Xaçmaz Rayon Məhkəməsi Qərardad — İş №2(067)-3157/2021

Azərbaycan Respublikası adından QƏRARDAD Xaçmaz şəhəri İş № 2(067)-3157/2021 15.11.2021 XAÇMAZ RAYON MƏHKƏMƏSİ Hakim Xəlilov İlkin Ələkbər oğlu, İddiaçı cavabdehlər Cavabdeh1, Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti 5 saylı Ərazi İdarəsinə, Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinə və Xaçmaz rayonu Xaçmaz Bələdiyyəsinə qarşı mülkiyyət hüquqlarının müdafiəsi və çıxarışın ləğv edilməsi barədə iddia ərizəsinin mümkünlüyünə baxaraq, M Ü Ə Y Y Ə N E T D İ M : İddiaçı iddia ərizəsi ilə məhkəməyə müraciət edərək, onun mülkiyyətində olan JN- 0008 (kod:********) saylı 0.06 ha torpaq sahəsinin 120 kv.m sahəsini qanunsuz olaraq zəbt etmiş Cavabdeh1 torpaq sahəsindən çıxarılması, torpaq sahəsi üzrə tikilmiş tikililərin cavabdehin hesabına sökülməsi, boşaldılması və torpaq sahəsinin yenidən ona qaytarılması və eləcə də cavabdehin adına verilmiş mülkiyyət hüquqlarının qeydiyyatı barədə müvafiq çıxarışın ləğv edilməsi barədə qətnamə qəbul edilməsini xahiş etmişdir. Məhkəmə müəyyən etmişdir ki, iddiaçının cavabdehə qarşı hazırkı tələbi üzrə Xaçmaz Rayon Məhkəməsinin qanuni qüvvəsini almış 21 avqust 2019-cu il tarixli, 2(067)- 245/2019 saylı qətnaməsi mövcuddur. Azərbaycan Respublikası MPM-in 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa; ərizəyə məhkəmə qaydasında baxılmalı deyildirsə hakim iddianın yolverilməzliyinə görə iddia ərizəsini icraata qəbul etməkdən imtina edir. Yuxarıda göstərilənlərə əsasən hesab edirəm ki, iddia ərizəsinin icraata qəbul edilməsindən imtina edilməlidir. Qeyd olunanlara əsasən və Azərbaycan Respublikasının Mülki Prosessual Məcəlləsinin 153, 267-268-ci maddələrini rəhbər tutaraq, Q Ə R A R A A L D İ M : İddiaçı cavabdehlər Cavabdeh1, Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti 5 saylı Ərazi İdarəsinə, Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinə və Xaçmaz rayonu Xaçmaz Bələdiyyəsinə qarşı mülkiyyət hüquqlarının müdafiəsi və çıxarışın ləğv edilməsi barədə iddia ərizəsinin icraata qəbul edilməsindən imtina edilsin. Qərardaddan 10 gün müddətində Xaçmaz Rayon Məhkəməsinə şikayət verilə bilər. Sədrlik edən : İlkin Xəlilov.