Qəbələ Rayon Məhkəməsi Qərardad — İş №e-2(025)-1096/2024

Azərbaycan Respublikası adından QƏRARDAD Qəbələ şəhəri İş № e-2(025)-1096/2024 01.08.2024 QƏBƏLƏ RAYON MƏHKƏMƏSİ Qəbələ Rayon Məhkəməsinin hakimi X2 İddiaçı Tikinti, Turizm və Ticarət KO.LTD” MMCnin cavabdehlər, X1 və qeyrilərinə qarşı ümumi paylı mülkiyyətdən payın naturada ayrılması tələbi barədə ərizəsinə və ona əlavə olunmuş sənədlərə baxaraq MÜƏYYƏNETDİ: İddiaçı Tikinti, Turizm və Ticarət KO.LTD” MMC cavabdehlər, X1 və qeyrilərinə qarşı ümumi paylı mülkiyyətdən payın naturada ayrılması tələbi barədə iddia qaldıraraq ümumi paylı mülkiyyətdə olan 0,34 ha torpaq sahəsindən ona düşən 0,085 ha ərazinin döngə nöqtələri müəyyən edilərək naturada ayrılması haqqında qətnamə çıxarılmasını xahiş etmişdir. Aşağıda qeyd olunan əsaslara görə iddia ərizəsi məhkəmənin icraatına qəbul edilə bilməz. AR MPM-nin 149.2.2-ci maddəsinə əsasən iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Həmin Məcəllənin 149.2.3-cü maddəsinə əsasən iddia ərizəsində iddianın predmeti və qiyməti, iddiaçının və ya ərizəçinin tələbi, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Həmin Məcəllənin 149.2.5-ci maddəsinə əsasən iddia ərizəsində ərizəyə əlavə edilən sənədlərin siyahısı göstərilməlidir. Həmin Məcəllənin 149.4-cü maddəainə əsasən iddia ərizəsində mübahisənin düzgün həll edilməsi üçün zəruri olan digər məlumatlar, həmçinin iddiaçının vəsatətləri də göstərilməlidir. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə.... hakim iddia ərizəsini və ona əlavə olunmuş sənədləri geri qaytarır. Məhkəmə hesab edir ki, iddia ərizəsində cavabdehlərin poçt ünvanı, iddianın predmeti ( 0,34 ha torpaq sahəsinin harda yerləşdiyi məlum deyil ), istinad edilən fakt və halları təsdiq edən sübutların siyahısı və ərizəyə əlavə edilən sənədlərin siyahısı göstərilmədiyindən və torpaq sahəsinin hüquqi statusuna dair sənədlər əlavə edilmədiyindən AR MPM-nin 149-cu maddəsi ilə müəyyən olunmuş forma və məzmun tələblərinə riayət edilməmişdir. Ona görə də, İddiaçı Tikinti, Turizm və Ticarət KO.LTD” MMC-nin cavabdehlər, X1 və qeyrilərinə qarşı ümumi paylı mülkiyyətdən payın naturada ayrılması tələbi barədə iddia ərizəsi geri qaytarılmalıdır. Qeyd olunanlara əsasən Azərbaycan Respublikası MPM-nin 263, 264, 267 və 268-ci maddələrini rəhbər tutaraq QƏRARAALDİ: İddiaçı Tikinti, Turizm və Ticarət KO.LTD” MMC-nin cavabdehlər, X1 və qeyrilərinə qarşı ümumi paylı mülkiyyətdən payın naturada ayrılması tələbi barədə iddia ərizəsi geri qaytarılsın. Qərardaddan 10 (on) gün müddətində Qəbələ Rayon Məhkəməsinə şikayət verilə bilər. Hakim: Ülvi Qənbərov