Bakı Şəhəri Nizami Rayon Məhkəməsi Qərardad — İş №e-2(007)-1353/2024

Azərbaycan Respublikası adından QƏRARDAD Bakı şəhəri İş № e-2(007)-1353/2024 07.03.2024 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əliyeva Qumru Yəhya qızı, İddiaçı cavabdehlər Bakı şəhəri Nizami rayon İcra və probasiya şöbəsinə və "xxxx" MMC-yə qarşı “əşyaların qiymətləndirilməsi ilə bağlı rəyin etibarsız hesab edilməsi, icra məmurunun hərəkətlərinin qanunsuz hesab edilməsi və icra sənədinin icrasının təmin edilməsi” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı cavabdehlər Bakı şəhəri Nizami rayon İcra və probasiya şöbəsinə və "xxxx" MMC-yə qarşı “əşyaların qiymətləndirilməsi ilə bağlı rəyin etibarsız hesab edilməsi, icra məmurunun hərəkətlərinin qanunsuz hesab edilməsi və icra sənədinin icrasının təmin edilməsi” tələbinə dair iddia ərizəsi məhkəməyə müraciət edərək, iddianın təmin edilməsini, cavabdeh (borclu) X1 məxsus əşyaların qiymətləndirilməsinə dair cavabdeh "xxxx" MMC-nin tərtib etdiyi 23 yanvar 2023-cü il tarixli rəyin etibarsız hesab edilməsi, icra məmuru Əlihüseyn Aslanovun hərəkətlərinin qanunsuz hesab edilməsi və icra sənədinin icrasının təmin edilməsinə dair qətnamə çıxarılmasını xahiş etmişdir. Hesab edirəm ki, iddia ərizəsi və ona əlavə edilmiş sənədlər geri qaytarılmalıdır. Belə ki, iddaçı hazırda icra məmuru Əlihüseyn Aslanovun hərəkətlərinin qanunsuz hesab edilməsi və icra sənədinin icrasının təmin edilməsini xahiş etmişdir. “İcra haqqında” Azərbaycan Respublikasının Qanununun 87.1-ci maddəsinə əsasən icra sənədinin icra olunması ilə bağlı icra məmurunun hərəkətlərindən və ya hərəkətsizliyindən tələbkar və ya borclu icra məmurunun olduğu yer üzrə inzibati məhkəməyə şikayət verə bilər. Bu Qanunun digər maddələrində başqa müddət müəyyən edilməyibsə, icra məmurunun hərəkətlərindən şikayət müvafiq hərəkətin edildiyi vaxtdan 10 gün müddətində verilir. Göründüyü kimi iddiaçı Cavabdeh1 icra məmuru Əlihüseyn Aslanovun hərəkətlərindən qanunvericiliklə müəyyən edilmiş qaydada şikayətlə icra məmurunun olduğu yer üzrə müvafiq məhkəməyə müraciət edə bilər. Məhkəmə iddianın “əşyaların qiymətləndirilməsi ilə bağlı rəyin etibarsız hesab edilməsi” hissəsində qeyd edir ki, həmin iddia "xxxx" MMC-yə qarşı yönəlmiş tələbdir. Belə ki, Azərbaycan Respublikası MPM-nin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Elektron məhkəmə informasiya sisteminin Vergi ödəyicilərinin məlumatları səhifəsindən götürülmüş çıxarışdan görünür ki, hüquqi şəxs "xxxx" MMC-nin (VÖEN **********) hüquqi ünvanı AZ1033, ünvan 1elə olan halda, hazırkı tələbə Bakı şəhəri Nizami Rayon Məhkəməsində baxılmalı deyil. Azərbaycan Respublikası MPM-nin 152.1 və 152.1.3-cü maddələrinə görə əgər iş ərazi aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarmalıdır. Buna görə də, məhkəmə hesab edir ki, iddia ərizəsi və ona əlavə olunmuş sənədlər geri qaytarılmalıdır. Azərbaycan Respublikası Mülki Prosessual Məcəlləsinin: 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır; 114.2-ci maddəsinə əsasən, bu Məcəllənin 114.1.1-ci maddəsində nəzərdə tutulmuş hallarda dövlət rüsumunun artıq ödənilmiş hissəsi geri qaytarılır. Dövlət rüsumu Azərbaycan Respublikasının qanunları ilə nəzərdə tutulmuş digər hallarda da geri qaytarılır. Məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. “Dövlət rüsumu haqqında” Azərbaycan Respublikası Qanununun 5.1.2-ci maddəsinə əsasən ərizələr (şikayətlər) qaytarıldıqda və ya ərizə baxılmamış saxlanıldıqda, habelə notariat əməliyyatlarının icrasından imtina edildikdə dövlət rüsumu dövlət büdcəsindən qismən və ya tamamilə qaytarılır. Qərardad İddiaçı 100 manat ödədiyi dövlət rüsumunun geri qaytarılması üçün əsasdır. Yuxarıda göstərilənlərə əsasən və Azərbaycan Respublikası MPM-nin 263, 264, 267 və 268-ci maddələrini rəhbər tutaraq, QƏRARA ALDİM: İddiaçı cavabdehlər Bakı şəhəri Nizami rayon İcra və probasiya şöbəsinə və "xxxx" MMC-yə qarşı “əşyaların qiymətləndirilməsi ilə bağlı rəyin etibarsız hesab edilməsi, icra məmurunun hərəkətlərinin qanunsuz hesab edilməsi və icra sənədinin icrasının təmin edilməsi” tələbinə dair iddia ərizəsi və ona əlavə edilmiş sənədlər geri qaytarılsın. Qərardadda göstərilən nöqsanı aradan qaldırdıqdan sonra ümumi qaydada aidiyyəti məhkəməyə müraciət etmək hüququ iddiaçıya izah olunsun. Bu qərardad mülk iş üzrə iddia ərizəsinə görə İddiaçı (FİN: xxxxxxx) tərəfindən ödənilmiş 100 manat məbləğində dövlət rüsumunun ("xxxx" ASC, VÖEN **********, qəbz nömrəsi **********, Tarix: xx.xx.2024, saat 19:07:42) dövlət büdcəsindən qaytarılması üçün əsasdır. Qərardad tərəfə rəsmi qaydada verildikdən sonra 10 gün müddətində ondan Bakı şəhəri Nizami Rayon Məhkəməsinə şikayət verilə bilər. Sədrlik edən: Qumru Əliyeva