Salyan Rayon Məhkəməsi Qətnamə — İş №2(057)-777/2024

Azərbaycan Respublikası adından QƏTNAMƏ Salyan rayon İş № 2(057)-777/2024 15.03.2024 SALYAN RAYON MƏHKƏMƏSİ Hakim Əliyeva Vəsilə Əlövsət qızının sədrliyi, Rzayev Hüseyn Mehman oğlunun katibliyi, Maraqlı şəxs iştirakı ilə, Ərizəçi 5 saylı Ərazi Vergilər İdarəsinin Maraqlı şəxs qarşı ölkədən getmək hüququnun müvəqqəti məhdudlaşdırılması tələbinə dair mülki işə Salyan Rayon Məhkəməsinin inzibati binasında açıq məhkəmə baxışı iclasında baxaraq, məhkəmə M Ü Ə Y Y Ə N E T D İ: 5 saylı Ərazi Vergilər İdarəsi Maraqlı şəxs qarşı ölkədən getmək hüququnun müvəqqəti məhdudlaşdırılması tələbinə dair ərizə ilə məhkəməyə müraciət etmişdir. Ərizəçi ərizəsini onunla əsaslandırmışdır ki, vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün xx.xx.2024-cü il tarixə vergi ödəyicisi olan Salyan Şəhər Profilaktik Dezinfeksiya Şöbəsinin (VÖEN: **********) İşsizlikdən sığorta fonduna 367,06 manat, dövlət büdcəsinə 3652,21 manat məbləğində (o cümlədən, vergilər üzrə 2757,08 manat, faizlər üzrə 895,13 manat) , İcbari Tibbi Sığorta Fonduna 1693,28 manat, Dövlət Sosial Müdafiə Fonduna 14773,95 manat olmaqla, ümumilikdə 20486,5 manat borcu vardır. Yaranmış borc məbləğinin 5 gün ərzində dövlət büdcəsinəvə müvafiq fonda ödənilməsi məqsədi İlə vergi ödəyicisinə Vergi Məcəlləsinin 65-ci maddəsinə əsasən xx.xx.2024-cü il tarixli **********304300, xx.xx.2024cü il tarixli **********325600, xx.xx.2024-cü il tarixli **********870700, xx.xx.2024-cü il tarixli **********223100 nömrəli bildirişlər göndərilmiş, lakin vergi ödəyicisi yaranmış borc məbləğini ödəməmişdir. Göstərilənləri nəzərə alaraq, vergi ödəyicisi olan hüquqi şəxs tərəfindən dövlət büdcəsinə olan ümumilikdə 3652,21 manat, Dövlət Sosial Müdafiə Fonduna olan 14773,95 manat, İşsizlikdən sığorta fonduna olan 367,06 manat, İcbari Tibbi Sığorta Fonduna olan 1693,28 manat məbləğində borcun ödənilməsini təmin etmək üçün həmin şəxsin icra orqanının rəhbəri olan, Maraqlı şəxs (doğulduğu tarix - xx xxxxxx 1969cu il, doğulduğu yer - Azərbaycan, Salyan, Komsomol kəndi, şəxsiyyəti təsdiq edən sənədin FİN nömrəsi - xxxxxxx, şəxsiyyət vəsiqəsinin seriya və nömrəsi AA*******) barəsində ölkədən getmək hüququnun müvəqqəti məhdudlaşdırılması barədə qətnamə çıxarılmasını xahiş etmişdir. Məhkəmə iclasında iştirak edən Maraqlı şəxs iddianı qəbul edərək, onun təmin edilməsinə etiraz etməmişdir. 5 saylı Ərazi Vergilər İdarəsinə məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, onun nümayəndəsi məhkəmə iclasına gəlməmişdir. Məhkəmə işə 5 saylı Ərazi Vergilər İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə iş materiallarını araşdıraraq iş üzrə sübutlara hüquqi qiymət verərək hesab edir ki, ərizə təmin olunmalıdır. Belə ki, İş materiallarında olan və məhkəmə baxışında tədqiq edilmiş; Şəxsiyyət vəsiqəsinin surətindən görünür ki, Maraqlı şəxs Salyan rayonu, Arbatan kəndində yaşayır. Hüquqi şəxs barədə məlumata əsasən, vergi ödəyicisinin ünvanı AZ 5211, Salyan rayonu, Arbatan kəndidir. Vergi ödəyicisinə ünvanlanmış xx.xx.2024-cü il tarixli, **********325600 nömrəli bildirişin surətindən görünür ki, vergi ödəyicisinin həmin tarixə vergilər üzrə dövlət büdcəsinə ümumilikdə 3840,24 manat borcu vardır. Vergi ödəyicisinə ünvanlanmış xx.xx.2024-cü il tarixli, **********304300 nömrəli bildirişin surətindən görünür ki, vergi ödəyicisinin həmin tarixə işsizlikdən siğorta haqqı üzrə ümumilikdə 419,56 manat borcu vardır. Vergi ödəyicisinə ünvanlanmış xx.xx.2024-cü il tarixli, **********870700 nömrəli bildirişin surətindən görünür ki, vergi ödəyicisinin həmin tarixə icbari tibbi sığorta haqqı üzrə ümumilikdə 1902,50 manat borcu vardır. Vergi ödəyicisinə ünvanlanmış xx.xx.2024-cü il tarixli, **********223100 nömrəli bildirişin surətindən görünür ki, vergi ödəyicisinin həmin tarixə məcburi dövlət sosial sığorta haqqı üzrə ümumilikdə 15809,78 manat borcu vardır. İqtisadiyyat Nazirliyi yanında Dövlət Vergi Xidmətinin X1 Baş İdarəsi tərəfindən Maraqlı şəxs ünvanlanmış xəbərdarlıqdan görünür ki, onun xx.xx.2024-cü il tarixə vergilər üzrə 3934,98 manat, məcburi dövlət sosial sığorta haqqı üzrə 16112,12 manat, işsizlikdən sığorta haqqı üzrə 422,39 manat, icbari tibbi sığorta haqqı üzrə 1913,91 manat olmaqla, cəmi 22383,40 manat borcu vardır. Maraqlı şəxs ünvanlanmış bildirişlərdən görünür ki, maraqlı şəxs dövlət büdcəsinə olan vergi borcu və həmin borcun 5 gün müddətində ödənilmədiyi halda qanunvericiliklə müəyyən olunmuş tədbirlərin görüləcəyi barədə xəbərdar edilmişdir. Azərbaycan Respublikasının Mülki Prosessual Məcəlləsinin; 305.1.12-ci maddəsinə əsasən, vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlərə xüsusi icraat qaydasında baxılır. 355-5.1-ci maddəsinə əsasən vergi ödəyicisi vergi öhdəliyini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanı fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir. Azərbaycan Respublikası Konstitusiyasının 73-cü maddəsinin birinci bəndinə əsasən, qanunla müəyyən edilmiş vergiləri və başqa dövlət ödənişlərini tam həcmdə və vaxtında ödəmək hər kəsin borcudur. Azərbaycan Respublikasının Vergi Məcəlləsinin; 16.1.1-ci maddəsinə əsasən, qanunla müəyyən edilmiş vergiləri, habelə bu Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin vəzifəsidir. 23.1.15-3-cü maddəsinə əsasən, vergi ödəyicisi vergi öhdəliyini bu Məcəllə ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək vergi orqanlarının hüquqlarına aiddir. 77.3-cü maddəsinə əsasən, vergi ödəyicisi vergi qanunvericiliyinin tələblərinə uyğun olaraq verginin ödənilməsini nəzərdə tutan şəraitin yarandığı andan vergi öhdəliklərinin yerinə yetirilməsi üçün maraqlı şəxsdir. 78.1-ci maddəsinə əsasən, vergi öhdəliklərinin yerinə yetirilməsi ödənilməli olan vergi məbləğinin müəyyən edilmiş müddətlərdə və qaydada ödənilməsidir. Vergi ödəyicisinin hesablarında və ya kassasında vəsaitin, habelə onun əmlakının olub-olmamasından asılı olmayaraq vergi öhdəliklərinin yerinə yetirilməsi məcburidir. Azərbaycan Respublikası Miqrasiya Məcəlləsinin 9.3.6-1-ci maddəsinə əsasən, vergi ödəyicisi vergi öhdəliyini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədikdə, hesablanmış vergilər üzrə borcları və faizləri, tətbiq edilmiş maliyyə sanksiyalarını dövlət büdcəsinə ödəməməsinə görə vətəndaşın ölkədən getmək hüququnun müvəqqəti məhdudlaşdırılması barədə məhkəmənin qanuni qüvvəyə minmiş qərarı olduqda məhdudlaşdırmanın götürülməsi barədə qərar qəbul edilənədək vətəndaşın ölkədən getmək hüququ müvəqqəti məhdudlaşdırıla bilər. Azərbaycan Respublikasıın Mülki Prosessual Məcəlləsinin; 355-7.1-ci maddəsinə əsasən, vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında ərizə məhkəməyə təqdim olunduqdan sonra məhkəmə tərəfindən 10 gün müddətinə baxılır. 355-7.3-cü maddəsinə əsasən işə mahiyyəti üzrə baxan hakim ərizənin rədd edilməsi və ya təmin edilməsi barədə qətnamə qəbul edir. 355-7.4-cü maddəsinə əsasən vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında qətnamə qəbul edildikdən dərhal sonra qüvvəyə minir və qətnamədən şikayətin verilməsi onun icrasını dayandırmır. Beləliklə, göstərilənlərə əsasən, məhkəmə belə qənaətə gəlir ki, hazırkı iş üzrə dövlət büdcəsinə olan ümumilikdə 3652,21 manat, Dövlət Sosial Müdafiə Fonduna olan 14773,95 manat, İşsizlikdən sığorta fonduna olan 367,06 manat, İcbari Tibbi Sığorta Fonduna olan 1693,28 manat məbləğində borcun ödənilməsini təmin təmin etmək üçün borclu hüquqi şəxsin icra orqanının rəhbəri olan, Maraqlı şəxs (doğulduğu tarix - xx xxxxxx 1969-cu il, doğulduğu yer - Azərbaycan, Salyan, Komsomol kəndi, şəxsiyyəti təsdiq edən sənədin FİN nömrəsi - xxxxxxx, şəxsiyyət vəsiqəsinin seriya və nömrəsi AA*******) ölkədən getmək hüququ müvəqqəti məhdudlaşdırılması barədə 5 saylı Ərazi Vergilər İdarəsinin ərizəsi əsaslıdır və təmin edilməlidir. Şərh olunanlara əsaslanaraq və Azərbaycan Respublikası MPM-nin 216-220, 227 və 360-cı maddələrini rəhbər tutaraq, məhkəmə Q Ə T E T D İ: 5 saylı Ərazi Vergilər İdarəsinin Maraqlı şəxs qarşı ölkədən getmək hüququnun müvəqqəti məhdudlaşdırılması tələbinə dair iddiası təmin edilsin. Salyan Şəhər Profilaktik Dezinfeksiya Şöbəsinin icra orqanının rəhbəri olan, Maraqlı şəxs (doğulduğu tarix - xx xxxxxx 1969-cu il, doğulduğu yer - Azərbaycan, Salyan, Komsomol kəndi, şəxsiyyəti təsdiq edən sənədin FİN nömrəsi - xxxxxxx, şəxsiyyət vəsiqəsinin seriya və nömrəsi AA*******) ölkədən getmək hüququ müvəqqəti məhdudlaşdırılsın. Azərbaycan Respublikası MPM-nin 355-7.4-cü maddəsinə əsasən qətnamə dərhal qüvvəyə minir. Qətnamədən rəsmi qaydada verildiyi və ya alındığı gündən 1 ay müddətində Salyan Rayon Məhkəməsi vasitəsilə “Elektron məhkəmə” informasiya sistemində yaradılan elektron kabinet vasitəsilə Şirvan Apellyasiya Məhkəməsinə apellyasiya şikayəti verilə bilər. Sədrlik edən: Vəsilə Əliyeva