Bakı Apellyasiya Məhkəməsi Qərardad — İş №2(103)-3145/2023

Azərbaycan Respublikası adından QƏRARDAD Bakı şəhəri İş № 2(103)-3145/2023 10.05.2023 BAKI APELLYASİYA MƏHKƏMƏSİ Hakimlər Babayev Fuad Fikrət oğlunun sədrliyi ilə, X2 və X1 ibarət tərkibdə, Şirinova Gülyar Elman qızının katibliyi ilə, İddiaçılar İddiaçı1 və İddiaçı2, Cavabdeh Mahmud qızının və onun nümayəndəsi Nümayəndə iştirakları ilə, Bakı şəhəri Nərimanov Rayon Məhkəməsinin e-2(005)-139/2023 saylı, 16 fevral 2023-ci il tarixli qətnaməsindən Cavabdeh Mahmud qızı tərəfindən verilmiş apellyasiya şikayətinə əsasən mülki işə Bakı Apellyasiya Məhkəməsinin binasında açıq məhkəmə iclasında baxaraq Müəyyən etdi: İddiaçılar İddiaçı1 və İddiaçı2 Cavabdeh Mahmud qızına qarşı “maddi və mənəvi ziyanın ödənilməsi” tələbinə dair iddia ərizəsi ilə məhkəməyə müraciət etmişdir. Nərimanov Rayon Məhkəməsinin e-2(005)-139/2023 saylı, 16 fevral 2023-cü il tarixli qətnaməsi ilə iddia qismən təmin edilmişdir. Həmin qətnamədən cavabdehin verdiyi apellyasiya şikayəti baxılması üçün Bakı Apellyasiya Məhkəməsinə göndərilmiş, şikayət mümkün hesab edilərək icraata qəbul edilmişdir. Hazırda isə Bakı şəhəri Nərimanov Rayon Məhkəməsindən sorğu daxil olmuş və həmin məhkəmənin e-2(005)-139/2023 saylı, 16 fevral 2023-ci il tarixli qətnaməsində olan yalnışlığın düzəldilməsi məsələsinə baxılması üçün mülki işin geri qaytarılması xahiş olunmuşdur. Məhkəmə iclasında iştirak edən tərəflər mülki işin baxışdan çıxarılaraq birinci instansiya məhkəməsinə qaytarılmasına etiraz etmədilər. Məhkəmə kollegiyası hesab edir ki, hazırki iş üzrə Nərimanov Rayon Məhkəməsinin e-2(005)-139/2023 saylı, 16 fevral 2023-cü il tarixli qətnaməsində yol verilmiş yalnışlığın düzəldilməsi məsələsinə baxılması üçün mülki iş baxışdan çıxarılaraq həmin məhkəməyə qaytarılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263, 400-cü maddələrini rəhbər tutaraq məhkəmə kollegiyası Qərara aldı: Bakı şəhəri Nərimanov Rayon Məhkəməsinin e-2(005)-139/2023 saylı, 16 fevral 2023-ci il tarixli qətnaməsində olan yalnışlığın düzəldilməsi məsələsinə baxılması üçün 2(103)-3145/2023 saylı mülki iş baxışdan çıxarılaraq birinci instansiya məhkəməsinə qaytarılsın. Qərardad çıxarıldığı andan qanuni qüvvəyə minir. Sədrlik edən: Fuad Babayev Hakimlər: Cəmilə Musayeva Günay Axundova