Hacıqabul Rayon Məhkəməsi Qərardad — İş №2(071)-511/2024

Azərbaycan Respublikası adından QƏRARDAD Hacıqabul rayonu İş № 2(071)-511/2024 13.06.2024 HACIQABUL RAYON MƏHKƏMƏSİ Hakim Bayramov Orxan Telman oğlunun sədrliyi, Fərəcov İsmail Vəzir oğlunun katibliyi, İddiaçı Cavabdeh qarşı “istifadə hüququna xitam verilməklə pasport qeydiyyatından çıxarılması” tələbi barədə iddiasına dair mülki işə məhkəmənin hazırlıq iclasında baxaraq, müəyyənetdi: İddiaçı Cavabdeh qarşı iddia ərizəsi ilə məhkəməyə müraciət edərək, Cavabdeh ünvan 1 ünvanından istifadə hüququna xitam verilməklə, yaşayış yeri üzrə qeydiyyatdan çıxarılması barədə qətnamə qəbul edilməsini və onun qeydiyyatdan çıxarılması hissəsində öhdəliyinin Maraqlı şəxs üzərinə qoyulması barədə qətnamə qəbul edilməsini xahiş etmişdir. İddiaçı ərizəsini onunla əsaslandırmışdır ki, ünvan 2 ünvanındakı fərdi yaşayış evi tam mülkiyyət hüquqi ilə Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti tərəfindən verilmiş ********** qeydiyyat nömrəli 21.06 2022-ci il tarixli dövlət reyestrindən çıxarışa əsasən ona məxsusdur. Cavabdeh hazırda qanunsuz olaraq onun xx.xx.2022-ci il tarixdən mülkiyyətində olan evdə xx.xx.2023-cü il tarixdən qeydiyyatdadır. O, evin mülkiyyətçisi olduğu halda Cavabdeh onun razılığı olmadan qanunsuz olaraq onun mənzilinə qeydiyyata düşmüş və özünə yeni nəsil Azərbaycan Respublikasının şəxsiyyət vəsiqəsini almışdır. Onun yeni vəsiqəsi AA4838690-dır. O, köhnə şəxsiyyət vəsiqəsinin guya itməsi səbəbi ilə yeni vəsiqə almışdır. Halbuki, həmin vəsiqə itməmiş və iddiaçıdadır. Həmin şəxsin formal olaraq hazırda iddiaçının ünvanında qeydiyyatda olmağına baxmayaraq həmin evdə yaşamır. Həmin evin bütün komunal xərcləri iddiaçı tərəfindən ödənilir. Həmin şəxsin ona məxsus evdən çıxarılması üçün Hacıqabul rayon şöbəsinə müraciət etmişdir. Polis şöbəsindən ona məhkəmə orqanlarına müraciət etməyi tövsiyə olunmuşdur. İddiaçı və cavabdehə məhkəmənin hazırlıq iclasının yeri və vaxtı barədə məhkəmə bildirişi göndərilsə də, məhkəməyə gəlməmişlər və gəlməmələrinin səbəbləri barədə məlumat verməmişlər. İddia ərizəsini və ona əlavə edilmiş sənədləri nəzərdən keçirərək məhkəmə hesab edir ki, tərəflər arasında mübahisə olduğundan iş üzrə icraata xitam verilməlidir. “İnzibati və mülki hüquq münasibətlərindən irəli gələn mübahisələrin məhkəmə aidiyyətinə dair” Azərbaycan Respublikası Ali Məhkəməsi Plenumunun 10 aprel 2015-ci il tarixli 4 saylı Qərarına əsasən mübahisənin məhkəmə aidiyyətinin müəyyən edilməsi üçün ilk növbədə mübahisənin tərəflərinin hüquqi vəziyyəti və onların arasındakı münasibətlərin ümumi (publik), yaxud xüsusi hüququn nizamasalma predmetinə aid olduğu müəyyən edilməlidir. Xüsusi hüquq, onun subyektləri olan fiziki və hüquqi şəxslər arasında yaranan hüquq münasibətlərini tənzimləyir; xüsusi hüquq münasibətlərinin tərəfləri bərabər mövqedədir, onlar öz iradələrini ifadə etməkdə sərbəstdirlər və heç biri digərinə münasibətdə hakimiyyət səlahiyyətlərini tətbiq etmir. Ümumi (publik) hüquq isə, publik hakimiyyət daşıyıcıları (Azərbaycan Respublikasının müvafiq icra hakimiyyəti orqanları, onların yerli (struktur) və digər qurumları, bələdiyyələr, habelə qanuna əsasən inzibati akt qəbul etmək səlahiyyəti verilmiş hər hansı fiziki və ya hüquqi şəxs) ilə fiziki və ya hüquqi şəxslər arasında olan münasibətləri tənzimləyir. Bu münasibətlərdə inzibati orqan qanunla ona həvalə edilmiş inzibati funksiyanı yerinə yetirir və digər tərəfə münasibətdə hakimiyyət səlahiyyətlərini tətbiq edir. İnzibati orqanın iştirak etdiyi hüquq münasibətinin inzibati və ya xüsusi hüquqi münasibət olduğunu müəyyənləşdirərkən inzibati orqanın həmin münasibətdə xüsusi hüququn subyekti (mülki dövriyyənin iştirakçısı) kimi iştirak etdiyinin, yaxud hakimiyyət səlahiyyətlərinin subyekti kimi inzibati orqanın yalnız ona xas olan fəaliyyəti həyata keçirdiyinin müəyyən edilməsi vacibdir. Bu zaman ümumi (publik) hüquq sahəsinin ictimai idarəetmə ilə bağlı olması və hakimiyyət səlahiyyətlərinin tətbiq edilməsi ilə müşayiət olunduğu nəzərə alınmalıdır. Qeyd edilənlərə əsasən məhkəmə hesab edir ki, şəxsin mənzildən istifadə hüququna xitam verilməsi ilə əlaqədar iddia ərizəsi inzibati icraat qaydasında baxılmalıdır. Azərbaycan Respublikası Mülki Prosessual Məcəlləsinin 261.0.1-ci maddəsinə əsasən iş məhkəmədə və ya mülki məhkəmə icraatı qaydasında baxılmalı deyildirsə, hakim iş üzrə icraata xitam verir. Şərh olunanlara əsaslanaraq və Azərbaycan Respublikası MPM-in 261, 262 263 və 264-cü maddələrini rəhbər tutaraq, məhkəmə qəraraaldı: İddiaçı Cavabdeh qarşı “istifadə hüququna xitam verilməklə pasport qeydiyyatından çıxarılması” tələbi barədə iddiasına dair mülki iş üzrə icraata xitam verilsin. Qərardaddan rəsmi qaydada verildiyi vaxtdan 10 gün müddətində Hacıqabul rayon Məhkəməsinə şikayət verilə bilər. Hakim Orxan Bayramov