Bakı Apellyasiya Məhkəməsi Qərardad — İş №2(103)-7881/2021

Azərbaycan Respublikası adından QƏRARDAD Bakı şəhəri İş № 2(103)-7881/2021 30.07.2021 BAKI APELLYASİYA MƏHKƏMƏSİ Bakı Apellyasiya Məhkəməsinin Mülki Kollegiyası, hakimlər Namiq Cəfərov (sədrlik edən), Elşən Kazımov və İlham Kərimlidən ibarət tərkibdə, Aytən Kərimovanın katibliyi, cavabdehin nümayəndəsi Xeyrulla Cavadovun iştirakı ilə, İddiaçı cavabdeh Azərbaycan Respublikası Fövqəladə Hallar Nazirliyi Tikintidə X1rşı “maddi və mənəvi zərərin əvəzinin ödənilməsi barədə” iddiasına dair mülki iş üzrə Nəsimi Rayon Məhkəməsinin 19.05.2021-ci il tarixli qərardadından cavabdeh tərəfindən verilmiş şikayətə açıq məhkəmə iclasında baxaraq müəyyən etdi: Həmin qərardadla qərara alınıb ki, hazırkı iş üzrə Nəsimi RM-nin 15.03.2021-ci il tarixli qətnaməsindən cavabdeh tərəfindən verilmiş apellyasiya şikayəti geri qaytarılsın. Qərardad onunla əsaslandırılıb ki, apellyasiya şikayəti verilməsi müddəti keçib. Şikayətdə tələb olunub ki, qərardad ləğv olunsun. Şikayət onunla əsaslandırılıb ki, həmin müddət keçməyib. Şikayət əsassızdır. Belə ki, qətnamədən şikayət verilməsi müddəti 1 aydır, bu müddətin axımı qətnamənin surətinin cavabadehə verildiyi tarixdən başlayır. Cavabdeh qətnamənin surətini 07.04.2021-ci il tarixdə alıb, 08 aprel 1 aylıq müddətin ilk günü, 07 may isə 1 aylıq müddətin son günüdür. Apellyasiya şikayəti 08 mayda verilib, yəni müddətin bitməsindən 1 gün sonra. Ona görə də məhkəmə Mülki-Prosessual Məcəllənin 363.1.3-cü maddəsinin göstərişinə əsaslanaraq hesab edir ki, Nəsimi RM apellyasiya şikayətinin qaytarılmasını qərara almaqla düzgün nəticəyə gəlib. Yuxarıda göstərilənlərə əsasən və Mülki-Prosessual Məcəllənin 397 və 398-ci maddələrinin göstərişlərini rəhbər tutaraq, məhkəmə qərara aldı: Şikayət təmin edilməsin. Hazırkı iş üzrə Nəsimi Rayon Məhkəməsinin 19.05.2021-ci il tarixli qərardadı dəyişdirilmədən saxlanılsın. Qərardaddan kassasiya şikayəti verilə bilməz. Qərardad çıxarıldığı andan qanuni qüvvəyə minir.