Sumqayıt Şəhər Məhkəməsi Qərardad — İş №2(060)-3104/2023

Azərbaycan Respublikası adından QƏRARDAD Sumqayıt şəhəri İş № 2(060)-3104/2023 18.04.2023 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, X1 oğlunun katibliyi ilə, İddiaçı Cavabdeh qarşı cavabdehin məhkəmə qaydasında üzləşməsi və dindirilməsi tələbi barədə iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı (bundan sonra - iddiaçı) Cavabdeh (bundan sonra – cavabdeh) qarşı iddia ərizəsi ilə Sumqayıt Şəhər Məhkəməsi müraciət edərək, cavabdehin məhkəmə qaydasında üzləşdirilməsi və dindirilməsinin həyata keçirilməsini xahiş etmişdir. Məhkəmə iddia ərizəsini və əlavə edilmiş sənədləri nəzərdən keçirərək hesab edir ki, iddianın yolverilməzliyinə görə iddia ərizəsinin qəbulundan imtina edilməlidir. Azərbaycan Respublikasının Mülki Prosessual Məcəlləsinə əsasən ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir (153.2.1). Göründüyü kimi iddiaçı iddia ərizəsində Cavabdeh kimi qeyd etməklə məhkəmədən onun üzləşdirilməsi və dindirilməsinin həyata keçirilməsini xahiş etmişdir. Lakin, iddiaçının cavabdehə qarşı tələbinin nədən ibarət olması iddia ərizəsi ilə müəyyən edilmir. Dindirmə və üzləşdirmə isə istintaq hərəkəti olmaqla cinayət işinin ibtidai istintaqı və ya məhkəmə istintaqı zamanı aparıla bilər. Məhkəmə hesab edir ki, hazırkı ərizəyə mülki iddia ərizəsi kimi baxılması mümkün olmadığından iddianın yolverilməzliyinə görə iddia ərizəsinin qəbulundan imtina olunmalıdır. Yuxarıda göstərilənlərə əsasən və MPM-in 149-152-ci maddələrini rəhbər tutaraq, məhkəmə QƏRARA ALDİ : İddiaçı Cavabdeh qarşı cavabdehin məhkəmə qaydasında üzləşməsi və dindirilməsi tələbinə dair iddia ərizəsinin qəbulundan iddianın yolverilməzliyinə görə imtina olunsun. İddia ərizəsi və ona əlavə edilmiş sənədlər iddiaçıya qaytarılsın. Qərardaddan işdə iştirak edən şəxslərə rəsmi qaydada verildiyi gündən 10 (on) gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev