Gəncə Şəhər Məhkəməsi Qərardad — İş №2(125)-2018/2022

Azərbaycan Respublikası adından QƏRARDAD Gəncə şəhəri İş № 2(125)-2018/2022 07.09.2022 GƏNCƏ ŞƏHƏR MƏHKƏMƏSİ X1 Əli oğlunun sədrliyi Yediyarova Zeynəb Fərman qızının katibliyi ilə İddiaçı cavabdehlər Cavabdeh1 və Cavabdeh2, Cavabdeh3 qarşı evin hərracda satılaraq əldə olan pulların tərəflər arasında bölünməsi tələbinə dair iddia ərizəsinə və ona əlavə edilmiş sənədlərə baxaraq, müəyyən etdi: İddiaçı cavabdehlər Cavabdeh1 və Cavabdeh2, Cavabdeh3 qarşı evin hərracda satılaraq əldə olan pulların tərəflər arasında bölünməsi tələbinə dair iddia ərizəsi ilə məhkəməyə müraciət edərək, İddiaçı 2/9, Cavabdeh1 3/9, Cavabdeh2 2/9, Cavabdeh3 2/9 hissədə məhkəmə qətnaməsi əsasında paylar bölünməsində, Azərbaycan Respublikası Əmlak Məsəlləri Dövlət komitəsi Yanında Daşınmaz Əmlakın Dövlət Reyestri Xidməti Hüquqların Dövlət qeydiyyatı haqqında daşınmaz əmlakın Dövlət reyestrindən verilmiş çıxarışı (xx.xx.2021-ci il tarixli qeydiyyat **********) nəzərə almaqla, evin hərrac vasitəsilə satılaraq, tərəflərə düşən paylar üzrə pulun bölünməsinə dair qətnamə çıxarılmasını xahiş etmişdir. Azərbaycan Respublikasının Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. İddia ərizəsinin məhkəmənin icraatına qəbulu araşdırılarkən müəyyən olunmuşdur ki, iddia ərizəsi Azərbaycan Respublikasının Mülki Prosessual Məcəlləsi ilə nəzərdə tutulmuş zəruri şərtlərə əməl edilmədən məhkəməyə verilmişdir. Belə ki, İddiaçı cavabdehlər Cavabdeh1 və Cavabdeh2, Cavabdeh3 qarşı İddiaçı 2/9, Cavabdeh1 3/9, Cavabdeh2 2/9, Cavabdeh3 2/9 hissədə məhkəmə qətnaməsi əsasında paylar bölünməsini, Azərbaycan Respublikası Əmlak Məsəlləri Dövlət komitəsi Yanında Daşınmaz Əmlakın Dövlət Reyestri Xidməti Hüquqların Dövlət qeydiyyatı haqqında daşınmaz əmlakın Dövlət reyestrindən verilmiş çıxarışı (xx.xx.2021-ci il tarixli qeydiyyat **********) nəzərə almaqla, evin hərrac vasitəsilə satılaraq, tərəflərə düşən paylar üzrə pulun bölünməsini tələb etsə də, iddia ərizəsində tələbi aydın və dəqiq göstərməmişdir. Halbuki, Azərbaycan Respublikasının Mülki Prosessual Məcəlləsinin 149.2-ci maddəsində iddia ərizəsində ərizənin verildiyi məhkəmənin adı, işdə iştirak edən şəxslərin adları, onların poçt ünvanları, iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb, müqavilə ilə və ya həmin kateqoriya işlər üçün qanunla bu, nəzərdə tutulmuşsa, cavabdehlə mübahisənin məhkəməyə qədər (pretenziya) qaydada nizamasalınmasına riayət edilməsinə dair məlumat, ərizəyə əlavə edilən sənədlərin siyahısı göstərilməlidir. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Mülki Məcəllənin 220.3-cü paylı mülkiyyətin mülkiyyətçiləri ümumi əşyanın bölünməsi və ya ondan payın ayrılması üsulu və şərtləri haqqında razılığa gələ bilmədikdə paylı mülkiyyətin mülkiyyətçisi öz payının naturada ayrılmasını məhkəmə qaydasında tələb edə bilər. Əgər payın naturada ayrılmasına yol vermirsə və ya bu, ümumi mülkiyyətdə olan əşyaya tənasübsüz zərər vurmadan mümkün deyildirsə, ayrılan mülkiyyətçi öz payının dəyərinin paylı mülkiyyətin digər mülkiyyətçiləri tərəfindən ona ödənilməsi hüququna malikdir. Qeyd etmək lazımdır ki, iddiaçı payın naturada ayrılması mümkün olmadığı halda paylı mülkiyyətin hərracdan satılmasını tələb edə bilər. İş materiallarına isə mübahisəli evdəki payın naturada ayrılmasının mümkün olmamasına dair sübutlar əlavə edilməmişdir. Qanunun tələbinə əsasən iddiaçı tərəfindən irəli sürülmüş əmlakın açıq hərracdan satılaraq əldə olunan pulların tərəflər arasında bölünməsi tələbindən əvvəl Mülki Məcəllənin 220.3-220.4-cü maddələrində nəzərdə tutulmuş qaydalara əməl edilməlidir. Həmin qaydalar paylı mülkiyyətdə olan əmlakın bölünməsi və ondan payın ayrılmasının mərhələli formada tənzimlənməsini nəzərdə tutur. Göründüyü kimi paylı mülkiyyətin mülkiyyətçisi payın naturada ayrılmasına dair sübutlar təqdim etmədən əmlakın açıq hərracdan satılmasını və əldə olunan pulların tərəflər arasında bölünməsini tələb etmişdir. Odur ki, payın naturada ayrılmasına dair sübutlar təqdim edilmədiyindən və iddia ərizəsində tələb qeyri müəyyən olmaqla Mülki Prosessual Məcəllənin tələblərinə riayət edilmədən verildiyindən iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikasının Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsaslanaraq və Azərbaycan Respublikasının Mülki Prosessual Məcəlləsinin 152, 263-264 və 268-269-cu maddələrini rəhbər tutaraq, qərara aldı: İddiaçı cavabdehlər Cavabdeh1 və Cavabdeh2, Cavabdeh3 qarşı evin hərracda satılaraq əldə olan pulların tərəflər arasında bölünməsi tələbinə dair iddia ərizəsi və ona əlavə edilmiş sənədlər geri qaytarılsın. İddia ərizəsini vermiş şəxsə izah edilsin ki, göstərilən nöqsan aradan qaldırıldıqdan sonra ümumi qaydada məhkəməyə müraciət edə bilər. Qərardaddan 10 (on) gün müddətində Gəncə Şəhər Məhkəməsinə şikayət verilə bilər. Hakim: Mustafa Mustafayev