Bakı Apellyasiya Məhkəməsi Qərardad — İş №2(103)-768/2025

Azərbaycan Respublikası adından QƏRARDAD Bakı şəhəri İş № 2(103)-768/2025 10.01.2025 BAKI APELLYASİYA MƏHKƏMƏSİ Bakı Apellyasiya Məhkəməsinin Mülki Kollegiyası, hakimlər Namiq Cəfərov (sədrlik edən), İkram Şirinov və Elşən Kazımovdan ibarət tərkibdə, Nərgiz Qasımovanın katibliyi ilə, İddiaçı Cavabdeh MMC-yə qarşı “hüququn dövlət reyestrində qeydə alınması üçün tələb olunan sənədlərin verilməsi barədə” iddiasına dair mülki iş üzrə Binəqədi Rayon Məhkəməsinin xx.xx.2024-cü il tarixli 2(001)-2181/2024 nömrəli qətnaməsindən Cavabdeh MMC-nin apellyasiya şikayətinə baxılması üzrə keçirilən açıq məhkəmə iclasında müəyyən etdi: Hazırkı iş üzrə Binəqədi Rayon Məhkəməsinin xx.xx.2024-cü il tarixli 2(001)- 2181/2024 nömrəli qətnaməsi ilə iddia qismən təmin olunub. Cavabdeh MMC-nin apellyasiya şikayətində tələb olunub ki, qətnamə iddianın təmin edilən hissəsində ləğv olunsun və iddia rədd olunsun. Apellyasiya icraatı zamanı Cavabdeh MMC-nin nümayəndəsi ərizə ilə məhkəməyə müraciət edərək apellyasiya şikayətindən imtina etmişdir. Məhkəmə Azərbaycan Respublikası Mülki-Prosessual Məcəlləsinin 369-cu maddəsinin göstərişinə əsaslanaraq hesab edir ki, apellyasiya şikayətindən imtina qəbul olunmalı və apellyasiya icraatına xitam verilməlidir. Yuxarıda göstərilənlərə əsasən məhkəmə qərara aldı: Apellyasiya şikayətindən imtina qəbul olunsun. İddiaçı Cavabdeh MMC-yə qarşı “hüququn dövlət reyestrində qeydə alınması üçün tələb olunan sənədlərin verilməsi barədə” iddiasına dair mülki iş üzrə apellyasiya icraatına Cavabdeh MMC-yə münasibətdə xitam verilsin. Mülki iş Binəqədi Rayon Məhkəməsinə qaytarılsın. Qərardaddan rəsmi qaydada verildikdən sonra 10 gün müddətində Bakı Apellyasiya Məhkəməsi vasitəsi ilə Azərbaycan Respublikası Ali Məhkəməsinə kassasiya şikayəti verilə bilər.