Naxçıvan MR Şərur Rayon Məhkəməsi Qərardad — İş №e-2(110)-621/2022

Azərbaycan Respublikası adından QƏRARDAD Şərur şəhəri İş № e-2(110)-621/2022 25.08.2022 NAXÇIVAN MR ŞƏRUR RAYON MƏHKƏMƏSİ Şərur Rayon Məhkəməsinin hakimi Qarayev Seymur Əlfəddin oğlu, İddiaçı Cavabdeh qarşı “pul, maddi və mənəvi zərərin ödənilməsi və əldən çıxmış fayda” tələbinə dair iddia ərizəsinə və ona əlavə edilmiş sənədlərə Şərur Rayon Məhkəməsinin inzibati binasında baxaraq müəyyən etdi: İddiaçı iddia ərizəsi ilə məhkəməyə müraciət edərək, Cavabdeh 42700 manat pulun, 5000 manat əldən çıxmış faydanın, ödənilən 240 manat dövlət rüsumunun, hüquqi yardıma görə ödədiyi 110 manatın, mənəvi zərərə görə isə 2000 manatın alınaraq ona ödənilməsi barədə qətnamə çıxarılmasını xahiş etmişdir. Azərbaycan Respublikasının Mülki Prosessual Məcəlləsinin 151-ci maddəsinin tələbinə görə, iddia ərizəsinin mümkünlüyü yoxlanılmalıdır. İş üzrə təqdim edilmiş sənədləri nəzərdən keçirib müəyyən etdim ki, iddia ərizəsi Azərbaycan Respublikasının Mülki-Prosessual Məcəlləsinin tələblərinə əməl olunmadan verildiyindən geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin: - 152.1 və 152.1.1-ci maddələrinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır; - 149.2 və 149.2.3-cü maddələrinə əsasən ərizədə iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələblər göstərilməlidir Yuxarıda qeyd edilən prosessual qanunvericiliyin tələbinə əsasən, müəyyən edilmişdir ki, iddiaçı cavabdehə qarşı “pul, maddi və mənəvi zərərin ödənilməsi və əldən çıxmış fayda” tələbi ilə məhkəməyə müraciət etsə də, iddia ərizəsində sübutların siyahısını qeyd etməmişdir. Eyni zamanda iddia ərizəsinə və ona əlavə edilmiş sənədlərə baxılarkən müəyyən edilmişdir ki, 19 avqust 2022-ci il tarixdə İddiaçı Cavabdeh qarşı “pul, maddi və mənəvi zərərin ödənilməsi və əldən çıxmış fayda” tələbi ilə məhkəməyə müraciət etmiş, iddia ərizəsinin forma və məzmununa əməl etmədiyindən iddia ərizəsi və ona əlavə edilmiş sənədlər Şərur Rayon Məhkəməsinin 2(110)- 605/2022 nömrəli, 19 avqust 2022-ci il tarixli qərardadı ilə geri qaytarılmışdır. Həmin qərardadla iddiaçının vəkili-nümayəndəsi Nümayəndə tərəfindən Hökümət ödəniş portalı vasitəsilə xx.xx.2022ci il tarixdə ********* nömrəli qəbzlə dövlət büdcəsinə ödənilmiş 218 (iki yüz on səkkiz) manat dövlət rüsumunun geri qaytarılması nəzərdə tutulmuşdur. İddiaçı qərardadda qeyd edilən nöqsanları aradan qaldırmayaraq yenidən məhkəməyə müraciət etsə də, iddianın qiymətinə müvafiq olaraq 239.43 manat dövlət rüsumu ödəməli olduğu halda 22 manat dövlət rüsumu ödəmiş və Şərur Rayon Məhkəməsinin 2(110)-605/2022 nömrəli, 19 avqust 2022-ci il tarixli qərardadı ilə geri qaytarılması müəyyən olunmuş xx.xx.2022-ci il tarixli ********* nömrəli qəbzin surətini iddia ərizəsinə əlavə etmişdir. Həmin qərardadla ödənilmiş dövlət rüsumunun geri qaytarılması nəzərdə tutulduğundan şikayət vermə müddəti bitdikdən sonra, ödənilmiş dövlət rüsumunun geri qaytarılması məqsədilə icra vərəqəsi çıxarılaraq icra edilməsi üçün aidiyyatı üzrə göndəriləcəyindən, xx.xx.2022-ci il tarixli ********* nömrəli qəbzlə ödənilmiş rüsum bu tələb üzrə dövlət rüsumunun ödənilməsini təsdiq edən sənəd kimi məhkəmə tərəfindən qəbul edilə bilməz. Azərbaycan Respublikasının Mülki Prosessual Məcəlləsinin 152.1 və 152.1.5-ci maddələrində qeyd olunub ki, müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Buna görə də göstərilən səbəblərdən bu nəticəyə gəlirəm ki, iddia ərizəsi və ona əlavə edilmiş sənədlər geri qaytarılmalı və iddiaçıya qərardad da qeyd edilən nöqsanlar aradan qaldırıldıqdan sonra ümumi qaydada yenidən məhkəməyə müraciət etmək hüququ izah edilməlidir. Azərbaycan Respublikasının Mülki Prosessual Məcəlləsinin; - 152.2-ci maddəsində göstərilir ki, iddia ərizəsinin qaytarılması haqqında hakim qərardad çıxarır; - 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə maneə olmur. Azərbaycan Respublikasının Mülki Prosessual Məcəlləsinin 114.1.3-cü maddəsinə uyğun olaraq iddia ərizəsi geri qaytarıldığından, iddiaçının vəkili-nümayəndəsi Nümayəndə tərəfindən Hökümət ödəniş portalı vasitəsilə xx.xx.2022-ci il l tarixdə ********* nömrəli qəbzlə dövlət büdcəsinə ödənilmiş 22 (iyirmi iki) manat məbləğində dövlət rüsumu geri qaytarılmalıdır. Yuxarıda qeyd olunanları və Azərbaycan Respublikasının Mülki Prosessual Məcəlləsinin 152, 263- 264, 267-268-ci maddələrini rəhbər tutaraq qəraraaldı: İddiaçı Cavabdeh qarşı “pul, maddi və mənəvi zərərin ödənilməsi və əldən çıxmış fayda” tələbinə dair iddia ərizəsi geri qaytarılsın. İddiaçının vəkili-nümayəndəsi Nümayəndə tərəfindən Hökümət ödəniş portalı vasitəsilə xx.xx.2022-ci il l tarixdə ********* nömrəli qəbzlə dövlət büdcəsinə ödənilmiş 22 (iyirmi iki) manat məbləğində dövlət rüsumu geri qaytarılsın. İddiaçı izah olunsun ki, ərizənin qaytarılması üçün əsas olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət edə bilər. Qərardaddan, o, tərəfə rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Sədrlik edən : Seymur Qarayev