Bakı Apellyasiya Məhkəməsi Qərardad — İş №2(103)-5254/2022

Azərbaycan Respublikası adından QƏRARDAD Bakı şəhəri İş № 2(103)-5254/2022 20.07.2022 BAKI APELLYASİYA MƏHKƏMƏSİ Hakimlər Azad Nizam oğlu İmanovun sədrliyi ilə, Qürbət Ağa oğlu Əsgərov və Fuad Şəmsəddin oğlu Talışinskidən ibarət tərkibdə, Bakı Apellyasiya Məhkəməsinin binasında Bakı şəhəri Nizami Rayon Məhkəməsinin 2(007)-49/2022 saylı, 16 iyun 2022-ci il tarixli qərardadından İddiaçı tərəfindən verilmiş şikayətə yazılı icraat qaydasında baxaraq müəyyənetdi: Bakı şəhəri Nizami Rayon Məhkəməsinin xx.xx.2022-ci il tarixli, 2(007)-49/2022 saylı qətnaməsi ilə İddiaçı MMC-nin Cavabdeh qarşı müstəqil tələb irəli sürməyən üçüncü şəxs Mikayılov Qafur Fərasət oğlu cəlb edilməklə “Cavabdeh 22.500 manat məbləğində pul tutularaq iddiaçıya verilməsi” tələbinə dair iddiasının təmin edilməməsi, İddiaçı MMC tərəfindən ödənilmiş 30 manat dövlət rüsumunun ona aid edilməsi qət edilmişdir. Həmin qətnamədən İddiaçı MMC apellyasiya şikayəti verərək Bakı şəhəri Nizami Rayon Məhkəməsinin xx.xx.2022-ci il tarixli, 2(007)-49/2022 saylı qətnaməsinin ləğv edilməsini və iddia tələbinin təmin edilməsini xahiş etmişdir. Eyni zamanda İddiaçı MMC-nin nümayəndəsi Vəkil2 Hadi oğlu məhkəməyə prosessual müddətin bərpası barədə vəsatət verərək, qətnaməni poçt vasitəsilə xx.xx.2022-ci il tarixdə aldığını,xx.xx.2022-ci il tarixdən xx.xx.2022-ci il tarixədək səhhətilə bağlı ölkə hüdudlarından kənarda olduğunu, bu səbəbdən apellyasiya şikayətini vaxtında verə bilmədiyini, bildirmiş və qeyd olunan amili üzrlü sayıb apellyasiya şikayətini vermə müddətini bərpa edib işi apellyasiya məhkəməsinə göndərilməsini xahiş etmişdir. Daha sonra Cavabdeh etiraz verərək şikayətin geri qaytarılmasını xahiş etmişdir. Bakı şəhəri Nizami Rayon Məhkəməsinin 23 may 2022-ci il tarixli, 2(007)-49/2022 saylı qərardadı ilə Bakı şəhəri Nizami Rayon Məhkəməsinin xx.xx.2022-ci il tarixli, 2(007)- 49/2022 saylı qətnaməsindən İddiaçı MMC tərəfindən verilmiş apellyasiya şikayətinin verilməsi üçün qanunvericilikdə nəzərdə tutulmuş müddətin bərpa edilməsi barədə ərizə təmin edilməyərək, İddiaçı MMC tərəfindən verilmiş apellyasiya şikayətinin geri qaytarılması qərara alınmışdır. İddiaçı MMC həmin qərardaddan şikayət verərək, Bakı şəhəri Nizami Rayon Məhkəməsinin 23 may 2022-ci il tarixli, 2(007)-49/2022 saylı qərardadının ləğv edilməsini və şikayətin verilməsi üçün buraxılmış müddətin üzrlü hesab edilərək işin mahiyyəti üzrə baxılması üçün Bakı Apelllyasiya Məhkəməsinə göndərilməsi barədə qərardad qəbul edilməsini xahiş etmişdir. Bakı şəhəri Nizami Rayon Məhkəməsinin 2(007)-49/2022 saylı, 16 iyun 2022-ci il tarixli qərardadı ilə İddiaçı tərəfindən verilmiş şikayət geri qaytarılmış və göstərilən nöqsanları aradan qaldırdıqdan sonra yenidən ümumi qaydada məhkəməyə müraciət etmək hüququ iddiaçıya izah olunmuşdur. Daha sonra İddiaçı nümayəndəsi Vəkil2 Hadi oğlu tərəfindən yenidən qərardaddan şikayət verilərək, Bakı şəhəri Nizami Rayon Məhkəməsinin 23 may 2022-ci il tarixli, 2(007)-49/2022 saylı qərardadının ləğv edilməsini və şikayətin verilməsi üçün buraxılmış müddətin üzrlü hesab edilərək işin mahiyyəti üzrə baxılması üçün Bakı Apelllyasiya Məhkəməsinə göndərilməsi barədə qərardad qəbul edilməsi xahiş edilmişdir. Bakı şəhəri Nizami Rayon Məhkəməsinin 2(007)-49/2022 saylı, 24 iyun 2022-ci il tarixli qərardadı ilə şikayət təmin edilməmiş və şikayət işlə birlikdə Bakı Apellyasiya Məhkəməsinə göndərilmişdir. Məhkəmə kollegiyası iş materiallarını və şikayətin dəlilini araşdıraraq hesab edir ki, şikayət təmin edilməməli, Bakı şəhəri Nizami Rayon Məhkəməsinin 2(007)-49/2022 saylı, 16 iyun 2022-ci il tarixli qərardadı dəyişdirilmədən saxlanılmalıdır. Belə ki, Azərbaycan Respublikası Mülki-Prosessual Məcəlləsinin: 361.1. Bu Məcəllə ilə müəyyən edilmiş formada verilən apellyasiya şikayətində aşağıdakılar göstərilməlidir: 361.1.1. şikayətin verildiyi məhkəmənin adı və ünvanı; 361.1.2. şikayəti verən şəxsin soyadı, adı, atasının adı, (hüquqi şəxsə münasibətdə adı) şəxsiyyətini eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, işdə prosessual vəziyyəti; 361.1.3. barəsində şikayət verilən məhkəmə aktı, onun qəbul edilmə tarixi, nəticə hissəsi, həmin aktı qəbul edən məhkəmənin adı; 361.1.4. şikayəti verən şəxsin tələbi və məhkəmə aktının hansı hissədə mübahisələndirildiyi; 361.1.5. şikayət verən şəxsin məhkəmə aktını düzgün hesab etmədiyi konkret əsaslar; 361.1.6. şikayət verən şəxsin istinad etdiyi konkret fakt və hallar, habelə onları təsdiq edən sübutlar; 361.1.7. şikayətə əlavə edilən sənədlərin siyahısı. 363.1-ci maddəsinə əsasən apellyasiya şikayəti birinci instansiya məhkəməsi tərəfindən aşağıdakı hallarda qaytarılır: 363.1.1-1-ci maddəsinə əsasən apellyasiya şikayəti bu Məcəllənin 361-ci maddəsinin tələblərinə riayət edilmədən verilmişdirsə; 363.1.2-ci maddəsinə əsasən apellyasiya şikayətinə müəyyən edilmiş qaydada və məbləğdə dövlət rüsumunun ödənilməsini təsdiq edən sənədlər əlavə olunmamışdırsa, qanunla dövlət rüsumunun ödənilməsinə möhlət verilməsi, hissə-hissə ödənilməsi və ya onun məbləğinin azaldılması imkanı nəzərdə tutulmuşdursa, bu barədə vəsatət olmadıqda və ya vəsatət rədd edilmişdirsə; 363.1.3-cü maddəsinə əsasən apellyasiya şikayəti müəyyən edilmiş müddət keçdikdən sonra verilmişdirsə. 363.1.5-ci maddəsinə əsasən, “Elektron məhkəmə” informasiya sisteminin tətbiq olunduğu məhkəmələrdə bu Məcəllənin 10-1.3-cü maddələrində nəzərdə tutulmuş qaydada aparılan elektron məhkəmə icraatında apellyasiya şikayəti həmin maddənin tələblərinə uyğun verilmədikdə. 363.2-ci maddəsinə əsasən apellyasiya şikayətinin qaytarılması haqqında qərardad çıxarılır. Azərbaycan Respublikası Mülki Prosessual Məcəlləsinin 10-1.3-cü maddəsinə əsasən kommersiya mübahisələri üzrə məhkəmə icraatı, habelə “Elektron məhkəmə” informasiya sisteminin tətbiq olunduğu məhkəmələrdə mülki işlər üzrə məhkəmə icraatı, o cümlədən ərizə, şikayət və digər sənədlərin göndərilməsi, qəbulu, habelə məhkəmə sənədlərinin məhkəməyə və proses iştirakçılarına çatdırılması “Elektron məhkəmə” informasiya sistemində yaradılan elektron kabinet vasitəsilə həyata keçirilir. Məhkəmə kollegiyası qeyd edir ki, qanunvericilik tərəfindən müəyyən edilən normaya əsasən mülki işlər üzrə sənədlərin göndərilməsi ilə bağlı hərəkətləri “Elektron məhkəmə” informasiya sistemində yaradılan elektron kabinet vasitəsilə həyata keçirilməlidir. Qeyd edilən tələblərə cavab verməyən şikayətlər isə məhkəmə tərəfindən geri qaytarılır. İddiaçı tərəfindən məhkəməyə verilmiş şikayət elektron kabinet vasitəsilə göndərilsə də, şikayət müəyyən edilmiş formaya uyğun deyil. Belə ki, şikayət verən şəxs tərəfindən Mülki Prosessual Məcəllənin yuxarıda qeyd olunan 363.1.1-1-ci maddəsinin tələblərinə riayət edilməmiş, şikayət qanunvericilik tərəfindən müəyyən edilmiş formada tərtib edilməmiş və elektron qaydada düzgün formada göndərilməmişdir. Halbuki, qərardaddan şikayət verən şəxs tərəfindən Mülki Prosessual Məcəllənin yuxarıda qeyd olunan 363.1.1-1-ci maddəsinin tələblərinə riayət edilməlidir. Qeyd olunmalıdır ki, Apellyasiya şikayətinin nümunəvi forması Mülki Prosessual Məcəllləyə əlavə edilmişdir (Əlavə 2). Məhkəmə kollegiyası qeyd edir ki, birinci instansiya məhkəməsi yuxarıda göstərilənlərə əsasən haqlı olaraq hesab etmişdir ki, Bakı Şəhəri Nizami Rayon Məhkəməsinin 23 may 2022-ci il tarixli, 2(007)-49/2022 saylı qərardadından İddiaçı tərəfindən verilmiş şikayət qanunvericilik tərəfindən müəyyən edilmiş formada tərtib edilmədiyindən geri qaytarılmalıdır. Şikayətin dəlillərinə münasibətdə isə kollegiya qeyd edir ki, bu dəlillər yuxarıda göstərilənlərlə təkzib olunur və mübahisələndirilən qərardadın ləğvi üçün əsas təşkil etmir. Azərbaycan Respublikası Mülki Prosessual Məcəlləsinin 398-ci maddəsinə əsasən apellyasiya instansiyası məhkəməsinin şikayətə baxıb qərardad qəbul etdikdə məhkəmənin qərardadını dəyişdirmədən saxlayıb şikayəti təmin etməmək, qərardadı tam və ya qismən ləğv edib, yaxud dəyişib işi birinci instansiya məhkəməsinə göndərmək, qərardadı tam və ya qismən ləğv edib qərardadla həll edilməli olan məsələni həll etmək hüququ vardır. Ona görə də şikayət təmin edilməməli, Bakı şəhəri Nizami Rayon Məhkəməsinin 2(007)-49/2022 saylı, 16 iyun 2022-ci il tarixli qərardadı dəyişdirilmədən saxlanılmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 397-398, 400 və 402-ci maddələrini rəhbər tutaraq məhkəmə kollegiyası Qərara aldı: İddiaçı şikayəti təmin edilməsin. Bakı şəhəri Nizami Rayon Məhkəməsinin 2(007)-49/2022 saylı, 16 iyun 2022-ci il tarixli qərardadı dəyişdirilmədən saxlanılsın. Qərardad çıxarıldığı andan qanuni qüvvəyə minir. Qərardaddan şikayəti verilə bilməz.