Sumqayıt Şəhər Məhkəməsi Qərardad — İş №2(060)-6125/2020

Azərbaycan Respublikası adından QƏRARDAD Sumqayıt şəhəri İş № 2(060)-6125/2020 14.10.2020 SUMQAYIT ŞƏHƏR MƏHKƏMƏSİ Məhkəmənin hakimi İsmayılov Azər İbrahim oğlu, İddiaçı cavabdeh Azərbaycan Respublikası DİN-nin Sumqayıt şəhər Polis İdarəsinə qarşı «inzibati xəta haqqında protokolun ləğv olunması tələbinə» dair iddia ərizəsini və ona əlavə olunmuş sənədləri nəzərdən keçirərək, MÜƏYYƏN ETDİM: İddiaçı cavabdeh Azərbaycan Respublikası DİN-nin Sumqayıt şəhər Polis İdarəsinə qarşı «inzibati xəta haqqında protokolun ləğv olunması tələbinə» dair iddia ərizəsi ilə Sumqayıt Şəhər Məhkəməsinə müraciət edərək Sumqayıt şəhər DYPİ-nin xx.xx.2020-ci il tarixli, AP0156018 nömrəli protokolunun ləğv olunaraq İddiaçı dəymiş zərərin sürücülük hüququ olmadan avtomobil idarə edərək yol nəqliyyat hadisəsi törətmiş İsmayılov Coşqun və ya qeyd olunan şəxsin idarə etdiyi avtomobilin İcbari sığortası tərəfindən ödənilməsi öhdəliyini qeyd olunan cavabdehlərin üzərinə qoyulmasını xahiş etmişdir. İddia ərizəsi və ona əlavə edilmiş sənədləri nəzərdən keçirərək hesab edirəm ki, həmin iddia ərizəsi və sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 149.2.3-cü maddəsinə əsasən ərizədə iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Həmin Məcəllənin 150.0.5-ci maddəsinə əsasən iddia ərizəsinə iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslər şəxslərdə yoxdursa, onlara verilmək üçün bu sənədlərin surətləri əlavə edilir. İddiaçı iddia ərizəsinə özünə məxsus şəxsiyyət vəsiqəsinin surətindən başqa öz tələblərini əsaslandırdığı hallara dair heç bir sənəd əlavə etməmişdir. Bundan başqa iddia ərizəsindən görünür ki, İddiaçı cavabdeh Azərbaycan Respublikası DİN-nin Sumqayıt şəhər DYPİ-nin xx.xx.2020-ci il tarixli, AP0156018 nömrəli inzibati xəta haqqında protokolunun ləğv edilməsini məhkəmədən xahiş etmişdir. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. İddiaçı Azərbaycan Respublikası DİN-nin Sumqayıt şəhər DYPİ-nin xx.xx.2020-ci il tarixli, AP0156018 nömrəli protokolu üzrə qəbul edilmiş qərardan şikayət edəcəyi təqdirdə, həmin qərardan Azərbaycan Respublikası İnzibati Xətalar Məcəlləsində nəzərdə tutulmuş qaydada məhkəməyə şikayət verməli olduğu halda, hazırki iddia ərizəsi ilə məhkəməyə müraciət etmişdir. İddia ərizəsi yuxarıda qeyd edilən əsaslarla məhkəmə tərəfindən geri qaytarılmasına baxmayaraq, iddiaçı eyni iddia ərizəsi ilə yenidən məhkəməyə müraciət etmişdir. Azərbaycan Respublikasının Mülki Prosessual Məcəlləsinin 151.1-ci maddəsinin tələbinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.1-ci maddəsinə əsasən, iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə, hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 152.2-152.4, 263, 264 və 268-ci maddələrini rəhbər tutaraq, QƏRARA ALDİM: İddiaçı cavabdeh Azərbaycan Respublikası DİN-nin Sumqayıt şəhər Polis İdarəsinə qarşı «inzibati xəta haqqında protokolun ləğv olunması tələbinə» dair iddia ərizəsi və ona əlavə olunmuş sənədlər geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə müvafiq məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Sumqayıt şəhər məhkəməsinə şikayət verilə bilər. Hakim: Azər İsmayılov