Naxçıvan MR Naxçıvan Şəhər Məhkəməsi Qərardad — İş №2(078)-575/2025

Azərbaycan Respublikası adından QƏRARDAD Naxçıvan şəhəri İş № 2(078)-575/2025 21.05.2025 NAXÇIVAN MR NAXÇIVAN ŞƏHƏR MƏHKƏMƏSİ Naxçıvan Şəhər Məhkəməsinin hakimi Əliyeva Gülsüm Kamal qızının sədrliyi, X1 məhkəmə iclas katibliyi ilə, İddiaçı Cavabdeh qarşı pul tələbinə dair mülki işə məhkəmənin inzibati binasında, açıq məhkəmə hazırlıq iclasında baxaraq müəyyənetdi: İddiaçı Cavabdeh qarşı pul tələbinə dair iddia ərizəsi ilə Naxçıvan Şəhər Məhkəməsinə müraciət edərək, Cavabdeh 6200 (altı min iki yüz) manat borc məbləğinin, vəkil xərcinə görə 500 (beş yüz) manat, notariat xərcinə görə 20 (iyirmi) manat və dövlət rüsumu kimi ödənilmiş 83 (səksən üç) manat pulların alınıb İddiaçı verilməsi barədə qətnamə qəbul edilməsini məhkəmədən xahiş etmişdir. Mülki iş üzrə 21 may 2025-ci il tarixə təyin edilmiş məhkəmə hazırlıq iclasının vaxtı və yeri barədə İddiaçı, iddiaçının vəkil və nümayəndəsi Vəkil və Cavabdeh rəsmi qaydada məlumat verilməsinə baxmayaraq, onlar məhkəmə iclasında iştirak etməmiş, məhkəmə iclasında iştirak etməmələrinin səbəbi barədə məhkəməyə heç bir məlumat verməmişlər. Azərbaycan Respublikası Mülki-Prosessual Məcəlləsinin 185-ci maddəsinə əsasən məhkəmə iddiaçının, iddiaçının vəkil və nümayəndəsinin və cavabdehin iştirakları olmadan məhkəmə hazırlıq iclasının keçirilməsini mümkün hesab etmişdir. İddiaçının vəkil və nümayəndəsi Vəkil 13 may 2025-ci il tarixdə məhkəməyə ərizə göndərərək, Naxçıvan Şəhər Məhkəməsinə Cavabdeh 6200 (altı min iki yüz) manat borc məbləğinin, vəkil xərcinə görə 500 (beş yüz) manat, notariat xərcinə görə 20 (iyirmi) manat və dövlət rüsumu kimi ödənilmiş 83 (səksən üç) manat pulun alınıb İddiaçı verilməsi barədə qətnamə qəbul edilməsi üçün müraciət etdiklərini, hal-hazırda İddiaçı iddia tələbindən imtina etdiyini, bu səbəbdən də iddianın baxılmamış saxlanılaraq geri götürülməsi barədə qərar qəbul edilməsini məhkəmədən xahiş etmişdir. Həmçinin İddiaçı 20 may 2025-ci il tarixdə məhkəməyə teleqram göndərərək Cavabdeh olan iddianı geri götürdüyünü bildirərək məhkəməyə xitam verilməsini xahiş etmişdir. Məhkəmə iddiaçının vəkil və nümayəndəsi Vəkil 13 may 2025-ci il tarixli ərizəsini və İddiaçı 20 may 2025-ci il tarixdə məhkəməyə göndərdiyi teleqramı nəzərdən keçirib bildirir ki, Azərbaycan Respublikası Mülki-Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Hazırki vəziyyətdə isə iddiaçı iddia ərizəsinin geri qaytarılması barədə ərizə ilə məhkəməyə müraciət etdiyindən, məhkəmə Azərbaycan Respublikası Mülki-Prosessual Məcəlləsinin yuxarıda qeyd olunan normasını rəhbər tutaraq belə nəticəyə gəlir ki, İddiaçı iddia ərizəsi və ona əlavə edilmiş sənədlər ona geri qaytarılmalıdır. Azərbaycan Respublikası Mülki-Prosessual Məcəlləsinin 263.1-ci maddəsinin tələbinə görə məhkəmə işi mahiyyəti üzrə həll etmədikdə məhkəmə aktını qərardad formasında çıxarır. Azərbaycan Respublikası Mülki Prosessual Məcəlləsinin 170.3-cü maddəsinə əsasən bu Məcəllənin 170.1 və 170.2-ci maddələrində göstərilən qaydada qəbul edilmiş qərardaddan şikayət verilə bilər. Azərbaycan Respublikası Mülki-Prosessual Məcəlləsinin 114.1 və 114.1.3-cü maddələrinə əsasən bu Məcəllə ilə nəzərdə tutulmuş əsaslarla ərizə geri qaytarılarsa dövlət rüsumu geri qaytarılır. Qeyd olunan maddənin tələbini nəzərə alaraq hesab edirəm ki, İddiaçı tərəfindən "xxxx" ASC-nin Naxçıvan filialı vasitəsilə 06 mart 2025-ci il tarixli, 24750 nömrəli qəbzlə ödənilmiş 82 (səksən iki) manat məbləğində dövlət rüsumu İddiaçı geri qaytarılmalıdır. Qeyd olunanlara əsasən və Azərbaycan Respublikası Mülki-Prosessual Məcəlləsinin 170.3, 263, 264, 267 və 268-ci maddələrini rəhbər tutaraq, qəraraaldım: İddiaçı Cavabdeh qarşı pul tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçı tərəfindən "xxxx" ASC-nin Naxçıvan filialı vasitəsilə 06 mart 2025-ci il tarixli, 24750 nömrəli qəbzlə ödənilmiş 82 (səksən iki) manat məbləğində dövlət rüsumu İddiaçı geri qaytarılsın. Qərardaddan, qərardad tərəfə rəsmi qaydada verildikdən sonra 10 (on) gün müddətində Naxçıvan Şəhər Məhkəməsinə şikayət verilə bilər. Hakim: Gülsüm Əliyeva.