Bakı Şəhəri Xətai Rayon Məhkəməsi Qərardad — İş №e-2(011)-7557/2023

Azərbaycan Respublikası adından QƏRARDAD Bakı şəhəri İş № e-2(011)-7557/2023 01.11.2023 BAKI ŞƏHƏRİ XƏTAİ RAYON MƏHKƏMƏSİ Hakim Abdullayeva Aynur Aydın qızının sədrliyi, Kazımov Samir Vaqif oğlunun katibliyi, İddiaçının nümayəndəsi və vəkili Vəkil, Cavadeh Cavabdeh iştirakları ilə İddiaçı Cavabdeh qarşı “pul” tələbi barədə iddia ərizəsinə dair mülki işə açıq məhkəmə iclasında baxaraq, müəyyənetdi: İddiaçı Cavabdeh oğuna qarşı – cavabdehdən 4200 manat əsas borc və ödənilmiş 63 manat dövlət rüsumunun xeyrinə tutulması tələbi barədə iddia ərizəsi ilə məhkəməyə müraciət etmişdir. İddiaçının nümayəndəsi və vəkili Vəkil məhkəmə hazırlıq iclasında iddia ərizəsinin məzmununa uyğun izahat verdi. Cavadeh Cavabdeh məhkəmə iclasında iddia tələbinə etiraz etdi. Məhkəmə mülki işi araşdıraraq hesab edir ki, hazırki mülki iş məhkəmə aidiyyəti qaydaları pozulmaqla icraata götürülmüşdür. Belə ki, Azərbaycan Respublikası Mülki-Prosessual Məcəlləsinin 24.2-ci maddəsinə əsasən, mübahisənin ümumi məhkəməyə və ya kommersiya məhkəməsinə aidiyyəti işdə iştirak edən şəxslərin subyektiv tərkibi, mübahisənin predmeti və hüquq münasibətlərinin xarakteri nəzərə alınmaqla, bu Məcəlləyə müvafiq olaraq müəyyən edilir. Həmin Məcəllənin 26.1-ci maddəsinə əsasən, sahibkarlıq fəaliyyətinin həyata keçirilməsi ilə əlaqədar olan mübahisələrə (kommersiya mübahisələrinə) dair işlərə mülki məhkəmə icraatı qaydasında kommersiya məhkəmələri baxır. İddia tələbindən və onun əsaslandığı hallardan görünür ki, mübahisənin predmeti kommersiya xarakterlidir. Belə ki, iddiaçı sahibkarlıq fəaliyyəti ilə məşğul olmaq niyyəti ilə Cavabdeh pul verdiyini, lakin cavabdeh tərəfindən aldadıldığı üçün hazırda ona qarşı pul tələbi ilə məhkəməyə müraciət etdiyini iddia ərzəsində qeyd etmişdir. Azərbaycan Respublikası Mülki-Prosessual Məcəlləsinin 44.2.2-ci maddəsinə əsasən, iş həmin məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olarsa, məhkəmə işi başqa məhkəmədə baxılmağa verir. Sadalanan qanunvericilik normalarına və mübahisənin xarakterinə əsasən, məhkəmə hesab edir ki, hazırkı mülki mübahisəyə ümumi məhkəmədə baxılmalı olmadığından, mülki iş məhkəmə aidiyyəti üzrə baxılması üçün Bakı Kommersiya Məhkəməsinə göndərilməlidir. Şərh olunanlara əsaslanaraq və Azərbaycan Respublikası MPM-nin 24, 26, 44, 263-264 və 266-268-ci maddələrini rəhbər tutaraq məhkəmə qəraraaldı: İddiaçı Cavabdeh oğuna qarşı “pul” tələbi barədə iddia ərizəsinə dair mülki iş baxılması üçün məhkəmə aidiyyəti üzrə Bakı Kommersiya Məhkəməsinə göndərilsin. Qərardaddan 10 (on) gün müddətində Bakı şəhəri Xətai Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsi ilə) şikayət verilə bilər. Sədrlik edən: Aynur Abdullayeva