Masallı Rayon Məhkəməsi Qərardad — İş №2(050)-4512/2023

Azərbaycan Respublikası adından QƏRARDAD Masallı rayonu İş № 2(050)-4512/2023 21.12.2023 MASALLI RAYON MƏHKƏMƏSİ Hakim Bəhmənov Habil Xanoğlan oğlu, İddiaçı cavabdeh Azərbaycan Respublikası Müdafiə Nazirliyinə qarşı «müharibə veteranı» adının və vəsiqəsinin verilməsi öhdəliyinin cavabdehin üzərinə qoyulması tələbinə dair mülki işin mümkünlüyünə baxaraq, məhkəmə müəyyən etdi: İddiaçı cavabdehlər Azərbaycan Respublikası Müdafiə Nazirliyinəna qarşı «müharibə veteranı» adının və vəsiqəsinin verilməsi öhdəliyinin cavabdehin üzərinə qoyulması tələbi ilə məhkəməyə müraciət etmişdir. Mülki işin mümkünlüyü məsələsinə baxılarkən mübahisənin mahiyyətini təhlil edərək məhkəmə qeyd edir ki, iddiaçı inzibati orqanların hərəkətsizliyindən narazılğını ifadə etməklə inzibati aktın qəbul ediməsini arzu edir. Belə ki, iddiaçının «müharibə veteranı» adının və vəsiqəsinin verilməsi barədə müraciətindən imtina edilmişdir. “İnzibati və mülki hüquq münasibətlərindən irəli gələn mübahisələrin məhkəmə aidiyyətinə dair” Azərbaycan Respublikası Ali Məhkəməsi Plenumunun 10 aprel 2015-ci il tarixli, 40 nömrəli Qərarının 5.1.-ci maddəsində qeyd olunmuşur ki, inzibati mübahisələr inzibati orqanla fiziki və hüquqi şəxslər arasında inzibati aktın qəbul edilməsi, qəbul edilməsindən imtina olunması, ləğv edilməsi, dəyişdirilməsi, etibarsız sayılması, habelə inzibati orqanın faktiki xarakterli hərəkətləri (fəaliyyəti) və s. ilə bağlı yaranan münasibətlərdən irəli gəlir. Bu səbəbdən inzibati orqanların xaricə yönələn və maraqlı şəxsin publik hüquq sahəsindən irəli gələn bu və ya digər hüququn əldə edilməsi, hüququnun tanınması və ya hüquqlarının həyata keçirilməsi ilə bağlı inzibati orqana müraciətinin nəticəsi olaraq, yaxud inzibati orqanın öz təşəbbüsü ilə qəbul etdiyi aktlarının ləğv edilməsi və ya dəyişdirilməsi barədə (mübahisələndirmə haqqında), yaxud həmin aktların etibarsızlığının (qanunsuz) tanınması barədə (müəyyən etmə və tanınma haqqında) iddialara inzibati məhkəmə icraatı qaydasında baxılır. Göründüyü kimi, iddiaçının tələbi arzu etdiyi qərarın qəbul edilmsindən imtina edilməsinin qanunsuzluğu ilə bağlıdır. Ona görə də iddiaçı inzibati məhkəmə icraatı qaydasında hazırkı məsələni mübahisələndirməlidir. Belə olan halda məhkəmə aidiyyətı qaydalarına əsasən həmin tələbə mülki icraat qaydasında baxılması yolverilməsdir. Ona görə də iddiaçı inzibati məhkəmə icraatı qaydasında hazırkı məsələni mübahisələndirməlidir. Belə olan halda məhkəmə aidiyyətı qaydalarına əsasən həmin tələbə mülki icraat qaydasında baxılması yolverilməsdir. Azərbaycan Respublikası MPM-nin 153.2.1.-ci maddəsinə əsasən ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir. Göründüyü kimü, mübahisə inzibati orqanın fəaliyyəti ilə bağlıdır və məhkəmə aidiyyətı qaydalarına uyğun olaraq cavabdehin hüquqi ünvanın yerləşdiyi ərazi üzrə İnzibati Məhkəməyə müraciət oluna bilər. Göstərilənlərə əsasən və MPM-in 153, 263-264, 267-269-cu maddələrini rəhbər tutaraq, məhkəmə qərara aldi: İddiaçı cavabdeh Azərbaycan Respublikası Müdafiə Nazirliyinəna qarşı «müharibə veteranı» adının və «müharibə veteranı» vəsiqəsinin verilməsi öhdəliyinin cavabdehin üzərinə qoyulması tələbinə dair iddia ərizəsi və əlavə olunmuş sənədlərin qəbulundan iddianın yolverilməzliyinə görə imtina edilsin. Qərardad rəsmi qaydada verildikdən sonra 10 gün müddətində (“Elektron məhkəmə” informasiya sistemində yaradılan elektron kabinet vasitəsilə) Masallı rayon məhkəməsinə şikayət verilə bilər. Sədrlik edən: Habil Bəhmənov