Bakı Şəhəri Binəqədi Rayon Məhkəməsi Qərardad — İş №e-2(001)-642/2024

Azərbaycan Respublikası adından QƏRARDAD Bakı şəhəri İş № e-2(001)-642/2024 18.04.2024 BAKI ŞƏHƏRİ BİNƏQƏDİ RAYON MƏHKƏMƏSİ Hakim Əliyev İlkin Əli oğlunun sədrliyi Rəhimov Elçin Əhəd oğlunun katibliyi ilə Ərizəçi İddiaçı (maraqlı şəxs qismində Bakı şəhəri Binəqədi Rayon İcra Hakimiyyətinin Qəyyumluq və Himayəçilik Komissiyası cəlb edilməklə) “şəxsin fəaliyyət qabiliyyəti olmayan hesab edilməsi” tələbinə dair ərizəsinə açıq məhkəmə iclasında baxaraq, məhkəmə Müəyyən etdi: Ərizəçi İddiaçı ərizə ilə məhkəməyə müraciət edərək, xx xxxx 1972-ci il tarixdə anadan olan Maraqlı şəxs 2007-ci il tarixdən fəaliyyət qabiliyyəti olmayan hesab edilməsi və Bakı şəhəri Binəqədi rayon İcra Hakimiyyəti Başçısının yanında Qəyyumluq və Himayəçilik Komissiyasına onun üzərində qəyyum təyin olunmasına dair həvalə edilməsi barədə qətnamə qəbul edilməsini xahiş etmişdir. “Azemis” Elektron Məhkəmə İnformasiya Sistemindən sorğulanmış məlumatlardan görünür ki, ərizəçi İddiaçı xx.xx.2023-cü il tarixdə vəfat etmişdir. Məhkəmə ərizəçinin öldüyünü və barəsində mübahisə edilən hüquq münasibətinin hüquq varisliyinə yol verilmədiyini nəzərə alaraq hesab edir ki, mülki iş üzrə icraata xitam verilməlidir. Belə ki, Azərbaycan Respublikası Mülki-Prosessual Məcəlləsinin: 261.0.7. iş üzrə tərəflərdən biri olan şəxs öldükdən sonra barəsində mübahisə edilən hüquq münasibəti hüquq varisliyinə yol verməzsə hakim iş üzrə icraata xitam verir. 262.1. İş üzrə icraata xitam verilməsi barədə məhkəmə qərardad çıxarır. 262.5. İş üzrə icraata xitam verilməsi haqqında məhkəmənin qərardadından şikayət verilə bilər. Qeyd olanlara əsasən və Azərbaycan Respublikası MPM-in 261-ci maddəsini rəhbər tutaraq, məhkəmə QƏRARA ALDİ: Ərizəçi İddiaçı (maraqlı şəxs qismində Bakı şəhəri Binəqədi Rayon İcra Hakimiyyətinin Qəyyumluq və Himayəçilik Komissiyası cəlb edilməklə) “şəxsin fəaliyyət qabiliyyəti olmayan hesab edilməsi” tələbinə dair mülki iş üzrə icraata xitam verilsin. Qərardaddan 10 (on) gün müddətinə Bakı şəhəri Binəqədi Rayon Məhkəməsinə şikayət verilə bilər. Hakim İlkin Əliyev