Mingəçevir Şəhər Məhkəməsi Qərardad — İş №e-2(051)-2511/2023

Azərbaycan Respublikası adından QƏRARDAD Mingəçevir şəhəri İş № e-2(051)-2511/2023 10.10.2023 MİNGƏÇEVİR ŞƏHƏR MƏHKƏMƏSİ Mən, Mingəçevir Şəhər Məhkəməsinin hakimi Cəbrayılzadə Elza Vaqif qızı iddiaçı X1 cavabdeh Mingəçevir ASAN Xidmət Mərkəzi Notariat ofisinə qarşı miras əmlaka vərəsəlik şəhadətnaməsinin verilməsi və mülkiyyət hüququnun tanınması tələbinə dair iddia ərizəsi ilə bağlı mülki işin materiallarını nəzərdən keçirərək M Ü Ə Y Y Ə N E T D İ M: İddiaçı X1 cavabdeh Mingəçevir ASAN Xidmət Mərkəzi Notariat ofisinə qarşı miras əmlaka vərəsəlik şəhadətnaməsinin verilməsi və mülkiyyət hüququnun tanınması tələbinə dair iddia ərizəsi ilə Mingəçevir Şəhər Məhkəməsində iddia qaldıraraq, X1 atası X2 məxsus Mingəçevir Avtomotoservis ASC-dən ibarət miras əmlaka vərəsəlik şəhadətnaməsinin verilməsi və mülkiyyət hüququnun tanınması barədə qətnamə çıxarılmasını məhkəmədən xahiş etmişdir. İddia ərizəsinin məhkəmənin icraatına qəbulu araşdırılarkən müəyyən olunmuşdur ki, iddia ərizəsi Azərbaycan Respublikasının Mülki Prosessual Məcəlləsi ilə nəzərdə tutulmuş zəruri tələblərə əməl edilmədən məhkəməyə verilmişdir. Belə ki, iddia ərizəsinə baxış keçirərkən müəyyən olunur ki, iddia tələbini təsdiq edən sənədlər ərizəyə əlavə edilməmişdir. Belə ki, iddiaçı öz tələbinin əsası kimi təsdiq edən sənədləri məhkəməyə təqdim etməmişdir. Bununla da iddiaçı ərizəsinin forma və məzmununa dair zəruri tələbləri nəzərdə tutan Azərbaycan Respublikası MPM-in 149-cu maddəsinin tələbinə əməl etməmişdir. Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə iddia ərizəsi və ona əlavə edilmiş sənədlər iddiaçıya geri qaytarılır. Həmin Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Dövlət rüsumunun geri qaytarılması halları ilə bağlı MPM-in 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa dövlət rüsumu geri qaytarılır. Qeyd olunanlara əsasən və Azərbaycan Respublikası MPM-nin 263, 264, 267 və 268-ci maddələrini rəhbər tutaraq Q Ə R A R A A L D İ M: İddiaçı X1 cavabdeh Mingəçevir ASAN Xidmət Mərkəzi Notariat ofisinə qarşı miras əmlaka vərəsəlik şəhadətnaməsinin verilməsi və mülkiyyət hüququnun tanınması tələbinə dair iddia ərizəsi və ona əlavə olunmuş sənədlər iddiaçıya geri qaytarılsın. İddiaçıya izah edilsin ki, qeyd olunan nöqsanlar aradan qaldırıldıqdan sonra ümumi qaydada yenidən məhkəməyə müraciət etmək hüququna malikdir. İşə məhkəmədə baxılması üçün ödənilmiş 100 manat dövlət rüsumu iddiaçıya geri qaytarılsın. Qərardaddan, rəsmi qaydada verildiyi gündən 10 (on) gün müddətində Mingəçevir Şəhər Məhkəməsinə (Elektron Məhkəmə İnformasiya Sistemində yaradılan elektron kabinetdən istifadə edilməklə) şikayət verilə bilər. Məhkəmənin hakimi Elza Cəbrayılzadə