Bakı Şəhəri Səbail Rayon Məhkəməsi Qərardad — İş №e-2(009)-1008/2025

Azərbaycan Respublikası adından QƏRARDAD Bakı şəhəri İş № e-2(009)-1008/2025 22.04.2025 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi, Ağayeva Narqələm Bayram qızının katibliyi Cavabdeh və onun nümayəndəsi və vəkili Vəkil2 iştirakları ilə İddiaçı Cavabdeh qarşı birgə nikah dövründə əldə olunmuş əmlakların bölünməsi, bağışlama müqaviləsinin etibarsız sayılması və çıxarışın ləğv edilməsi tələblərinə dair ilkin iddia tələbi üzrə həmçinin iddiaçı Cavabdeh İddiaçı qarşı əmlak üzərində paylı mülkiyyət hüququnun tanınması və torpaq sahəsinin paylara uyğun naturada bölünməsi tələbinə dair qarşılıqlı iddia ərizəsi üzrə mülki işə Səbail rayon Məhkəməsi binasında açıq məhkəmə iclasında baxaraq… MÜƏYYƏN ETDİ: İddiaçı Cavabdeh qarşı birgə nikah dövründə əldə olunmuş əmlakların bölünməsi, bağışlama müqaviləsinin etibarsız sayılması və çıxarışın ləğv edilməsi tələblərinə dair iddia ərizəsi ilə məhkəməyə müraciət etmişdir. İddiaçı Cavabdeh İddiaçı qarşı əmlak üzərində paylı mülkiyyət hüququnun tanınması və torpaq sahəsinin paylara uyğun naturada bölünməsi tələbinə dair qarşılıqlı iddia ərizəsi ilə məhkəməyə müraciət etmişdir. İlkin iddia tələbi üzrə iddiaçının nümayəndəsi və vəkili Nümayəndə ərizə ilə məhkəməyə müraciət edərək, cavabdeh tərəfindən övladı vasitəsilə verilmiş təklifi qəbul edib müəyyən razılaşma əldə edildiyindən iddia ərizəsini və ona əlavə edilən sənədlərin geri qaytarılması barədə qərardad qəbul edilməsini xahiş etmişdir. Qarşılıqlı iddia tələbi üzrə iddiaçı Cavabdeh ərizə verərək qarşılıqlı iddianın geri qaytarılmasını xahiş etmişdir. Məhkəmə ərizələri araşdıraraq hesab edir ki, ilkin və qarşılıqlı iddia ərizələri iddiaçılara geri qaytarmalıdır. Məhkəmə qeyd edir ki, məhkəmədə mülki işin başlanılması üçün əsas olan iddianın verilməsi iddiaçının birtərəfli iradə ifadəsi olduğu üçün, həmin iddia üzrə mülki işin davam etdirilməsi də bir qayda olaraq iddiaçının belə bir arzusunun olmasından asılıdır. İddiaçının ərizəsini geri qaytarma barədə verdiyi ərizə onun iddiasına əsasən başlanılmış işin məhkəmə icraatını davam etdirmək arzusunun olmadığını təsdiq edir. İddianın verilməsi kimi iddianın geri götürülməsi də iddiaçının müstəsna hüququdur. AR MPM-nin 170.1-ci maddəsinə əsasən bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. “Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” Azərbaycan Respublikası Ali Məhkəməsi Plenumunun xx.xx.2011-ci il tarixli 3 nömrəli Qərarının 1.3-cü bəndinə əsasən ərizənin baxılmamış saxlanılması bütün məhkəmə instansiyalarında iddia icraatı, və xüsusi icraat işlərinə baxıldıqda qanunvericilikdə müəyyən olunmuş xüsusiyyətlər nəzərə alınmaqla tətbiq edilir. Qarşılıqlı iddia ərizəsinin, iddia ərizəsində birləşən ayrı-ayrı tələblər üzrə ərizələrin, habelə müstəqil iddia tələbi irəli sürən üçüncü şəxslərin ərizələrinin baxılmamış saxlanılması istisna edilmir. Məhkəmələrə izah edilsin ki, Azərbaycan Respublikası MPM-nin 259.0.1 - 259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPMin 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur. Göstərilənlərə əsasən və Azərbaycan Respublikası Mülki Prosessual Məcəlləsinin 170.1, 263- 264-cü maddələrini rəhbər tutaraq, məhkəmə… QƏRARA ALDİ: Ərizələr təmin edilsin. İddiaçı Cavabdeh qarşı birgə nikah dövründə əldə olunmuş əmlakların bölünməsi, bağışlama müqaviləsinin etibarsız sayılması və çıxarışın ləğv edilməsi tələblərinə dair ilkin iddia ərizəsi və iddiaçı Cavabdeh İddiaçı qarşı əmlak üzərində paylı mülkiyyət hüququnun tanınması və torpaq sahəsinin paylara uyğun naturada bölünməsi tələbinə dair qarşılıqlı iddia ərizəsi ilkin və qarşlıqlı iddia tələbi üzrə iddiaçılara geri qaytarılsın. Qərardaddan 10 gün müddətində Səbail rayon Məhkəməsinə şikayət verilə bilər. Qeyd: Şikayət elektron sistem vasitəsi ilə verilmədikdə AR MPM-nin 363.1.5-ci maddəsinə əsasən geri qaytarılacaqdır. Hakim: Şahin Abdullayev