Gəncə Şəhəri Nizami Rayon Məhkəməsi Qətnamə — İş №e-2(044)-3825/2021

Azərbaycan Respublikası adından QƏTNAMƏ Gəncə şəhəri İş № e-2(044)-3825/2021 19.11.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Hünmətov Zaur Adil oğlu, "xxxx" ASC-nin Cavabdeh qarşı “pul” tələbi barədə kiçik iddialara dair işlər üzrə sadələşdirilmiş icraat qaydasında ərizəyə baxaraq məhkəmə MÜƏYYƏN ETDİ: "xxxx" ASC iddia ərizəsi ilə məhkəməyə müraciət edərək, Cavabdeh 2061 manat məbləğində sığorta ödənişinin əvəzi və 40.61 manat dövlət rüsumunun tutulmasına dair qətnamə çıxarılmasını xahiş etmişdir. İŞİN HALLARİ İddia tələbi onunla əsaslandırılmışdır ki, 29.08.2019-cu il tarixdə, saat, 18:50 radələrində Gəncə şəhəri Cavadxan küçəsi ilə Eminbəyli küçəsinin kəsişməsində baş vermiş yol nəqliyyat hadisəsi nəticəsində, cavabdeh tərəfindən idarə edilmiş "VAZ-2109" markalı, **-GL-*** dövlət qeydiyyat nişanlı avtomobil, "Nissan Primera" markalı, **-NR-*** dövlət qeydiyyat nişanlı avtomobil və “VAZ-21074” markalı, **-KM-*** dövbt qeydiyyat rışanlı avtomobil ilə toqquşmuşdur. "VAZ-2109” markalı,**-GL-*** dövlət qeydiyyat nişarıli avtomobil iddiaçı tərəfindən 02.04.2019-cu il tarixindən 02.04.2020-ci il tarixinə PXA ********** saylı icbari sığorta şəhadətnaməsi ilə sığortalarmışdır. Hadisə ilə bağlı Gəncə şəhəri BPİ-nin DYPŞ-nin 02.09.2019-cu il tarixli, 317-7044-1219 saylı YNHnin təfərrüatları barədə arayışından, 29.08.2019-cu il tarixli, İXP ******* saylı inzibati xəta haqqında Protokoklan, 01.09.2019-cu il tarixli, TP ******* saylı inzibati tənbeh vermə haqqında Qərardan görünür ki, həmin hadisənin törədilməsində cavabdeh AR İXM-nin 327.1-ci maddəsi (yol nişanlarının və ya yolların hərəkət hissəsinin işarələrinin tələblərinə riayət edilməməsi), 327.2-ci (yolayrıcı keçmə qaydalarının pozulmasi) və 327.6-cı maddələri (yol nəqliyyat hadisəsi , yerindən yayınma) ilə təqsirli şəxs kimi tanımışdır. 16.09.2019-cü il tarixli, 3738 nömrəli ödəniş tapşırığından görünür ki, PXA51746 saylı Sığorta Aktina əsasən, zərərin məbləği olaraq 1355 manat sığorta ödənişi iddiaçı tərəfindən zərərçəkmiş şəxs X2 bank hesabına ödənilmişdir. 16.09.2019-cü il tarixli, 3789 hömrəli ödəniş tapşırığından görünür ki, PXA51745 saylı Sığorta Aktına əsasən, zərərin məbləği olaraq 706 manat sığorta ödənişi iddiaçı tərəfindən zərərçəkmiş şəxs X1 bank hesabına ödənilmişdir. Ərizəyə əlavə olunmuş: -PXA ********** saylı 02.04.2019-cu il tarixli İcbari Sığorta Müqaviləsinə dair məlumatlardan görünür ki, **-GL-*** dövlət qeydiyyat nişanlı VAZ 2109 markalı avtonəqliyyat "xxxx" ASC tərəfindən tərəfindən sığortalanmışdır; -avtonəqliyyat vasitəsi sahiblərinin mülki məsuliyyətinin icbari sığortası üzrə sığorta hadisəsi hesab edilə bilən halın təfərrüatları barədə arayışın surətindən görünür ki, 29.08.2019-cu il tarixdə saat 18:50-də Gəncə şəhəri Cavadxan küçəsi ilə Eminbəyli küçəsinin kəsişməsində baş vermiş yol nəqliyyat hadisəsi baş vermişdir; -iş materiallarında olan təmir smetasından görünür ki, **-NR-*** dövlət qeydiyyat nişanlı Nissan Primera markalı avtonəqliyyat vasitəsinə ümumilikdə 1355 manat məbləğində maddi zərər dəymişdir; iş materiallarında olan təmir smetasından görünür ki, **-KM-*** dövlət qeydiyyat nişanlı VAZ 21074 markalı avtonəqliyyat vasitəsinə ümumilikdə 706 manat məbləğində maddi zərər dəymişdir; 29.08.2019-cu il tarixli, İXP ******* saylı inzibati xəta haqqında Protokoklan, 01.09.2019-cu il tarixli, TP ******* saylı inzibati tənbeh vermə haqqında Qərardan görünür ki, Cavabdeh AR İXM-nin 327.1-ci, 327.2-ci və 327.6-cı maddələrində nəzərdə tutulmuş inzibati xətanı törətmişdir; PROSESSUAL MƏSƏLƏLƏR Azərbaycan Respublikası Mülki Məcəlləsinin 936.2-ci maddəsinə əsasən faydalanan şəxsin zərər vuran şəxsə qarşı zərərin əvəzini ödəmək tələbi (iddiası) ilə bağlı hüquq əmlak sığortası üzrə sığorta ödənişini vermiş sığortaçıya subroqasiya qaydasında onun verdiyi sığorta ödənişi məbləğində keçir. - 936.5-ci maddəsinə əsasən sığortaçı subroqasiya hüququndan zərərvuran şəxsin özünə və (və ya) müvafiq sığorta hadisəsi ilə bağlı risklər üzrə həmin şəxsin məsuliyyətini sığortalamış sığortaçıya, həmçinin qanunvericiliyə əsasən dəyən zərərə görə sığortalı və ya faydalanan şəxs qarşısında maddi məsuliyyət daşıya bilən digər şəxsə qarşı istifadə edə bilər. - 1097.1-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Qanunla zərərin əvəzini ödəmək vəzifəsi zərəri vurmayan şəxsin öhdəsinə qoyula bilər. - 1108.1-ci maddəsinə əsasən ətrafdakılar üçün yüksək təhlükə ilə bağlı fəaliyyəti (nəqliyyat vasitələrindən, mexanizmlərdən, yüksək gərginlikli elektrik enerjisindən, atom enerjisindən, partlayıcı maddələrdən, güclü təsir edən zəhərlərdən və i.a. istifadə edilməsi; tikinti fəaliyyətinin və onunla bağlı digər fəaliyyətin həyata keçirilməsi və s.) nəticəsində mülki hüquq pozuntusu törətmiş fiziki və hüquqi şəxslər yüksək təhlükə mənbəyinin vurduğu zərərin əvəzini ödəməyə borcludurlar, bu şərtlə ki, zərərin qarşısıalınmaz qüvvənin təsiri və ya zərərçəkənin qəsdi nəticəsində əmələ gəldiyini sübuta yetirməsinlər. Zərərin əvəzini ödəmək vəzifəsi yüksək təhlükə mənbəyinə mülkiyyət hüququ ilə və ya digər qanuni əsasla (icarə hüququ ilə, nəqliyyat vasitəsini idarə etmək hüququna dair etibarnamə üzrə və i.a.) sahiblik edən fiziki və ya hüquqi şəxsin öhdəsinə qoyulur. Həmçinin, “İcbari sığortalar haqqında” Azərbaycan Respublikası Qanununun 25.1 və 25.1.3cü maddələrinə əsasən sığortaçının mülki məsuliyyətin icbari sığortası üzrə verdiyi sığorta ödənişi məbləğində sığortalıya və (və ya) müvafiq hallarda sığorta olunana qarşı subroqasiya hüququ icbari sığorta şəhadətnaməsində göstərilən əmlakın onu istifadə etməyə, idarə etməyə, işlətməyə və digər qaydada istismar etməyə hüququ olmayan şəxs tərəfindən istismar edilməsi; bu zaman, müvafiq əmlak buna hüququ olmayan şəxs tərəfindən sığortalının və ya sığorta olunanın, bu barədə məlumatlı olmağa borclu olduğu hallar istisna olmaqla, xəbəri olmadan istismar edilərsə, subroqasiya hüququ həmin şəxsə qarşı yaranır. Həmin Qanunun 25.2-ci maddəsinə əsasən bu Qanunun 25.1-ci maddəsində nəzərdə tutulmuş hallarda subroqasiya hüququ sığorta hadisəsinin baş verməsində təqsirli olan şəxsə qarşı yaranır. Sığorta hadisəsinin baş verməsində təqsirli olan şəxs işlərin təhlükəsiz aparılmasına əmək müqaviləsi, mülki hüquqi müqavilə və ya muzd əsasında müəyyən tapşırığın yerinə yetirilməsi üçün müvafiq əmlakı işlətməsi, idarə etməsi və ya digər qaydada istifadəsi üçün ona verən sığortalının (sığorta olunanın) nəzarəti altında fəaliyyət göstərdiyi və ya fəaliyyət göstərməli olduğu halda, subroqasiya hüququ həmin sığortalıya (sığorta olunana) qarşı da istifadə edilə bilər. Həmin Qanunun 63.1-ci maddəsinə əsasən bu Qanunun 63.2-ci maddəsi nəzərə alınmaqla, avtonəqliyyat vasitələrinin sahiblərinin mülki məsuliyyətinin icbari sığortası üzrə baş vermiş sığorta hadisəsi zamanı sürücü hadisə yerindən yayınmış olduqda da sığorta ödənişi vermiş sığortaçının hadisəni törətmiş şəxsə qarşı verilmiş sığorta ödənişi məbləğində subroqasiya hüququ yaranır. Sadalanan xüsusatlara və qanuvericilik aktı normalarına istinadən hesab edirəm ki, iddiaçı "xxxx" ASC subroqasiya qaydasında zərərin əvəzinin ödənilməsini tələb etməkdə haqlıdır. Buna görə də hesab edirəm ki, iddia təmin olunmalı, Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəməyə ərizə verilərkən dövlət rüsumu kimi ödənilmiş 40.61 manat məbləğində pul vəsaiti cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-5.3, 284-6.1, 357, 360, 362-ci maddələrini rəhbər tutaraq, QƏT ETDİ: İddia təmin edilsin. Cavabdeh 2061 manat məbləğində pul vəsaiti və 40.61 manat dövlət rüsumu tutularaq "xxxx" ASC-yə ödənilsin. Qətnamədən rəsmi qaydada verildiyi gündən 01 (bir) ay müddətində Gəncə şəhəri Nizami rayon Məhkəməsi vasitəsilə Gəncə Apellyasiya Məhkəməsinin mülki kollegiyasına apellyasiya şikayəti verilə bilər. Qətnamədən şikayət verilməzsə, qəbul edildiyi gündən 01 ay keçdikdən sonra qanuni qüvvəyə minir. Hakim: Zaur Hünmətov