Bakı Şəhəri Yasamal Rayon Məhkəməsi Qərardad — İş №e-2(004)-6006/2023

Azərbaycan Respublikası adından QƏRARDAD Bakı şəhəri İş № e-2(004)-6006/2023 22.11.2023 BAKI ŞƏHƏRİ YASAMAL RAYON MƏHKƏMƏSİ Hakim Əlizadə Fariz Ariz oğlunun sədrliyi ilə, İddiaçı maraqlı şəxs “X2 Management” MMC cəlb edilməklə cavabdeh Azərbaycan Respublikası Əmək və Əhalinin Sosial Müdafiəsi Nazirliyi yanında X1 Xidmətinin Bakı şəhər İdarəsinin xx.xx.2023-cü il tarixli MN ******* nömrəli qərarından verdiyi şikayət ərizəsinə baxaraq, MÜƏYYƏN ETDİ: İddiaçı maraqlı şəxs “X2 Management” MMC cəlb edilməklə cavabdeh Azərbaycan Respublikası Əmək və Əhalinin Sosial Müdafiəsi Nazirliyi yanında X1 Xidmətinin Bakı şəhər İdarəsinin xx.xx.2023-cü il tarixli MN ******* qərarından şikayət verərək inzibati xəta haqqında iş üzrə icraata xitam verilməsini xahiş etmişdir. Ərizəçi tərəfindən tərtib edilmiş ərizə üzrə elektron məhkəmə sistemində işin növü “mülki iş”, icraatın növü “iddia icraatı” kimi müəyyənləşdirilmişdir. Nəticədə, inzibati xəta haqqında şikayət ərizəsi mülki icraat qaydasında məhkəməyə ünvanlanmışdır. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsinin yolverilməzliyinə görə qəbulundan imtina olunmalıdır. Azərbaycan Respublikası Mülki Prosessual Məcəlləsinin 153.2.1-ci maddəsinin tələbinə əsasən ərizəyə mülki məhkəmə icraatı qaydasında baxılmalı deyildirsə, hakim iddianın yolverilməzliyinə görə ərizəni qəbul etməkdən imtina edir. Ərizədə qeyd olunan xüsusatlara əsasən müəyyən olunur ki, İddiaçı maraqlı şəxs “X2 Management” MMC cəlb edilməklə cavabdeh Azərbaycan Respublikası Əmək və Əhalinin Sosial Müdafiəsi Nazirliyi yanında X1 Xidmətinin Bakı şəhər İdarəsinin xx.xx.2023-cü il tarixli MN ******* nömrəli qərarını mübahisələndirməklə inzibati xəta haqqında iş üzrə icraata xitam verilməsini xahiş edir. Məhkəmə qeyd edir ki, inzibati xəta haqqında iş üzrə icraata xitam verilməsinin əsasları Azərbaycan Respublikasının İnzibati Xətalar Məcəlləsi ilə tənzimlənmiş, sözügedən şikayətə mülki icraat qaydasında baxılması yolverilməzdir. Məhkəmə iddiaçıya izah edir ki, Azərbaycan Respublikasının İnzibati Xətalar Məcəlləsinin tələblərinə əsasən inzibati xəta haqqında iş üzrə icraata xitam verilməsi barədə aidiyyatı üzrə şikayət verməklə məhkəməyə müraciət edə bilər. Qeyd olunanlar nəzərə alınmaqla, ərizənin qəbulundan imtina edilməli, şikayət ərizəsi ona əlavə edilmiş sənədlərlə birlikdə ərizəçiyə geri qaytarılmalı və Azərbaycan Respublikasının İnzibati Xətalar Məcəlləsinin tələblərinə əsasən inzibati xəta haqqında iş üzrə icraata xitam verilməsi barədə aidiyyatı üzrə şikayət verməklə məhkəməyə müraciət etmək hüququ izah olunmalıdır. Eyni Məcəllənin 153.6-cı maddəsinə əsasən iddia ərizəsini qəbul etməkdən imtina barədə qərardaddan şikayət verilə bilər. Qeyd olunanlara əsasən və Azərbaycan Respublikası Mülki Prosessual Məcəlləsinin 153.2.1, 153.3 və 263-264-cü maddələrini rəhbər tutaraq, QƏRARA ALDİ: İddiaçı maraqlı şəxs “X2 Management” MMC cəlb edilməklə cavabdeh Azərbaycan Respublikası Əmək və Əhalinin Sosial Müdafiəsi Nazirliyi yanında X1 Xidmətinin Bakı şəhər İdarəsinin xx.xx.2023-cü il tarixli MN ******* nömrəli qərarından verdiyi iddia ərizəsinin qəbulundan imtina edilsin və iddia ərizəsi ona əlavə edilmiş sənədlərlə birlikdə iddiaçıya geri qaytarılsın. Qərardaddan 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər. Sədrlik edən: Fariz Əlizadə