Bakı Şəhəri Səbail Rayon Məhkəməsi Qərardad — İş №e-2(009)-1812/2023

Azərbaycan Respublikası adından QƏRARDAD Bakı şəhəri İş № e-2(009)-1812/2023 28.08.2023 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi ilə İddiaçı X1 cavabdehlər "xxxx" MMC-yə, Səbail rayon İcra şöbəsinə, Bakı şəhəri 14 saylı notariat ofisinə və Cavabdeh3 qarşı hərracın nəticələri haqqında protokolun etibarsız hesab edilməsi tələbinə dair verdiyi iddia ərizəsinin mümkünlüyü məsələsinə baxaraq… MÜƏYYƏN ETDİ: İddiaçı X2 cavabdehlər "xxxx" MMC-yə, Səbail rayon İcra şöbəsinə, Bakı şəhəri 14 saylı notariat ofisinə və Cavabdeh3 qarşı hərracın nəticələri haqqında protokolun etibarsız hesab edilməsi tələbinə iddia ərizəsi ilə məhkəməyə müraciət etmişdir. Hakim iş materiallarını araşdırıb hesab edir ki, iddia ərizəsi və ona əlavə edilmiş sənədlərlə birlikdə geri qaytarılmalıdır. Hakim qeyd edir ki, verilmiş iddia ərizəsi AR MPM-nin tələblərinə uyğun deyil. AR MPM-nin 149.2.3-cü mddəsinə əsasən iddia ərizəsində iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Həmin Məcəllənin 152.1.1-ci maddəsinə əsasən iddia ərizəsi bu Məcəllənin 149-cu maddəsi ilə müəyyən olunmuş formasına və məzmununa riayət edilməklə verilmədikdə hakim iddia ərizəsini və ona əlavə edilmiş sənədləri geri qaytarır. Prosessual qanunvericiliyinin tələblərinə əsasən iddia bir neçə cavabdehə qarşı qaldırıldıqda onların hər birinə qarşı yönələn tələb ərizədə göstərilməlidir. İddia ərizəsindən görünür ki, iddia tələbi hərracı keçirilən təşkilat – "xxxx" MMC tərəfindən hərracın nəticələrinə dair qəbul edilmiş protokolun etibarsız hesab edilməsinə dairdir. Yəni iddia ərizəsində tələb yalnız cavabdehlərdən "xxxx" MMC-yə qarşı yönəlmiş, cavabdeh qismində göstərilən Səbail rayon İcra şöbəsi, Bakı şəhəri 14 saylı notariat ofisinə və Cavabdeh3 qarşı hər hansı tələb irəli sürülməmişdir. Hakim eyni zamanda qeyd edir ki, tələb irəli sürülməmiş cavabdeh qismində göstərilən şəxslər yalnız 3-cü şəxs qismində işə cəlb edilə bilərlər. AR MPM-nin 151.1-ci madəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Beləliklə hakim hesab edir ki, iddia ərizəsi AR MPM-nin tələblərinə uyğun olmadığından onun məhkəmə icraatı mümkün deyil. Bu səbəbdən iddia ərizəsi geri qaytarılmalıdır. Şərh olunanlara əsasən və AR MPM-nin 152.1.1, 149.2.3, 263-264-cü maddələrini rəhbər tutaraq hakim… QƏRARA ALDİ: İddiaçı X1 cavabdehlər "xxxx" MMC-yə, Səbail rayon İcra şöbəsinə, Bakı şəhəri 14 saylı notariat ofisinə və Cavabdeh3 qarşı hərracın nəticələri haqqında protokolun etibarsız hesab edilməsi tələbinə dair verdiyi iddia ərizəsi qərardadın əsaslandırıcı hissəsində göstərilənlərə əsasən geri qaytarılsın. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində Səbail rayon Məhkəməsinə şikayət verilə bilər. Qeyd: Şikayət elektron sistem vasitəsi ilə verilmədikdə AR MPM-nin 363.1.5-ci maddəsinə əsasən geri qaytarılacaqdır. Hakim: Şahin Abdullayev