Şəki Rayon Məhkəməsi Qərardad — İş №2(075)-1330/2020

Azərbaycan Respublikası adından QƏRARDAD Şəki şəhəri İş № 2(075)-1330/2020 31.08.2020 ŞƏKİ RAYON MƏHKƏMƏSİ Mən, Şəki Rayon Məhkəməsinin hakimi Hacıyev Pərviz Vaqif oğlu, İddiaçı cavabdeh BOKT «xxxxxxxxxxxxxxxxxxxxxxxxxxxxx» MMC-nin Şəki filialına qarşı “adının “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Azərbaycan Respublikası Prezidentinin Fərmanından irəli gələn güzəştlər tətbiq ediləcək fiziki şəxslərin siyahısına daxil edilməsi” tələbinə dair iddia ərizəsini nəzərdən keçirib MÜƏYYƏN ETDİM : İddiaçı iddia ərizəsi ilə məhkəməyə müraciət edərək, adının “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Azərbaycan Respublikası Prezidentininin Fərmanından irəli gələn güzəştlər tətbiq ediləcək fiziki şəxslərin siyahısına daxil edilməsi və kompensasiyanın ödənilməsi öhdəliyinin BOKT “xxxxxxxxxxxxxxxxxxxxxxxxxxxxx” MMC-nin Şəki filialının üzərinə qoyulması barədə qətnamə çıxarılmasını xahiş etmişdir. Lakin iddia ərizəsi və ona əlavə edilmiş sənədlər Azərbaycan Respublikasının MPMnin 152-ci maddəsi rəhbər tutularaq geri qaytarılmalıdır. Belə ki, Azərbaycan Respublikasının MPM-nin 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə, o zaman iddia ərizəsi geri qaytarılmalıdır. Həmin Məcəllənin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. İddiaçı adının “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Azərbaycan Respublikası Prezidentininin Fərmanından irəli gələn güzəştlər tətbiq ediləcək fiziki şəxslərin siyahısına daxil edilməsi və kompensasiyanın ödənilməsi öhdəliyinin BOKT “xxxxxxxxxxxxxxxxxxxxxxxxxxxxx” MMC-nin Şəki filialının üzərinə qoyulmasını xahiş etsə də, cavabdeh BOKT “xxxxxxxxxxxxxxxxxxxxxxxxxxxxx” MMC-nin hüquqi ünvanının ünvan 1 olduğu müəyyən edilir. İddiaçıya hazırkı tələbi ilə bağlı Şəki Rayon Məhkəməsinə deyil, cavabdehin hüquqi ünvanı olaraq müvafiq rayon məhkəməsinə müraciət etməsi tövsiyə olunur. Ona görə də iddia ərizəsi cavabdeh BOKT “xxxxxxxxxxxxxxxxxxxxxxxxxxxxx” MMCnin hüquqi ünvanı üzrə müvafiq rayon məhkəməsinə göndərilmək əvəzinə aidiyyət qaydaları pozularaq Şəki Rayon Məhkəməsinə göndərildiyindən Azərbaycan Respublikasının MPM-nin 149-152-ci maddələri rəhbər tutularaq qaytarılmalıdır. Göstərilənlərə əsasən və Azərbaycan Respublikasının MPM-nin 263.1, 264, 266- 268-ci maddələrini rəhbər tutaraq QƏRARA ALDİM: İddiaçı cavabdeh BOKT «xxxxxxxxxxxxxxxxxxxxxxxxxxxxx» MMC-nin Şəki filialına qarşı “adının “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Azərbaycan Respublikası Prezidentinin Fərmanından irəli gələn güzəştlər tətbiq ediləcək fiziki şəxslərin siyahısına daxil edilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya qərardadda göstərilən nöqsanlar aradan qaldırıldıqdan sonra yenidən məhkəməyə müraciət etmək hüququnun olması izah edilsin. Qərardaddan surəti alındığı (təqdim edildiyi) gündən 10 (on) gün müddətində Şəki Rayon Məhkəməsinə şikayət verilə bilər. Hakim Pərviz Hacıyev