Abşeron Rayon Məhkəməsi Qətnamə — İş №e-2(012)-5316/2025

Azərbaycan Respublikası adından QƏTNAMƏ Xırdalan şəhəri İş № e-2(012)-5316/2025 08.09.2025 ABŞERON RAYON MƏHKƏMƏSİ Hakim Əhmədov Habil Yunis oğlunun sədrliyi, Rzayev Fariz Gündüz oğlunun katibliyi, Maraqlı şəxs iştirakı ilə, Ərizəçi Azərbaycan Respublikasının İqtisadiyyat Nazirliyi yaninda Dövlət Vergi Xidmətinin 2 Saylı Ərazi Vergilər Baş İdarəsinin borclunun ölkədən getmək hüququnun məhdudlaşdırılması barədə ərizəsinə dair mülki işə açıq məhkəmə iclasında baxaraq, məhkəmə MÜƏYYƏN ETDİ: Ərizəçi Azərbaycan Respublikasının İqtisadiyyat Nazirliyi yaninda Dövlət Vergi Xidmətinin 2 Saylı Ərazi Vergilər Baş İdarəsi ərizə ilə Abşeron rayon Məhkəməsinə müraciət edərək, qeyd olunan hüquqi şəxs tərəfindən Dövlət Sosial Müdafiə Fonduna olan 2143,57 manat, İşsizlikdən sığorta fonduna olan 98 manat, İcbari Tibbi Sığorta Fonduna olan 370,86 manat məbləğində borcun ödənilməsini təmin etmək üçün həmin şəxsin icra orqanının rəhbəri olan Maraqlı şəxs barəsində (doğulduğu tarix-01 avqust 1951-ci il, doğulduğu yer-Azərbaycan, Abşeron rayonu, Güzdək qəsəbəsi, şəxsiyyəti təsdiq edən sənədin FİN nömrəsi-xxxxxxx, şəxsiyyət vəsiqəsinin seriya və nömrəsi AZE 0*******) ölkədən getmək hüququnun müvəqqəti məhdudlaşdırılması barədə qətnamə qəbul edilməsini xahiş etmişdir. Ərizə onunla əsaslandırılmışdır ki, vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün xx.xx.2025-ci il tarixə vergi ödəyicisi olan Azərbaycan Respublikası Abşeron Rayonunun Güzdək Bələdiyyəsinin (VÖEN: **********) İcbari Tibbi Sığorta Fonduna 370,86 manat, Dövlət Sosial Müdafiə Fonduna 2143,57 manat, İşsizlikdən sığorta fonduna 0,98 manat olmaqla, ümumilikdə 2515,41 manat borcu vardır. Yaranmış borc məbləğinin 5 gün ərzində müvafiq fonda ödənilməsi məqsədi ilə vergi ödəyicisinə Vergi Məcəlləsinin 65-ci maddəsinə əsasən xx.xx.2024-cü il tarixli **********150700, **********056800 nömrəli, xx.xx.2025-ci il tarixli **********244900 nömrəli bildirişlər, xx.xx.2025-ci il tarxili **********590900 nömrəli xəbərdarlıq məktubu göndərilmiş, lakin vergi ödəyicisi yaranmış borc məbləğini ödəməmişdir. Qeyd edilənlərə əsasən, o, ərizənin təmin edilməsini xahiş etmişdir. Ərizəçi Azərbaycan Respublikasının İqtisadiyyat Nazirliyi yaninda Dövlət Vergi Xidmətinin 2 Saylı Ərazi Vergilər Baş İdarəsinin nümayəndəsi məhkəməyə ərizə ünvanlayaraq, məhkəmə iclasının onun iştirakı olmadan keçirilməsini xahiş etmişdir. Belə olan halda məhkəmə işə onun iştirakı olmadan baxılması qərarına gəlmişdir. Məhkəmə iclasında Maraqlı şəxs izahatında bildirdi ki, o, Güzdək Bələdiyyəsinin sədri vəzifəsində çalışmış və həmin borc da oradan yaranmışdır. Lakin seçkilərdən sonra X4 Bələdiyyəsinə birləşdirilmiş və bütün yığılmış vergi borcları Qobu Bələdiyyəsinə keçmiş, material və sənədlər Qobu Bələdiyyəsinə təhvil-təslim edilmişdir. Odur ki, hazırki borc bələdiyyəyə aiddir və onun təqsiri deyildir. Bu səbəbdən o, ərizənin təmin edilməməsini xahiş etmişdir. Məhkəmə maraqlı şəxsin izahatını dinləyib, mülki iş materiallarını və işin hallarını hərtərəfli araşdıraraq hesab edir ki, ərizə təmin edilməlidir. Belə ki, mülki iş materiallarında olan və məhkəmə iclasında tədqiq olunmuş: -Abşeron rayonu, Mehdiabad Bələdiyyəsinə göndərilmiş xx.xx.2024-cü il tarixli **********8 saylı, xx.xx.2024-cü il tarixli **********1 saylı və xx.xx.2025-ci il tarixli **********0 saylı bildirişlərdən görünür ki, Dövlət Sosial Müdafiə Fonduna olan 2143,57 manat, İşsizlikdən sığorta fonduna olan 98 manat, İcbari Tibbi Sığorta Fonduna olan 370,86 manat məbləğində borcun 5 gün ərzində müvafiq fonda ödənilməsi məqsədi ilə vergi ödəyicisinə məlumat verilmişdir. Yazışmalar barədə hesabat iş materiallarına əlavə edilmişdir. -Hüquqi şəxs haqqında məlumatdan görünür ki, Abşeron rayonu Güzdək Bələdiyyəsi vergi ödəyicisi kimi ********** saylı VÖEN-lə Azərbaycan Respublikasının İqtisadiyyat Nazirliyi yaninda Dövlət Vergi Xidmətinin 2 Saylı Ərazi Vergilər Baş İdarəsində qeydiyyatdadır. Hüquqi şəxsin rəhbəri Maraqlı şəxsdur. -xx.xx.2024-cü il və xx.xx.2025-ci il tarixli ödəniş tapşırıqlarının surətlərindən görünür ki, Abşeron rayonu Güzdək Bələdiyyəsi tərəfindən Dövlət büdcəsinə ümumilikdə 2605,43 manat vəsait köşürülmüşdür. Azərbaycan Respublikası MPM-nin: – 355-5.1-ci maddəsinə əsasən vergi ödəyicisi və ya sığortaedən vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcların və faizlərin, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanının müəyyən etdiyi orqan (qurum) fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir – 355-7.4-cü maddəsinə əsasən vergi ödəyicisi və ya sığortaedən olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında qətnamə qəbul edildikdən dərhal sonra qüvvəyə minir və qətnamədən şikayətin verilməsi onun icrasını dayandırmır. Azərbaycan Respublikası Vergi Məcəlləsinin: – 16.1.1-ci maddəsinə əsasən qanunla müəyyən edilmiş vergiləri, habelə həmin Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin vəzifəsidir. –15-3-cü maddəsinə əsasən vergi orqanlarının vergi ödəyicisi vergi öhdəliyini bu Məcəllə ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək hüquqları vardır. –24.0.2-1-ci maddəsinə əsasən vergi oranları vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra dərhal həmin məhdudlaşdırmanın götürülməsi barədə qərar qəbul etməyə borcludur. Beləliklə, məhkəmə araşdırması zamanı müəyyən olunmuşdur ki, vergi ödəyicisi Abşeron rayonu X2 Sosial Müdafiə Fonduna olan 2143,57 manat, İşsizlikdən sığorta fonduna olan 98 manat, İcbari Tibbi Sığorta Fonduna olan 370,86 manat məbləğində borcu yaranmış, bu borcun 5 gün ərzində müvafiq fonda ödənilməsi məqsədi ilə vergi ödəyicisinə Azərbaycan Respublikasının İqtisadiyyat Nazirliyi yaninda Dövlət Vergi Xidmətinin 2 Saylı Ərazi Vergilər Baş İdarəsi tərəfindən xx.xx.2024-cü il tarixli **********8 saylı, xx.xx.2024-cü il tarixli **********1 saylı və xx.xx.2025-ci il tarixli **********0 saylı bildirişlər göndərilmişdir. Lakin iş materiallarından görünür ki, qeyd edilən borc tam olaraq büdcəyə ödənilməmiş, bununla da idarənin, borclu hüquqi şəxsin rəhbərinin ölkədən getmək hüququnun məhdudlaşdırılması barədə ərizə ilə məhkəməyə müraciət etmək hüququ yaranmışdır. Maraqlı şəxsin yaranmış borcu vaxtında ödəməməsinin səbəbi kimi qeyd etdiyi dəlillər əsassızdır. Ona gğrə də ərizəçinin ərizəsi əsaslıdır və təmin edilməlidir. Mülki Prosessual Məcəllənin: 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 217.4. maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. 119.2-ci maddəsinə əsasən, iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə mütənasib olaraq cavabdehdən tutularaq dövlət gəlirlərinə alınır. “Dövlət rüsumu haqqında” Azərbaycan Respublikasının Qanununun 8.2-ci maddəsinin tələbinə görə xüsusi icraat qaydasında baxılan iş üzrə ərizələrdən 100 manat dövlət rüsumu tutulur. Məhkəmə hesab edir ki, ərizəçi dövlət rüsumunu ödəməkdən azad edildiyindən və ərizə təmin edildiyindən 100 manat dövlət rüsumu maraqlı şəxsdən tutulmalıdır. Yuxarıda göstərilənlərə əsasən və Mülki Prosessual Məcəllənin 216-220, 227, 233, 237-ci maddələrini rəhbər tutaraq, məhkəmə QƏT ETDİ: Ərizə təmin edilsin. Abşeron Rayonu Güzdək Bələdiyyəsi tərəfindən Dövlət Sosial Müdafiə Fonduna olan 2143,57 manat, İşsizlikdən sığorta fonduna olan 98 manat, İcbari Tibbi Sığorta Fonduna olan 370,86 manat məbləğində borcun ödənilməsini təmin etmək üçün həmin şəxsin rəhbəri olan, Maraqlı şəxs barəsində (doğulduğu tarix-01 avqust 1951-ci il, doğulduğu yer- Azərbaycan, Abşeron rayonu, Güzdək qəsəbəsi, şəxsiyyəti təsdiq edən sənədin FİN nömrəsi-xxxxxxx, şəxsiyyət vəsiqəsinin seriya və nömrəsi AZE 0*******) ölkədən getmək hüququ müvəqqəti məhdudlaşdırılsın. 100 (yüz) manat məbləğində dövlət rüsumu maraqlı şəxs X1 tutularaq dövlət büdcəsinə ödənilsin. Qətnamə qəbul edildikdən dərhal sonra qanuni qüvvəyə minir. Hakim: Habil Əhmədov