Sumqayıt Şəhər Məhkəməsi Qərardad — İş №e-2(060)-302/2022

Azərbaycan Respublikası adından QƏRARDAD Sumqayıt şəhəri İş № e-2(060)-302/2022 02.02.2022 SUMQAYIT ŞƏHƏR MƏHKƏMƏSİ Hakim Süleymanova Almaz Məhərrəm qızının sədrliyi, İsmayılov Əli Seyran oğlunun katibliyi ilə, İddiaçı "xxxx" ASC-nin Cavabdeh qarşı “pul” tələbinə dair ərizəsi üzrə mülki işə məhkəmənin binasında açıq məhkəmə iclasında baxaraq, məhkəmə müəyyən etdi: İddiaçı "xxxx" ASC Cavabdeh qarşı “pul” tələbinə dair ərizə ilə məhkəməyə müraciət edərək, Cavabdeh 144 manat məbləğində sığorta ödənişinin və 20,40 dövlət rüsumunun iddiaçı "xxxx" ASC-nin xeyrinə tutulması barədə qətnamə qəbul edilməsini xahiş etmişdir. Məhkəmə iclasının vaxtı və yeri barədə müvafiq qaydada məlumat verilməsinə baxmayaraq tərəflər mülki iş üzrə təyin edilmiş hazırlıq və məhkəmə baxışı iclaslarına gəlməmişlər, məhkəmə iclasına gəlməmələrinin üzürlü səbəbləri barədə məlumat verməmişlər, iddiaçı məhkəməyə ərizə göndərərək iddiaya onun iştirakı olmadan baxılıb məhkəmə qətnaməsi qəbul edilməsini xahiş etmişdir. 18 yanvar 2022-ci il tarixdə iddiaçıya bildiriş göndərilərək Azərbaycan Respublikası Mülki Prosessual Məcəllənin 150.1.2-ci maddədə nəzərdə tutulmuş sənədlərin əlavə olunmadığı, həmin nöqsanın aradan qaldırıması təklif olunmuş, həmçinin MPM-nin 259.0.12-ci maddəsinin tələbləri izah olunsa da, iddiaçı məhkəmə iclaslarına gəlməmiş, nə də ki, nöqsanlar aradan qaldırılmamışdır. Azərbaycan Respublikası MPM-nin 259.0.12-ci maddəsinə əsasən ərizə bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.0.1-150.0.3-cü maddələrində göstərilən sənədlər əlavə edilmədən verildikdə iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda məhkəmə ərizəni baxılmamış saxlayır. Məhkəmə şərh olun hüquq normasına əsaslanaraq hesab edir ki, iddiaçı tərəfindən qanunvericiliyin tələblərinə əməl edilməmiş, lazımı qaydada dövlət rüsumu ödənilməmiş, qeyd olunan nöqsanın aradan qaldırılması üçün izahlı bildiriş göndərilməsinə baxmayaraq, tələb olunan sənədlər məhkəməyə təqdim edilməmişdir. Qeyd olunan vəziyyətdə mülki işə baxılması və iddianın həll edilməsi qeyri-mümkündür. Odur ki, iddia baxılmamış saxlanılmalıdır. MPM-nin 260-cı maddəsinə əsasən iddianın baxılmamış saxlanılması haqqında məhkəmə qərardad çıxarır. Şərh olunanlara əsasən və Azərbaycan Respublikası MPM-nin 259-260, 263-264, 267-268-ci maddələrini rəhbər tutaraq, məhkəmə qərara aldı: İddiaçı "xxxx" ASC-nin Cavabdeh qarşı “pul” tələbinə dair iddiası baxılmamış saxlanılsın. Qərardaddan, qərardad rəsmi qaydada verildikdən sonra 10 (on) gün müddətində Sumqayıt Şəhər Məhkəməsinə şikayət verilə bilər. Hakim Almaz Süleymanova