Naxçıvan MR Kəngərli Rayon Məhkəməsi Qərardad — İş №2(111)-251/2023

Azərbaycan Respublikası adından QƏRARDAD Qıvraq qəsəbəsi İş № 2(111)-251/2023 27.10.2023 NAXÇIVAN MR KƏNGƏRLİ RAYON MƏHKƏMƏSİ Hakim Əhmədov Zülfüqar Əziz oğlunun sədrliyi, X1 məhkəmə iclas katibliyi, iş üzrə Cavabdeh2 iştirakı ilə, İddiaçı cavabdehlər Cavabdeh1 və Cavabdeh2 birgə mülkiyyətdə olan torpaq sahəsindən payların müəyyən olunması tələbinə dair mülki işə Kəngərli Rayon Məhkəməsinin binasında açıq məhkəmə hazırlıq iclasında baxaraq müəyyən etdi: İddiaçı məhkəməyə iddia ərizə ilə müraciət edərək Kəngərli rayon Qarabağlar kəndində yerləşən, anası X2 miras qalmış, Şərur Rayon Aqrar İslahat Komissiyasının qərarı ilə JN-144A nömrəli şəhadətnamə ilə verilmiş 0.23 ha həyətyanı torpaq sahəsindən anasına düşən payın müəyyən olunması barədə qətnamə çıxarılmasını xahiş etmişdir. 26 oktyabr 2023-cü il tarixdə iş üzrə İddiaçı nümayəndəsi X3 məhkəməyə vəsatət təqdim edərək, ərizənin geri qaytarılmasını xahiş etmişdir. Məhkəmə sübutlara qiymət verərək belə nəticəyə gəlir ki, iş üzrə iddiaçının ərizəsi qaytarılmalıdır. Çünki onun nümayəndəsi ərizənin qaytarılması barədə vəsatət vermişdir. Azərbaycan Respublikası MPM-in 170.1-ci maddəsinə əsasən işin məhkəmə baxışına hazırlanması zamanı iddiaçının vəsatəti ilə ərizə qaytarıla bilər. Eyni zamanda məhkəmə büdcədən dövlət rüsumunun qaytarılması məsələsini müzakirə edərək, belə nəticəyə gəlir ki, iddiaçının 16 iyun 2023-cü il tarixdə ********** nömrəli qəbz əsasında ödədiyi 100 (yüz) manat məbləğində dövlət rüsumu iddiaçıya qaytarılmalıdır. Azərbaycan Respublikası MPM-in 114.1.3-cü maddəsinə əsasən ərizə geri qaytarılarsa dövlət rüsumu qaytarılır. Yuxarıda göstərilənləri və Azərbaycan Respublikasının MPM-in 170.3, 263, 264, 267 və 268-ci maddələrini rəhbər tutaraq məhkəmə qərar verdi: İddiaçı cavabdehlər Cavabdeh1 və Cavabdeh2 birgə mülkiyyətdə olan torpaq sahəsindən payların müəyyən olunması tələbinə dair iddia ərizəsi əlavə olunmuş sənədlərlə birlikdə iddiaçıya geri qaytarılsın. İddiaçı 16 iyun 2023-cü il tarixdə ********** nömrəli qəbz əsasında ödədiyi 100 (yüz) manat məbləğində dövlət rüsumu özünə qaytarılsın. Qərardaddan o, rəsmi qaydada verildikdən sonra 10 gün müddətində Kəngərli Rayon Məhkəməsinə şikayət verilə bilər. Sədrlik edən Zülfüqar Əhmədov