Bakı Şəhəri Yasamal Rayon Məhkəməsi Qərardad — İş №e-2(004)-5128/2022

Azərbaycan Respublikası adından QƏRARDAD Bakı şəhəri İş № e-2(004)-5128/2022 16.09.2022 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Məmmədli Orxan Qədir oğlu – İddiaçı cavabdeh Bank "xxxx" ASC, Azərbaycan Respublikası Ədliyyə Nazirliyi, Daşınmaz Əmlakın Dövlət Kadastrı və Reyestri Publik Hüquqi şəxsinin 1 saylı Bakı Ərazi İdarəsi və "xxxx" MMC-yə qarşı “protokolun etibarsız hesab edilməsi və çıxarışın ləğv edilməsi” tələbinə dair iddia ərizəsini və ona əlavə edilmiş sənədləri nəzərdən keçirərək Müəyyənetdi: İddiaçı cavabdeh Bank "xxxx" ASC, Azərbaycan Respublikası Ədliyyə Nazirliyi, Daşınmaz Əmlakın Dövlət Kadastrı və Reyestri Publik Hüquqi şəxsinin 1 saylı Bakı Ərazi İdarəsi və "xxxx" MMC-yə qarşı “protokolun etibarsız hesab edilməsi və çıxarışın ləğv edilməsi” tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək məhkəmə hesab edir ki, iddia ərizəsinin forması və məzmunu Azərbaycan Respublikası MPM-nin tələblərinə riayət edilməklə məhkəməyə verilmədiyindən ərizə və ona əlavə edilmiş sənədlər geri qaytarılmalıdır. İş materiallarından görünür ki, iddiaçı cavabdeh qismində Bank "xxxx" ASC, Azərbaycan Respublikası Ədliyyə Nazirliyi, Daşınmaz Əmlakın Dövlət Kadastrı və Reyestri Publik Hüquqi şəxsinin 1 saylı Bakı Ərazi İdarəsi, "xxxx" MMC-ni göstərsə də tələb kimi Bakı Şəhəri Səbail Rayon İcra Şöbəsinin xx.xx.2022-ci il tarixli 99750/202-xx-xx/1273 saylı və 25.05.202-ci il tarixli, xx/xx-99770/34-10253 saylı sifarişi əsasında "xxxx" MMC-nin İpoteka predmetinin ipoteka saxlayan tərəfindən əldə olunmasına dair 15 iyul 2022-ci il 220/22 saylı və 237/22 saylı protokollarının etibarsız hesab edilməsi, Bank "xxxx" ASC-nin ünvan 1 ünvanında yerləşən qeyri-yaşayış sahəsinin ½ hissəsi və İnşaatçılar prospekti 28 ünvanında yerləşən qeyri-yaşayış sahələri üzərində mülkiyyət hüququna dair qeydlərin ləğv olunmasını irəli sürmüşdür. Tələblərin məzmunundan da göründüyü kimi iddiaçı iddia ərizəsində bir neçə cavabdeh göstərsə də, hər birinə qarşı tələbin nədən ibarət olduğunu göstərməmişdir. Belə ki, Azərbaycan Respublikası MPM-in 149.2.3-cü maddəsinə əsasən iddia ərizəsində iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Qeyd olunanlara əsasən, məhkəmə hesab edir ki, iddiaçı cavabdehlərin hər birinə qarşı irəli sürdüyü tələbi göstərmədiyindən, iddia ərizəsi geri qaytarılmalı, iddiaçıya izah edilməlidir ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Belə ki, Azərbaycan Respublikası MPM-nin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsaslanaraq və Azərbaycan Respublikası MPM-nin 152-ci maddəsini rəhbər tutaraq Qəraraaldı: İddiaçı cavabdeh Bank "xxxx" ASC, Azərbaycan Respublikası Ədliyyə Nazirliyi, Daşınmaz Əmlakın Dövlət Kadastrı və Reyestri Publik Hüquqi şəxsinin 1 saylı Bakı Ərazi İdarəsi və "xxxx" MMC-yə qarşı “protokolun etibarsız hesab edilməsi və çıxarışın ləğv edilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 (on) gün müddətində Bakı Şəhəri Yasamal Rayon Məhkəməsinə şikayət verilə bilər. Hakim: Orxan Məmmədli