Şuşa Rayon Məhkəməsi Qərardad — İş №e-2(077)-445/2022

Azərbaycan Respublikası adından QƏRARDAD Şuşa rayonu İş № e-2(077)-445/2022 19.12.2022 ŞUŞA RAYON MƏHKƏMƏSİ Şuşa Rayon Məhkəməsinin hakimi Səfiyeva Cəmilə İbrahim qızının sədrliyi ilə, İddiaçı cavabdeh X1 qarşı digər sair mülki iş digər tələbinə dair iddia ərizəsi və ona əlavə edilmiş sənədlərə baxaraq MÜƏYYƏN ETDİM: İddiaçı cavabdeh X1 qarşı digər tələbinə dair iddia ərizəsi ilə müraciət edərək, 14 fevral 2010-cu il təvəllüdlü X2 və 14 iyul 2013-cü il təvəllüdlü X3 adlı övladlarının onun yanında saxlanılması barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizə bu Məcəllənin tələblərinə riayət edilməklə verildikdə onun məhkəmə icraatı mümkündür. Hesab edirəm ki, iddiaçı tərəfindən verilmiş ərizə Azərbaycan Respublikası Mülki Prosessual Məcəlləsinin 149-cu maddəsi ilə müəyyən olunmuş formasına və məzmununun tələblərinə cavab vermədiyindən həmin Məcəllənin 152.1.1-ci maddəsinin tələblərinə uyğun olaraq geri qaytarılmalıdır. Belə ki, iddiaçı tərəfindən verilmiş ərizədə cavabdehin adı, soyadı qeyd edilsə də,elektron sistəmə cavabdeh kimi əlavə edilməmiş,habelə onun şəxsiyyətini eyniləşdirməyə imkan verən digər məlumatlar göstərilməmişdir. Bundan başqa,iddiaçı iddia icraatı qaydasında məhkəməyə müraciət etməsinə baxmayaraq tərtib etdiyi ərizəni “qarşılıqlı ərizə” kimi qeyd etmişdir. İddiaçıya izah edilməlidir ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq QƏRARA ALDİM: İddiaçı cavabdeh X1 qarşı digər tələbinə dair iddia ərizəsi və ona əlavə olunmuş sənədlər geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəfə rəsmi qaydada verildikdən sonra 10 gün müddətində Şuşa Rayon Məhkəməsinə şikayət verilə bilər. Sədrlik edən Cəmilə Səfiyeva.