Sumqayıt Şəhər Məhkəməsi Qərardad — İş №2(060)-6792/2022

Azərbaycan Respublikası adından QƏRARDAD Sumqayıt şəhəri İş № 2(060)-6792/2022 06.10.2022 SUMQAYIT ŞƏHƏR MƏHKƏMƏSİ Mən, Sumqayıt Şəhər Məhkəməsinin hakimi Qoşqarlı Rəşad Nizami oğlu İddiaçı Сəlilova Vəsilə Mirzəbala qızının Cavabdeh MMС-nə qarşı «vurulmuş maddi və mənəvi zərərə görə təzminatın ödənilməsi tələbinə» dair iddia ərizəsini və ərizəyə əlavə edilmiş sənədləri nəzərdən keçirib, müəyyən etdim : İddiaçı Сəlilova Vəsilə Mirzəbala qızı məhkəməyə iddia ərizəsi ilə müraciət edərək, Сəlilova Vəsilə Mirzəbala qızına Cavabdeh MMС tərəfindən 3000 manat təzminatın ödənilməsi və «Dövlət rüsumu haqqında» Qanununun 8.1.2-сi maddəsinə əsasən ödənilmiş 50 manat dövlət rüsumunun Cavabdeh tutularaq tələbkara qaytarılması barədə qətnamə çıxarılmasını xahiş etmişdir. Məhkəmə iddia ərizəsini və ərizəyə əlavə edilmiş sənədlərə baxaraq hesab edir ki, iddia ərizəsi Azərbaycan Respublikası Mülki Prosessual Məcəlləsinin tələblərinə riayət edilməməklə verilmişdir. Belə ki, Cavabdeh ASС-nin qeydiyyat ünvanı Bakı şəhəri Nərimanov rayonudur. Yəni iddiaçı iddia ərizəsi ilə Bakı şəhəri Nərimanov Rayon Məhkəməsinə müraсiət etməlidir. Azərbaycan Respublikası MPM-nin 152.1.3-cü maddəsinə əsasən əgər iş ərazi üzrə həmin məhkəmədə baxılmalı deyilsə o zaman iddia ərizəsi geri qaytarılır. Məhkəmə bu normaların tələbindən çıxış edərək hesab edir ki, iddia ərizəsi Azərbaycan Respublikası Mülki Prosessual Məcəlləsinin tələblərinə riayət edilməməklə verildiyi üçün ərizə və ona əlavə olunan sənədlər geri qaytarılmalıdır. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılmasına əsas olan nöqsanlar aradan qaldırıldıqdan sonra ümumi qaydada təkrarən məhkəməyə müraciət etmə hüququ iddiaçıya izah edilməlidir. Yuxarıda göstərilənləri nəzərə alaraq və Azərbaycan Respublikası MPM-nin 149-152, 263- 268-ci maddələrini rəhbər tutaraq, qərara aldım: İddiaçı Сəlilova Vəsilə Mirzəbala qızının Cavabdeh MMС-nə qarşı «vurulmuş maddi və mənəvi zərərə görə təzminatın ödənilməsi tələbinə» dair iddia ərizəsi və ona əlavə edilmiş sənədlər geri qaytarılsın. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinçi dəfə məhkəməyə müraсiət etməyə mane olmur. Qərardaddan, qərardad rəsmi qaydada verildikdən sonra 10 gün müddətinə şikayət verilə bilər. HAKİM: RƏŞAD QOŞQARLİ