23.1. İdarəçi müvafiq qanunvericiliyin tələblərini pozması və ya fondun idarəedilmə qaydalarına riayət etməməsi nəticəsində pay mülkiyyətçilərinə vurduğu zərərə görə onların qarşısında tam məsuliyyət daşıyır.
23.2. İdarəçi fondun aktivlərinin bazar dəyərinin artması və ya azalması nəticəsində payın cari dəyərinin dəyişməsinə görə pay mülkiyyətçiləri qarşısında məsuliyyət daşımır.
23.3. Depozitar bu Qanunla və Mərkəzi Bank tərəfindən qəbul edilmiş normativ xarakterli aktlarla müəyyən edilmiş tələbləri pozduqda, pay mülkiyyətçiləri qarşısında idarəçi ilə birgə məsuliyyət daşıyır. Bu halda idarəçi depozitara qarşı reqress tələbini irəli sürə bilər.