Bakı Apellyasiya Məhkəməsi Qərardad — İş №2(103)-6642/2021

Azərbaycan Respublikası adından QƏRARDAD Bakı şəhəri İş № 2(103)-6642/2021 11.06.2021 BAKI APELLYASİYA MƏHKƏMƏSİ hakimlər X1 (sədrliyi və məruzəsi ilə), Məmmədova Şərafət Asif qızı və Eyvazov Rafael Əmir oğlundan ibarət tərkibdə, məhkəmə iclas katibi Nizamlı Aygün Ülviyyət qızının katibliyi ilə, İddiaçı cavabdeh Respublika Xammal və Əmtəə Birjası “xxxx” MMC-yə qarşı “hesabatın ləğv edilməsi” tələbinə dair iddiası ilə bağlı Yasamal Rayon Məhkəməsinin 2(004)-2995/2021 saylı mülki iş üzrə 20.05.2021- ci il tarixli qərardadından İddiaçı tərəfindən verilmiş apellyasiyanın mümkünlüyünə Bakı Apellyasiya Məhkəməsinin binasında açıq məhkəmə iclasında baxaraq m ü ə y y ə n e t d i: İddiaçı cavabdeh Respublika Xammal Və Əmtəə Birjası “xxxx” MMC-yə qarşı “hesabatın ləğv edilməsi” iddiası Bakı şəhəri Yasamal Rayon Məhkəməsinin 2(004)- 2995/2021 saylı, 20.05.2021-ci il tarixli qərardadı ilə iddia baxılmamış saxlanılmışdır. İddiaçı qərardaddan şikayət vermişdir (iş səh. 34, 42). Məhkəmə kollegiyası daxil olmuş apellyasiyanın mümkünlüyünü yoxlayarkən müəyyən etmişdir ki, apellyasiya şikayətinə qanunla müəyyən edilmiş qaydada və məbləğdə dövlət rüsumunun ödənilməsini təsdiq edən sənəd əlavə olunmamışdır. Diqqətə çatdırılmalıdır ki, iş üzrə iddianın baxılmamış saxlanılmasına dair qərardaddan şikayət verərilərkən Azərbaycan Respublikası Mülki Prosessual Məcəlləsinin 108.1.4-ci və “Dövlət rüsumu haqqında” Qanunun 8.4.2-ci maddələrinə uyğun olaraq dövlət rüsumu ödənilməlidir. Apellyasiya şikayətinə müəyyən edilmiş qaydada və məbləğdə dövlət rüsumunun ödənilməsini təsdiq edən sənədlər əlavə olunmamışdırsa şikayət birinci instansiya məhkəməsi tərəfindən qaytarılırmalıdır. Qeyd edilənlərdən əlavə, verilən apellyasiya şikayətində forma və məzmuna riayyət edilməyərək iddiaçının iş yeri, yaşayış yeri, yaxud olduğu yer əks edilməmiş, bununlada çəkişmə prinsipinin təmin edilməsinə yönəlik prosessual hüquqlardan sui-istifadəyə şərait yaradılmışdır. Şərh olunanlara, Azərbaycan Respublikası Konstitusiyasının 2 4 (İİİ) X3 haqqında Azərbaycan Respublikasının Konstitusiya Qanununun 13, 62-67, Azərbaycan Respublikası Mülki Prosessual Məcəlləsinin 108.1.4, 263, 264, 361-366, 397.2, 402-ci və “Dövlət rüsumu haqqında” Qanunun 8.4.2-ci maddələrinə əsasən məhkəmə kollegiyası q ə r a r a a l d ı: Bakı şəhəri Yasamal Rayon Məhkəməsinin 2(004)-2995/2021 saylı iş üzrə 20.05.2021 -ci il tarixli qərardadından İddiaçı tərəfindən verilmiş apellyasiya qeyri-mümkün hesab edilsin və mülki iş Bakı şəhəri Yasamal Rayon Məhkəməsinə göndərilsin. Qərardad işdə iştirak edən şəxslərə rəsmi qaydada verildiyi gündən 10 (on) gün müddətində Bakı Apellyasiya Məhkəməsinin Mülki Kollegiyası vasitəsi ilə Azərbaycan Respublikası Ali Məhkəməsinin Mülki Kollegiyasına kassasiya şikayəti verilə bilər.