Bakı Şəhəri Nizami Rayon Məhkəməsi Qərardad — İş №e-2(007)-2530/2024

Azərbaycan Respublikası adından QƏRARDAD Bakı şəhəri İş № e-2(007)-2530/2024 23.07.2024 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Əhmədova Həqiqət Mülazim qızı, İddiaçı cavabdeh Bakı şəhəri Cavabdeh Başçısının Aparatı yanında Qəyyumluq və Himayəçilik Komissiyasına qarşı “qərarın və onun hüquqi nəticələrinin qanunsuz və əsassız hesab edilərək ləğv edilməsi” tələbinə dair iddia ərizəsini və ona əlavə olunmuş sənədləri nəzərdən keçirərək, MÜƏYYƏN ETDİ: İddiaçı cavabdeh Bakı şəhəri Cavabdeh Başçısının Aparatı yanında Qəyyumluq və Himayəçilik Komissiyasına qarşı “qərarın və onun hüquqi nəticələrinin qanunsuz və əsassız hesab edilərək ləğv edilməsi” tələbinə dair iddia ərizəsi ilə Bakı şəhəri Nizami Rayon Məhkəməsinə müraciət etmişdir. Azərbaycan Respublikası Mülki Prosessual Məcəlləsinin (MPM): 153.2.1-ci maddəsinə əsasən hakim ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə iddianın yolverilməzliyinə görə iddia ərizəsini qəbul etməkdən imtina edir. Məhkəmə qeyd edir ki, iddiaçının iddia tələbində ləğv edilməsini tələb etdiyi xx.xx.2024-cü il tarixli, 10 nömrəli qərar nəticəsində verilmiş qısa müddətli mühafizə orderi xx.xx.2024-cü il tarixdən 30 gün müddətinə, yəni xx.xx.2024-cü il tarixədək verilmiş, iddia tələbi isə məhkəməyə xx.xx.2024-cü il tarixdə daxil olmuşdur. Göründüyü kimi mühafizə orderinin artıq müddəti bitmişdir, iddiaçı isə hazırda qüvvədən düşmüş orderin verilməsinə səbəb olmuş qərarı mübahisələndirərək ləğv edilməsini məhkəmədən tələb edir. Həmçinin məhkəmə iddiaçının nəzərinə çatdırır ki, iddiaçı tərəfindən cavabdeh qismində Bakı şəhəri Cavabdeh Başçısının Aparatı yanında Qəyyumluq və Himayəçilik Komissiyası qoyulsa da mübahisələndirilən qərar və qərar əsasında verilmiş qısa müddətli mühafizə orderi Bakı şəhəri Cavabdeh Başçısının Aparatı yanında Məişət, o cümlədən gender zorakılığı və uşaqlara qarşı zorakılıq üzrə monitorinq qrupu tərəfindən qəbul edilmiş və həmin qrupun rəhbəri tərəfindən imzalanmışdır. Azərbaycan Respublikası Mülki-Prosessual Məcəlləsinin 153.5-ci maddəsinə əsasən, ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Belə olan halda məhkəmə hesab edir ki, İddiaçı cavabdeh Bakı şəhəri Cavabdeh Başçısının Aparatı yanında Qəyyumluq və Himayəçilik Komissiyasına qarşı “qərarın və mühafizə orderinin ləğv edilməsi” tələbinə dair iddia ərizəsinin qəbul olunmasından imtina olunmalı, ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olması tərəflərə izah edilməlidir. Azərbaycan Respublikası MPM-nin 114.1.3-cü maddəsinə əsasən, bu məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu geri qaytarılır. Göstərilənlərə əsasən və Azərbaycan Respublikası MPM-nin 153, 263-264, 267-268ci maddələrini rəhbər tutaraq, QƏRARA ALDİ: İddiaçı cavabdeh Bakı şəhəri Cavabdeh Başçısının Aparatı yanında Qəyyumluq və Himayəçilik Komissiyasına qarşı “qərarın və onun hüquqi nəticələrinin qanunsuz və əsassız hesab edilərək ləğv edilməsi” tələbinə dair iddia ərizəsinin qəbul edilməsindən imtina edilsin. Tərəflərə izah edilsin ki, ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Qərardad İddiaçı tərəfindən ödənilmiş 100 manat (Şəxsiyyət vəsiqəsinin Fini: xxxxxxx, qəbzin nömrəsi: 61514479, mədaxil qəbzi: **********, tarix: xx.xx.2024-cü il) dövlət rüsumunun qaytarılması üçün əsasdır. Qərardaddan tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Nizami Rayon Məhkəməsinə şikayət verilə bilər. Hakim: Həqiqət Əhmədova