Naxçıvan MR Şərur Rayon Məhkəməsi Qərardad — İş №2(110)-137/2025

Azərbaycan Respublikası adından QƏRARDAD Şərur şəhəri İş № 2(110)-137/2025 30.01.2025 NAXÇIVAN MR ŞƏRUR RAYON MƏHKƏMƏSİ Hakim Əliyev Mehdi Ədalət oğlunun sədrliyi, Ceyranova Aytac Ramiz qızının katibliyi, İddiaçı və Cavabdeh iştirakı ilə, İddiaçı Cavabdeh qarşı torpaq sahəsinin naturada bölünməsi tələbinə dair mülki işə açıq məhkəmə iclasında baxaraq müəyyən etdi: İddiaçı iddia ərizəsi ilə məhkəməyə müraciət edərək birgə mülkiyyətlərinə verilmiş Şərur rayon Çərçiboğan kəndində 2702.85 kv.m həyətyanı torpaq sahəsindən və 2997.24 kv.m kənd təsərrüfatı təyinatlı torpaq sahəsindən müəyyən olunmuş payların naturada bölünməsi barədə qətnamə qəbul edilməsini xahiş etmişdir. Məhkəmə hazırlıq iclasında mülki işin araşdırılması zamanı müəyyən olunmuşdur ki, torpaq sahəsi ümumi birgə mülkiyyət olmasına baxmayaraq ona paylar müəyyən olunmadan əmlakın naturada bölünməsini tələbi ilə iddia qaldırılmışdır. Həmçinin digər torpaq sahəsində isə özbaşına tikili inşa edilmiş, lakin özbaşına tikiliyə mülkiyyət hüququ tanınmamışdır. Məhkəmənin əsaslandırması Məhkəmə işin yuxarıda qeyd edilən hallarını araşdırıb iş üzrə ərizənin baxılmamış saxlanılmasını məqsədə müvafiq hesab edir. Azərbaycan Respublikası Мülki Мəcəlləsinin 223.2-ci maddəsinə əsasən birgə mülkiyyətin mülkiyyətçiləri tərəfindən ümumi əşyanın bölünməsi və ya onlardan birinin payının ayrılması mülkiyyətçilərdən hər birinin payı qabaqcadan müəyyənləşdirildikdən sonra həyata keçirilə bilər. Azərbaycan Respublikası Мülki-Prossesual Мəcəlləsinin 259.0.1-ci maddəsinə əsasən məhkəməyə müraciət etmiş iddiaçı mübahisənin qabaqcadan məhkəmədən kənar (pretenziya qaydasında) həll edilməsi barəsində müəyyən kateqoriyadan olan işlər üçün qanunla müəyyən edilmiş, yaxud tərəflər arasında müqavilə ilə nəzərdə tutulmuş qaydaya əməl etməmişsə və bu qaydanı tətbiq etmək imkanı itirilməmişsə ərizə baxılmamış saxlanılmalıdır. “Azərbaycan Respublikası Ali Məhkəməsi Plenumunun bəzi qərarlarında dəyişikliklər edilməsi haqqında” Azərbaycan Respublikası Ali Məhkəməsi Plenumunun 24 dekabr 2021-ci il tarixli qərarının 5.1-ci bəndinə əsasən Azərbaycan Respublikası MPM-nin 259.0.1 - 259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Məhkəmə Azərbaycan Respublikasının Mülki-Prosessual Məcəlləsinin 114.1.5-ci maddəsinə əsasən hesab edir ki, İddiaçı tərəfindən Kapital Bank ASC-nin Şərur Filalı vasitəsilə xx.xx.2024-cü il tarixli ********** nömrəli qəbzlə ödədiyi 100 (bir yüz) manat dövlət rüsumu özünə qaytarılmalıdır. Göstərilənləri və Azərbaycan Respublikası Мülki-Prossesual Мəcəlləsinin 259.0.6, 263-264 və 268-ci maddələrini rəhbər tutaraq məhkəmə qərara aldı: İddiaçı Cavabdeh qarşı torpaq sahəsinin naturada bölünməsi tələbinə dair iddia ərizəsi baxılmamış saxlanılsın. İddiaçı tərəfindən Kapital Bank ASC-nin Şərur Filalı vasitəsilə xx.xx.2024-cü il tarixli ********** nömrəli qəbzlə ödədiyi 100 (bir yüz) manat dövlət rüsumu geri qaytarılsın. Qərardaddan, qərardad tərəflərə rəsmi qaydada verildikdən sonra 10 gün müddətinə Şərur Rayon Məhkəməsinə şikayət etmək olar. Hakim: Mehdi Əliyev