyyən olunmaqla naturada bölünməsi tələbinə dair iddia ərizəsi və ona əlavə edilmiş sənədlər geri qaytarılsın. İddia ərizəsinin qaytarılmasına səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəfə rəsmi qaydada verildikdən sonra 10 (on) gün müddətində (“Elektron məhkəmə” informasiya sistemində yaradılan elektron kabinet üzərindən) Masallı Rayon Məhkəməsinə şikayət verilə bilər. Hakim: Coşqun Abdullayev