Bakı Kommersiya Məhkəməsi Qərardad — İş №e-2-2(113)-4464/2021

Azərbaycan Respublikası adından QƏRARDAD Bakı şəhəri İş № e-2-2(113)-4464/2021 06.09.2021 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi Əliyev Emin Zöhrab oğlunun sədrliyi və Əhmədli Əhməd Dünyamin oğlunun katibliyi ilə, İddiaçı C.Cabbarlı adına "xxxx" Kinostudiyası MMC-nın Cavabdeh ASC-yə qarşı borcun ləğv edilməsi tələbinə dair iddia ərizəsinə baxaraq, məhkəmə M Ü Ə Y Y Ə N E T D İ: İddiaçı C.Cabbarlı adına "xxxx" Kinostudiyası MMC iddia ərizəsi ilə məhkəməyə müraciət edərək, Cavabdeh Açıq Səhmdar Cəmiyyətinə ödənilməmiş 170420,59 manat məbləğində borcun ləğv edilməsi barədə qətnamə qəbul edilməsini xahiş etmişdir. İddia ərizəsinə əlavə edilmiş sənədlər nəzərdən keçirilərkən, cavabdehin pretenziyanın alınmasını təsdiq edən sənədin əlavə edilmədiyi müəyyən etmişdir. Bununla yanaşı iddia ərizəsində iddiaçı kimi Cavabdeh ASC-nın Yasamal rayon Su Kanal İdarəsi göstərilsə də, elektron qaydada ərizə qeydiyyatdan keçirilərkən iddiaçı kimi Cavabdeh Açıq Səhmdar Cəmiyyəti göstərilmişdir. Azərbaycan Respublikası MPM-nin 150.0.7-cü maddəsinə əsasən müqavilə ilə və ya həmin kateqoriya mübahisələr üçün qanunda bu nəzərdə tutulmuşsa, cavabdehlə mübahisənin məhkəməyə qədər və ya pretenziya qaydasında nizama salınmasına riayət edilməsini təsdiq edən sənəd əlavə edilməlidir. Həmin Məcəllənin 152.1.6-cü maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə iddia ərizəsi və ona əlavə edilmiş sənədlər geri qaytarılmalıdır. Qeyd olunanları nəzərə alaraq məhkəmə hesab edir ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Azərbaycan Respublikası MPM-nin 263 və 264-cü maddələrinə əsasən, məhkəmə QƏRARA ALDİ: İddiaçı C.Cabbarlı adına "xxxx" Kinostudiyası MMC-nın Cavabdeh ASC-yə qarşı iddia ərizəsi və ona əlavə olunmuş sənədlər, həmçinin 30 manat məbləğində dövlət rüsumunun ödənilməsi barədə **********66 nömrəli, 27.08.2021-ci il tarixli qəbz geri qaytarılsın. İddiaçı C.Cabbarlı adına "xxxx" Kinostudiyası MMC-yə izah edilsin ki, mübahisənin məhkəməyə qədər və ya pretenziya qaydasında nizama salınmasına riayət edilməsini təsdiq edən sənəd (poçt qəbzi və sair) iddia ərizəsinə əlavə edildikdən sonra təkrarən məhkəməyə müraciət oluna bilər. Qərardad tərəfə rəsmi qaydada verildikdən sonra 10 gün müddətində ondan Bakı Kommersiya Məhkəməsinə şikayət verilə bilər. Hakim:Emin Əliyev