Gəncə Kommersiya Məhkəməsi Qərardad — İş №e-2-2(115)-1859/2021

Azərbaycan Respublikası adından QƏRARDAD Gəncə şəhəri İş № e-2-2(115)-1859/2021 29.10.2021 GƏNCƏ KOMMERSİYA MƏHKƏMƏSİ Gəncə Kommersiya Məhkəməsinin hakimi Vəliyev Kənan Hafiz oğlu, İddiaçı Cavabdehnə qarşı borcun silinməsi tələbinə dair ərizəsini və ona əlavə olunmuş sənədləri nəzərdən keçirib, MÜƏYYƏN ETDİM: İddiaçı Cavabdehnə qarşı iddia ərizəsi ilə məhkəməyə müraciət edərək «cavabdehin rəhbəri olduğum «Yadigar» kafesi barəsində tərtib etdiyi təbii qazdan istifadə qaydalarının pozulması haqqında 16 mart 2018-ci il tarixli, ******* saylı Aktın və həmin akt əsasında verilmiş qərarının ləğv edilməsi, Cavabdeh onun barəsində tərtib etdiyi akta əsasən itirilmiş qaz sərfıyyatı kimi 11880 manat məbləğində hesablanmış cərimə məbləğinin silinməsi və dayandırılmış qaz nəqlinin bərpa edilməsi barədə qətnamə qəbul edilməsini xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, ərizə məhkəmə tərəfindən icraata götürülərək baxıla bilməz və ona əlavə olunmuş sənədlərlə birlikdə geri qaytarılmalıdır. Belə ki, iddia ərizəsinin surətinin Cavabdeh tərəfindən alınmasını təsdiq edən sənəd təqdim edilməmişdir. Azərbaycan Respublikası Mülki-Prosessual Məcəllənin 150.0.4-cü maddəsinin tələblərinə əsasən kommersiya mübahisələri üzrə işdə iştirak edən digər şəxslər tərəfindən iddia ərizəsinin surətinin və ona əlavə edilmiş sənədlərin alınması haqqında sənəd, iddia ərizəsinə əlavə edilməlidir İddiaçıya izah olunur ki, həmin sənədi əlavə etməklə yenidən məhkəmədə iddia qaldıra bilər. 152.1.4-ci maddəsinin tələblərinə əsasən kommersiya mübahisələri üzrə işdə iştirak edən digər şəxslər tərəfindən iddia ərizəsinin alınmasına dair sübut təqdim edilmədikdə hakim iddia ərizəsini və ona əlavə olunmuş sənədləri geri qaytarır. Şərh olunanlara əsasən və Azərbaycan Respublikası MPM-nin 152, 263-264, 268ci maddələrini rəhbər tutaraq, QƏRARA ALDİM: İddiaçı Cavabdehnə qarşı cavabdehin rəhbəri olduğu «Yadigar» kafesi barəsində tərtib etdiyi təbii qazdan istifadə qaydalarının pozulması haqqında 16 mart 2018-ci il tarixli, ******* saylı Aktın və həmin akt əsasında verilmiş qərarının ləğv edilməsi, Cavabdeh onun barəsində tərtib etdiyi akta əsasən itirilmiş qaz sərfıyyatı kimi 11880 manat məbləğində hesablanmış cərimə məbləğinin silinməsi və dayandırılmış qaz nəqlinin bərpa edilməsi tələbinə dair iddia ərizəsi və ona əlavə olunmuş sənədlər geri qaytarılsın. Qərardaddan rəsmi qaydada təqdim olunduğu gündən 10 (on) gün müddətində Gəncə Kommersiya Məhkəməsinə şikayət verilə bilər. Hakim Kənan Vəliyev