Gəncə Şəhər Məhkəməsi Qərardad — İş №2(125)-1780/2023

Azərbaycan Respublikası adından QƏRARDAD Gəncə şəhəri İş № 2(125)-1780/2023 10.02.2023 GƏNCƏ ŞƏHƏR MƏHKƏMƏSİ X1 Əli oğlunun sədrliyi, Məhkəmə iclasının katibi Yediyarova Zeynəb Fərman qızının katibliyi ilə İddiaçılar İddiaçı1, İddiaçı2, Əmiraslanova(Fətəliyeva) Afət Vəli qızı, Məmmədova(Fətəliyeva) Sayat Vəli qızı, Yusifova(Fətəliyeva) Solmaz Vəli qızı, Əliyeva(Fətəliyeva) Mehriban Vəli qızı və Mehdiyeva(Fətəliyeva) Könül Vəli qızının Cavabdeh qarşı miras mülkə mülkiyyət hüququnun və vərəsələrin tanınması, mülkün naturadan vərəsələr arasında bölünməsi tələbinə dair iddia ərizəsini və ona əlavə edilmiş sənədləri nəzərdən keçirərək, müəyyən etdi: İddiaçılar İddiaçı1, İddiaçı2, Əmiraslanova(Fətəliyeva) Afət Vəli qızı, Məmmədova(Fətəliyeva) Sayat Vəli qızı, Yusifova(Fətəliyeva) Solmaz Vəli qızı, Əliyeva(Fətəliyeva) Mehriban Vəli qızı və Mehdiyeva(Fətəliyeva) Könül Vəli qızı Cavabdeh qarşı miras mülkə mülkiyyət hüququnun və vərəsələrin tanınması, mülkün naturadan vərəsələr arasında bölünməsi tələbinə dair iddia ərizəsi ilə məhkəməyə müraciət etmişdir. İddia ərizəsinin məhkəmənin icraatına qəbulu araşdırılarkən müəyyən olunmuşdur ki, iddia ərizəsi Azərbaycan Respublikasının Mülki Prosessual Məcəlləsi ilə nəzərdə tutulmuş zəruri şərtlərə əməl edilmədən məhkəməyə verilmişdir. Belə ki, iddia ərizəsi və ona əlavə edilmiş sənədlər nəzərdən keçirilərkən müəyyən edilmişdir ki, iddiaçılar İddiaçı1, İddiaçı2, Əmiraslanova(Fətəliyeva) Afət Vəli qızı, Məmmədova(Fətəliyeva) Sayat Vəli qızı, Yusifova(Fətəliyeva) Solmaz Vəli qızı, Əliyeva(Fətəliyeva) Mehriban Vəli qızı və Mehdiyeva(Fətəliyeva) Könül Vəli qızı mirasın qəbul edilməsi ilə bağlı ilk olaraq Notariat Ofisinə müraciət etməli olduğu halda, həmin orqana müraciət etmədən birbaşa iddia ərizəsi ilə məhkəməyə müraciət etmişdir. Azərbaycan Respublikasının Mülki Prosessual Məcəlləsinin 149.1-ci maddəsinə əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Həmin Məcəllənin 149.2.4-cü maddəsinə əsasən ərizədə cavabdehlə mübahisənin məhkəməyə qədər (pretenziya) qaydada nizamasalınmasına riayət edilməsinə dair məlumat göstərilməlidir. Həmin Məcəllənin 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. Məhkəmə hesab edir ki, yuxarıda qeyd olunanlara əsasən, iddiaçılar İddiaçı1, İddiaçı2, Əmiraslanova(Fətəliyeva) Afət Vəli qızı, Məmmədova(Fətəliyeva) Sayat Vəli qızı, Yusifova(Fətəliyeva) Solmaz Vəli qızı, Əliyeva(Fətəliyeva) Mehriban Vəli qızı və Mehdiyeva(Fətəliyeva) Könül Vəli qızı işin qabaqcadan məhkəmədən kənar (pretenziya) həll edilməsi üçün Notariat Ofisinə müraciət etmələrinə dair məhkəməyə heç bir sübut növü təqdim etmədiklərindən iddia ərizəsi geri qaytarılmalıdır. Azərbaycan Respublikasının Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsaslanaraq və Azərbaycan Respublikasının Mülki Prosessual Məcəlləsinin 152, 263-264 və 268-269-cu maddələrini rəhbər tutaraq, qərara aldı: İddiaçılar İddiaçı1, İddiaçı2, Əmiraslanova(Fətəliyeva) Afət Vəli qızı, Məmmədova(Fətəliyeva) Sayat Vəli qızı, Yusifova(Fətəliyeva) Solmaz Vəli qızı, Əliyeva(Fətəliyeva) Mehriban Vəli qızı və Mehdiyeva(Fətəliyeva) Könül Vəli qızının Cavabdeh qarşı miras mülkə mülkiyyət hüququnun və vərəsələrin tanınması, mülkün naturadan vərəsələr arasında bölünməsi tələbinə dair iddia ərizəsi və ona əlavə edilmiş sənədlər geri qaytarılsın. İddia ərizəsini vermiş şəxsə izah edilsin ki, göstərilən nöqsan aradan qaldırıldıqdan sonra ümumi qaydada məhkəməyə müraciət edə bilər. Qərardaddan 10 (on) gün müddətində Gəncə Şəhər Məhkəməsinə şikayət verilə bilər. Hakim: Mustafa Mustafayev