Tovuz Rayon Məhkəməsi Qərardad — İş №2(062)-1500/2024

Azərbaycan Respublikası adından QƏRARDAD Tovuz rayon İş № 2(062)-1500/2024 23.04.2024 TOVUZ RAYON MƏHKƏMƏSİ Mən Tovuz Rayon Məhkəməsinin hakimi Hünmətov Zaur Adil oğlu iddiaçı Mustafayev Emı̇ n Ramı̇ z oğlunun cavabdeh Məmmədov Rafı̇ q Mustafa oğluna qarşı pul tələbinə mülki iş üzrə iddia ərizəsini nəzərdən keçirərək MÜƏYYƏN ETDİM: Hesab edirəm ki, iddiaçının iddia ərizəsinin icraata qəbul edilməsindən imtina edilməlidir. Belə ki, iddiaçının Məmmədov Rafı̇ q Mustafa oğluna qarşı eyni əsas və eyni tələblə iddiasına baxılmış, Tovuz Rayon Məhkəməsinin 17 aprel 2024-cü il tarixli qətnaməsi ilə iddianın təmin edilməsinə dair qətnamə qəbul edilmişdir. Buna baxmayaraq iddiaçı yenidən eyni cavabdehə eyni əsas və eyni tələbli iddia ərizəsi ilə məhkəməyə müraciət etmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəllənin 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraatın xitam edilməsi və ya tərəflərin barışıq sazişinin təsdiq edilməsi haqqında qərardadı olarsa, hakim iddianın yolverilməzliyinə görə iddia ərizəsini qəbul etməkdən imtina edir. Bu baxımdan hesab edirəm ki, iddianın yolverilməzliyinə görə iddia ərizəsinin qəbul edilməsindən imtina etməlidir. Qeyd olunanlara əsaslanaraq və Azərbaycan Respublikasının MPM-nin 259, 260, 263-264, 267-268-ci maddələrini rəhbər tutaraq QƏRARA ALDİM: İddia ərizəsinin qəbul edilməsindən imtina edilsin. Qərardad tərəfə rəsmi qaydada verildikdən sonra 10 gün müddətində Tovuz Rayon Məhkəməsinə şikayət verilə bilər. Sədrlik edən Zaur Hünmətov