Bakı Şəhəri Xətai Rayon Məhkəməsi Qərardad — İş №e-2(011)-7910/2024

Azərbaycan Respublikası adından QƏRARDAD Bakı şəhəri İş № e-2(011)-7910/2024 23.09.2024 BAKI ŞƏHƏRİ XƏTAİ RAYON MƏHKƏMƏSİ Hakim Həsənova Aygün Namiq qızı, İddiaçı cavabdehlər Cavabdeh1 MMC-yə və Cavabdeh2 qarşı “ziyanın ödənilməsi” tələbinə dair iddia ərizəsini və ona əlavə olunmuş sənədləri nəzərdən keçirərək müəyyən etdi: İddiaçı cavabdehlər Cavabdeh1 MMC-yə və Cavabdeh2 qarşı “ziyanın ödənilməsi” tələbinə dair iddia ərizəsi ilə məhkəməyə müraciət edərək, iddianın təmin edilməsi, cavabdehlərə verilmiş maşın alınması üçün 39.000 manat pulun və həmin maşının satışı zamanı iddiaçıdan qanunsuz alınmış daha 10.000 manat pulun və habelə maşının istismar xərcləri və sürücü pulları adı ilə ondan alınmış 5.000 manat pul vəsaitinin cavabdehlərdən tutularaq iddiaçıya verilməsi, iddiaçıya yaşadığı psixolojik gərginliklərə görə 10.000 manat məbləğində dəymiş mənəvi zərərin cavabdehlərdən tutularaq iddiaçıya ödənilməsi, iddiaçıya yaşadığı maddi məhrumiyyətlərə görə 20.000 manat məbləğində dəymiş maddi zərər və əldən çıxmış faydanın cavabdehlərdən tutularaq iddiaçıya ödənilməsi, ödənilmiş 309.90 manat dövlət rüsumunun və vəkilə hüquqi xidmətə görə ödənilmiş 300 manat müqavilə pulunun cavabdehlərdən tutularaq iddiaçıya ödənilməsi barədə qətnamə qəbul edilməsini xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirib hesab edir ki, iddia ərizəsi geri qaytarılmalıdır. Belə ki, iddiaçı iddia ərizəsində Cavabdeh1 MMC-nin ünvanının Bakı şəhəri, X1 115, Sport Plaza blok B, 14-cü mərtəbə olduğunu qeyd etmiş, “Elektron məhkəmə” informasiya sistemi vasitəsilə verilmiş sorğuyla müəyyən edilmişdir ki, sonuncu, Naxçıvan şəhəri, B.Kəngərli ünvanında qeydiyyata alınmışdır. İddiaçı digər Cavabdeh2 rezident olmayan fiziki şəxs olaraq Bakı şəhəri, Xətai rayonu, M.Hadi AZ 1129 ünvanında qeydiyyatda olduğunu qeyd etsə də sonuncunun həmin ünvanda qeydiyyatda olmasını təsdiq edən sənədi məhkəməyə təqdim etməmişdir. Göründüyü kimi, cavabdehlər Bakı şəhəri Xətai rayonu ərazisində qeydiyyatda olmadığından, iş ərazi aidiyyəti üzrə Bakı şəhəri Xətai Rayon Məhkəməsində baxılmalı deyildir. Belə ki, Azərbaycan Respublikası MPM-in 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, iddia ərizəsi və ona əlavə edilmiş sənədlər geri qaytarılır. Bundan başqa məhkəmə qeyd edir ki, iddiaçı tərəfindən hazırkı iddia üzrə dövlət rüsumu tam şəkildə ödənilməmişdir. Belə ki, iddiaçının iddia tələbinin məbləği ümumilikdə 84.000 (39.000+10.000+5.000+10.000+20.000) manat təşkil edir. Həmin məbləğ üzrə ödənilməli olan dövlət rüsumu 342 manat olduğu halda, iddiaçı tərəfindən 310.53 manat dövlət rüsumu ödənilmişdir. Azərbaycan Respublikası Mülki-Prosessual Məcəlləsinin 150.1.2-ci maddəsinə əsasən dövlət rüsumunun ödənilməsini təsdiq edən sənəd iddia ərizəsinə əlavə edilməlidir. Həmin Məcəllənin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə iddia ərizəsi geri qaytarılır. Eyni Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. “Dövlət rüsumu haqqında” Azərbaycan Respublikası Qanununun 8.1.3-cü maddəsinə əsasən iddia qiyməti 10.000 manatdan 100.000 manatadək olduqda 120 manat + 10.000 manatdan yuxarı olan iddia qiymətinin 0,3 faizi məbləğində dövlət rüsumu tutulur. Həmin Məcəllənin 152.1.1-ci madddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ya ona əlavə olunmuş sənədlər geri qaytarır. Eyni Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Göstərilən qanunvericilik aktı normasına əsasən məhkəmə hesab edir ki, iddia ərizəsinin ərazi aidiyyəti üzrə Bakı şəhəri Xətai Rayon Məhkəməsinə aidliyini müəyyən etmək mümkün olmamışdır. Ödənilməli olan dövlət rüsumunun məbləği tam şəkildə ödənilməmişdir. İddiaçının iddia ərizəsi Azərbaycan Respublikası MPM-nin tələblərinə riayət edilməklə məhkəməyə verilməmişdir. Buna görə də iddiaçının iddia ərizəsinin məhkəmə icraatı mümkün deyildir. Odur ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası MPM-nin 151.1-ci maddəsinə əsasən, ərizə bu Məcəllənin tələblərinə riayət edilməklə verildikdə, onun məhkəmə icraatı mümkündür. Qeyd olunanlara əsasən və Azərbaycan Respublikası MPM-in 152-ci maddəsini rəhbər tutaraq, məhkəmə qərara aldı: İddiaçı cavabdehlər Cavabdeh1 MMC-yə və Cavabdeh2 qarşı “ziyanın ödənilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçı izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan onun tərəflərə rəsmi qaydada verildiyi gündən 10 gün müddətində (“Elektron məhkəmə” informasiya sistemində yaradılan elektron kabinet vasitəsilə) Bakı şəhəri Xətai Rayon Məhkəməsinə şikayət verilə bilər. Hakim: Aygün Həsənova