Bakı Şəhəri Yasamal Rayon Məhkəməsi Qərardad — İş №e-2(004)-3647/2025

Azərbaycan Respublikası adından QƏRARDAD Bakı şəhəri İş № e-2(004)-3647/2025 30.05.2025 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Xudayev Kərim Bahəddin oğlu, İddiaçı cavabdeh Bakı şəhəri Yasamal rayon İcra Şöbəsinə qarşı “avtomobillərin üzərinə həbs qoyulmasına dair qərarın ləğv edilməsi” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı cavabdeh Bakı şəhəri Yasamal rayon İcra Şöbəsinə qarşı “avtomobillərin üzərinə həbs qoyulmasına dair qərarın ləğv edilməsi” tələbinə dair iddia ərizəsi ilə məhkəməyə müraciət edərək, Bakı şəhəri 43 saylınotariat ofisinin 8İ-306 nömrəli, xx.xx.2024-cü il tarixli icra sənədi üzrə ona, yəni borclu İddiaçı mülkiyyətində olan “BMW X7 XSRİVE 40İ” markalı, **-ZZ-*** dövlət qeydiyyat nişanlı, “Ford Transit” markalı, **-HU-*** dövlət qeydiyyat nişanlı, “Ford Transit” markalı, **-ZL-*** dövlət qeydiyyat nişanlı, “Ford Transit” markalı, **-CP-*** dövlət qeydiyyat nişanlı, “Ford Transit” markalı, **-KN-*** dövlət qeydiyyat nişanlı, “Hyundai HD65” markalı, **- SU-*** dövlət qeydiyyat nişanlı, “Hyundai HD65” markalı, **-SU-*** dövlət qeydiyyat nişanlı, “Hyundai HD65” markalı, **-SU-*** dövlət qeydiyyat nişanlı, “Hyundai HD65” markalı, 90- OZ- 436 dövlət qeydiyyat nişanlı, “Hyundai HD65” markalı, **-SU-*** dövlət qeydiyyat nişanlı, “Ford Transit” markalı, **-TD-*** dövlət qeydiyyat nişanlı, “Ford Transit” markalı, **-GG-*** dövlət qeydiyyat nişanlı, “Ford Toumeo” markalı, **-GM-*** dövlət qeydiyyat nişanlı, “Opel Combo” markalı, **-GT-*** dövlət qeydiyyat nişanlı, “Mersedes Bebz V250” markalı, **-UM-*** dövlət qeydiyyat nişanlı avtomobillərin üzərinə həbs qoyulmasına dair Bakı şəhəri Yasamal rayon İcra şöbəsinin böyük icra məmuru Rəhman Atamoğlanovun xx/xx-211710/38 saylı iş üzrə xx.xx.2025 tarixli qərarının ləğv edilməsinə barədə qətnamə qəbul edilməsini xahiş etmişdir. Azərbaycan Respublikasının MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. İddia ərizəsini və ona əlavə olunmuş sənədləri nəzərdən keçirərək hesab edirəm ki, iddianın yolverilməzliyinə görə ərizəni qəbul etməkdən imtina edilməlidir. Azərbaycan Respublikasının MPM-nin 153.2.1-ci maddəsinə əsasən ərizəyə məhkəmə qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. İş materiallarından göründüyü kimi avtomobillərin üzərinə həbs qoyulmasına dair qərarın ləğv edilməsini xahiş etməklə, iddia tələbinin əsasını qərarın ləğv edilməsi təşkil edir. Məhkəmə hesab edir ki, iddiaçı hazırki tələblə bağlı iddia ərizəsi ilə iddia icraatı qaydasında Bakı şəhəri Yasamal Rayon Məhkəməsinə müraciət etməklə haqlı olmamışdır. Belə ki, iddiaçı əgər qeyd olunan avtomobillərin üzərinə həbs məhkəmə qərardadı ilə qoyulmuşdursa, həmin qərardaddan şikayət verməklə onu mübahisələndirməlidir. Avtomobillərin üzərinə həbs məhkəmə qərardadı ilə deyil, icra məmurunun qərarı ilə qoyulmuşdursa, icra məmurununun hərəkətlərindən şikayət verməklə onu mübahisələndirməlidir. Belə olan halda, məhkəmə nəzarəti qaydasında (məhkəmə qətnamələrinin (qərarlarının) icrası haqqında) ərizə ilə müvafiq məhkəməyə (icra sənədi vermiş məhkəməyə) müraciət etməli idi. Beləliklə, qeyd olunanlara əsasən məhkəmə hesab edir ki, iddia ərizəsinə Bakı şəhəri Yasamal Rayon Məhkəməsində iddia icraatı qaydasında baxılmalı olmadığından, iddianın yolverilməzliyinə görə iddia ərizəsini qəbul etməkdən imtina edilməli, iddia ərizəsi və ona əlavə edilmiş sənədlər geri qaytarılmalı, iddiaçıya Azərbaycan Respublikasının MPM-nin 153.5-ci maddəsinin tələbləri izah olunmalıdır. Azərbaycan Respublikasının MPM-nin 153.3-cü maddəsinə əsasən, hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında və ya mülki məhkəmə icraatı qaydasında baxılmalı deyildirsə, iddiaçının hansı orqana və ya məhkəməyə müraciət etməli olmasını orada göstərir. Azərbaycan Respublikasının MPM-nin 153.5-ci maddəsinə əsasən, ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Göstərilənlərə əsasən və Azərbaycan Respublikasının MPM-nin 153, 263-264, 268-ci maddələrini rəhbər tutaraq, QƏRARA ALDİM: İddiaçı cavabdeh Bakı şəhəri Yasamal rayon İcra Şöbəsinə qarşı “avtomobillərin üzərinə həbs qoyulmasına dair qərarın ləğv edilməsi” tələbinə dair iddia ərizəsinin iddianın yolverilməzliyinə görə icraata qəbul edilməsindən imtina edilsin. İddiaçıya izah olunsun ki, iddiaçı icra icraatı çərçivəsində (8 indeksi ilə) müvafiq məhkəməyə müraciət edə bilər. Qərardaddan qərardadın rəsmi qaydada verildiyi gündən 10 (on) gün müddətində (“Elektron məhkəmə” informasiya sistemində yaradılan elektron kabinet vasitəsilə) Bakı şəhəri Yasamal Rayon Məhkəməsinə şikayət verilə bilər. Sərdlik edən: Kərim Xudayev